Troi
![](http://upload.wikimedia.org/wikipedia/commons/thumb/0/0d/Kreuzspitzenweg.jpg/200px-Kreuzspitzenweg.jpg)
![](http://upload.wikimedia.org/wikipedia/commons/thumb/5/5a/Tour_to_the_Quebrada_de_las_Conchas.jpg/300px-Tour_to_the_Quebrada_de_las_Conchas.jpg)
An troi (o troxo o stroxo) al ze na via streta, a fondo natural e segnà dal continuo passajo de omi e , tra pra, bosch o crot e se el cata tanto 'te la pianura fà 'te el svjert. Co troxo se ìindica anca łe viete intrà un toco de tera e n'altro, usade par drenar e pal pasajo del contadin e de mexi agrìcołi picenini.
Definision juridica
[canbia | canbia el còdaxe]Inte el dirito 'italian no ghe n'è gnissuna dissiplina specifica reguardo la realizasion e la manutension dei troi e i ze scarsi anca i contributi de la dotrina in materia.
La unica definision giuridica de troi se la cata 'te el Codice della srada che, al articol 3 (Definizioni stradali e di traffico'), comma primo, n.48, al lo definiss: "Sentiero (o mulattiera o tratturo): strada a fondo naturale formatasi par effetto del passaggio di pedoni e di animali".
Da la giurisprudensa emerge anca altre definision e al troi al ze individuà come quel tracciato che si forma naturalmente e gradualmente par effetto di calpestio continuo e prolungato (Cassasion, majo 1996, n. 4265) ad opera dell'uomo o degli animali, in un percorso privo di incertezze e ambiguità, visìbiłe e permanente (Cassasion, 29 agosto 1998, n. 8633; Cassasion, 21 majo 1987, n. 4623).
Classificasion dei troi
[canbia | canbia el còdaxe]![](http://upload.wikimedia.org/wikipedia/commons/thumb/9/98/V%C3%ADa_ferrata_Sacs_6366.jpg/200px-V%C3%ADa_ferrata_Sacs_6366.jpg)
Classificasion del CAI
[canbia | canbia el còdaxe]- Troi turistico' (T - itinerario escursionistico - turistico)
- Itinerario de anbito local su strade o comunque passaji ben visibiil. Al se svilupa arent a un paess, località turistiche, vie de comunicasion e al ga na inportansa particolat par caminade facili de tipo cultural, turistico o ricreatiu.
- Troi escursionistico' (E - itinerario escursionistico sensa dificoltà tecniche)
- Troi sensa dificoltà tecniche che al coresponde par la gran part a strade fate par scopi agro-silvo-pastorai, militari, a troi par le musse, a troi de colegamento tra vai vesine, a troi fati par menar le vache al pascol e desmontegar, o a troi de acesso a rifugi.
- Troi alpinistico
- Troi che al se svilupa 'ten aree pericolose e co passaji che i ghe richiede al escursionista na bona conossiensa de la montagna, tecnica de base e equipagiamento adeguà. De solito al coresponde a un itinerario de traversada su montagna medio-alta e al pol er toco atresadi.
- Troi atresà (EE - itinerario par escursionisti esperti).
- Sentiero co sicurese fisse (coriman de corde e scalin) che parò no i snatura la continuità del percorso.
- Via ferada o atresada (EEA - itinerario par escursionisti esperti co la atresadura)
- Itinerario che al porta al alpinista su crode o su creste, prim atresà co corde e/o scale sensa de le quale al caminar al costituiree na vera e propria ranpegada. Al domanda na bona preparasion e atresadura come al casco, la inbragadura e al dissipador.
- Troi storico' (generalmente no el presenta dificoltà tecniche, T opur E)
- Itinerario escursionistico che al ripercor "antiche vie" co scopo de stimolo a la conossiensa e a la valorizasion storica dei posti visitadi.
- Troi tematico' (de solito al ze curt e sensa dificoltà tecniche, T opur E)
- Al ze an itinerario a tema specifico prevalente (naturalistico, glaciologico, geologico, storico, relijoss) ciaramente de scopo didàtego e formatiu. De solito al ze atresà co na tabeladura aposta e punti par la osservasion. De solito al ze adato anca al escursionista poco esperto e el se svilupa ten aree limitade e funsionai, tante olte inte parchi o riserve.
Classificasion in base a la longhesa
[canbia | canbia el còdaxe]- Troi de longa percorensa (Sentiero Italia, troi europei, dorsai appeniniche, ecc.)
- de la durada de tanti dì de caminada e de la longhesa de sentener de chilometri, de solito comodi e segnaladi, dotadi de la necessaria ricetività deslonch del percorso.
- de la durada de diverse jornade de caminada (de solito da 3 a 7) e de la longhesa da 40 a 100 km, adati a escursionisti in genere esperti. De solito i ze segnaladi polito e i ze atresadi e suportadi da ricetività.
- Troi percorensa curta
- troi escursionistici, itinerari curti a anel, de la durada massima de 1 o 2 dì de caminada, presenti in gran numero, de solito adati anca al escursionista poco esperto e de conseguensa atresadi.
Clasificasion storico/funsional
[canbia | canbia el còdaxe]- Troi de fondoval
- I ze traciadi che i intaressa pì che sia al fondoval e i colega i paess tra de lori o co la bassa/media montagna.
- Troi de accesso a i fondovai
- Inte sta categoria i rientra tuti i troi che dal fondoval i porta verso rifugi, forsele, pass o sime.
- Troi de traversada
- Troi che i colega le vai o che i porta da un rifugio a quelaltro.
- Troi atresadi o vie ferade
- An reconprende tuti i troi che i ga 'te el so tracià toco atresadi (da i cordin a le scale de fer, passando par stafe, rensin artificiai, ecc.).
Classificasion in base a la origine del troi
[canbia | canbia el còdaxe]- Troi da strada abandonada
- Na olta che na strada no la serve pì come tal e la gnen abandonada, ten serti casi la pol representar comunque na via comoda de passajo. Te un sto caso se ga na degradasion de la sede stradal, al posto de la qual resta na via che no la permet pì al transito de veicoi.
De solito questo la sucede 'te le strade fate far dal genio militar in vista e durante la prima guera mondial. carateristica de sti quà la ze la pendensa costante, e la sede stàbiłe fata co mur a sass, e na serta larghesa.
- Troi militar
- Troi nassesti durante la guera par portar omi, munision e alimenti a la zent al fronte. Se i cognoss parchè i ga senpre la stessa pendensa e i cor a tornanti su costoi riparadi. No i ga infrastruture.
- Troi da mussa
- Troi fati par tirar la mussa, doperadi aonde che era necessario al trasporto de stele, fjen, carbon. I ze larghi ca. 60-70 cm. De solito i corr 'te un buss parchè la manutension la gnen fata ciapando i sass e al material che chej 'te el troi e postandolo 'te la parte esterna.
- Troi de le vache
- Troi fati par montegar e desmontegar. I ze i pì tropi troi che porta 'te i pascoi de montagna.
- Troi de le bestie
- Troi segnadi dal passajo de ruminanti de montagna. Siben che de solito no i ze frequentadi da i omi, se pol doperarli se da caso se se perde parchè de solito i sghiva tute le eventuai ocasion de incrodarse.
Segnaletica
[canbia | canbia el còdaxe]![](http://upload.wikimedia.org/wikipedia/commons/thumb/2/22/Tabella_segnavia_verticale.svg/220px-Tabella_segnavia_verticale.svg.png)
![](http://upload.wikimedia.org/wikipedia/commons/thumb/2/24/Segnavia_orizzontale.svg/220px-Segnavia_orizzontale.svg.png)
La segnaletica dei troi la ze fondamental tanto dal punto de vista escursionistico fa dal punto de vista de la valorizasion del teritorio. No esiste comunque stàndar nasionai o internasionai par la segnaletica dei troi, e cossì al ze probàbiłe che a passar da stato a stato, da rejon a rejon (e serte olte anca da provincia a provincia), la segnaletica la sie tanto diferente, in termini de posisionament, color e mesure.
Al Club Alpino Italiano, tramite la Commmission Centrale par l'Escursionismo, tra al 1990 e el 1996 al ga proà de definir i stàndar da cener e sto indiriso al ze stat assimilà no solche da le sesion e sotosesion del CAI, ma anca da tanti enti teritoriai publici e privati par i quai al CAI al ze gnest al interlocutor de riferimento par la segnaletica e la dissiplina dei troi in general.
Segnaletica principal
[canbia | canbia el còdaxe]La ze ciamada anca vertical e de solito la ze costituida da le tabele meteste al inìsio del troi e te le crosere pì inportanti che le ga sù informasion reguardo el posto indicando nome e quota del posto de partensa e de destinasion co i tenpi de percorensa e el numero del troi, ciamà anca segnavia; altri tipi de tabele le ze prevedeste par i troi tematici, par invidar a caminar entro te el troi, par al rispeto de la flora e de la fauna del posto, par i troi atresadi, par le vie ferade ecc...
Segnaletica secondaria
[canbia | canbia el còdaxe]la ze ciamada anca orizontal o intermedia e la ze fata da bolin de vernise de color bianch-ross o ross-bianch-ross (ciamadi anca bandierine e che i ga inte el numero del troi) metesti al inìsio e deslonch del troi, su sass o piante, par dar la informasion de continuità e conferma del percorso.
Sentieristica
[canbia | canbia el còdaxe]Co la parola sentieristica gnen indicà al insieme o la rete de troi pedonai de intaresse par al escursionismo che i colega serti punti geografici de un teritorio dintorn. Al significà al conprende anca le indicasion distribuide su el teritorio su le mete e i tenpi de percorensa sot forma de tabele diresionai o panei co la representasion cartografica del teritorio stass. Se parla de sentieristica anca par indicar tuti i percorsi destinadi al escursionismo al interno de an parco o de na riserva natural.
Varda anca
[canbia | canbia el còdaxe]Altri progeti
[canbia | canbia el còdaxe]Wikimedia Commons el detien imàjini o altri file so Troi
Colegamenti esterni
[canbia | canbia el còdaxe]- Sito uficial del Club Alpino Italiano
- Presentasion Powerpoint presentade al convegno "Sentieri nella Provincia di Brescia" 2007 - CAI - UniBS - Provincia de Bressia Archivià il 21 de aprile 2009 in Internet Archive.
Controło de autorità | LCCN (EN) sh85136805 · GND (DE) 4189360-8 · NDL (EN, JA) 001100671 |
---|