Voihein

Voihein / Näčehein
Voihein
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Kaksidülehtesižed (Dicotyledones) Kund: Uniheinänikoižed (Caryophyllales) Sugukund: Uniheinižed (Caryophyllaceae) Heim: Stellaria Erik: Voihein
Latinankel'ne nimi
Stellária média (L.) Vill.
Sistematik Vikierikoiš Kuvad Vikiaitas ITIS 20169 NCBI 13274

Voihein vai Näčehein (latin.: Stellaria media), mugažo närehein paginoiš, om üks'voččiden heinäsižiden kazmusiden erik. Mülütadas Uniheinižed-sugukundha.

Leviganduz

Kazvab Evropas i Pohjoižamerikas nepsoiš tahoiš. Voihein om levitadud mecoiden takaižidme i pallištoidme, läz eländpunktoid, linmail kuti rujohein.

Ümbrikirjutand

Kazmuz mülütab äi vet, ühesa kümnendest.

Sarakoičijad hibusekahad seikhed oma ujelijad kümnehe santimetrhasai kortte. Seikhen leiktuz om kehker. Lehtesed kazdas kohtaiti, niiden form om munanvuitte.

Änikod oma henod vauktad tähthanvuiččed. Voihein änikoičeb semendkus-elokus. Üks' kazmuz andab 15 tuhazesai semnid, ned tal'vdudas lumen al hüvin i voidas säta idüid 2..5 vot. Äikerdoičese vegetativižikš-ki. Severz'-se pol'vid kazdas ühtes sezonas.

Kävutand

Lugetas hüväks medenkandajaks kazmuseks pit'kan änikoičendan tagut. Ližatas heinäd sötkeks sigale, hanhele, cipaižile. Voihein kucub sömänsulatusen lujad palahtelendad lambhil i järedal kabjživatištol, lugetas sidä toksižeks heiden täht.

Voiheinän üläpalas om äi karotinad. Voib otta vihandad palad sömližaduseks (torhel i keittud), tehta alkogolitomid jomid.

Galerei

• 
  Änikuz
• 
  Änikon lähine nägu
• 
  Semned
• 
  Voiheinän plodud da semned