Ronchet
Al ronchet o róncola al ze an atreso fat da na lama de fer aciajoss incurvada a forma de punto de domanda, gusada te el lato concavo e munida de un manech de solito fat co la stessa lamiera risada a far an cilindro. Te le version pì nove al manech al pol esser fat anca de anei de curan. I ronchet pì veci i ga quindi al manech vodo, sichè resta an buss tra al manech e la lama, su la sinistra, tramite al qual se pol picarli te el als. I ronchet novi invese i ga al manech pjen e na segura de curan che la inpediss che co le man se pode sbrissiar te la lama. Par picarlo che n'è an vero e proprio rensin a la fin del manech, da la banda oposta de la lama.
Al ronchet al gnen doperà da agricoltori, boscajoi e giardinjeri par tajar ran, par sarpir, par tajar cane, par sbrincolar, par farghe la ponta a pai e frasche, par pelar legn, e par snetar dintorn de le pjante prim de laorar col motosega. Ghe n'è de diverse dimension che convensionalmente le gnen indicade co na scala che la nda da 1 a 4.
An atreso che al ghe someja ma che al serve par tut an nantro laoro al ze la sierla.
Esiste anca an cortel che se sera che al ga na sagoma che la ghe someja a quela del ronchet, ma pì cea, doperà te le Alpi, che al gnen ciamà rincio.
| Controło de autorità | GND (DE) 4745618-8 |
|---|