Marlon Brando

Marlon Brando
	; (1961)
Biografia
Nasimènto	(en) Marlon Brando Junior ; 3 de apriłe del 1924 ; Omaha (Nebraska)
Morte	1° de lujo del 2004 (80 ani); Los Angeles (Całifornia)
Càuza de morte	Càuze nadurałi (Insuficensa respiratòria )
Liogo de sepełimento	Tahiti ; Valle della Morte (it)
Dati personałi
Formasion	Actors Studio (it) ; Stella Adler Studio of Acting (it) ; The New School (it) ; Shattuck-Saint Mary's (en) ; Libertyville High School (en)
Altura	175 cm
Atività
Ocupasion	ator, ator de tełevixion, ator de teatro, diretor
Atività	1944 – 2001
Zènare	Western
Profesori	Erwin Piscator (it) , Stella Adler (it) e Lee Strasberg (it)
Òpara
	Òpare in rezalto (1951) Un tram che si chiama Desiderio (it) ; (1954) Fronte del porto (it) ; (1961) I due volti della vendetta (it) ; (1969) Queimada (it) ; (1972) The Godfather; (1972) Ultimo tango a Parigi (it) ; (1979) Apocalypse Now (it) ;
Fameja
Cògnuze	Anna Kashfi (it) (1957–1959); Movita Castaneda (it) (1960–1968); Tarita Teriipia (it) (1962–1972)
Convivente	Irene Papas (it) (–vałor sconosesto)
Fiołi	Stephen T. Blackehart (it) ; ( Marlon Brando); Simon Teihotu Brando (en) ; ( Marlon BrandoTarita Teriipia (it) ); Rebecca Brando (en) ; ( Marlon BrandoMovita Castaneda (it) ); Christian Brando (it) ; ( Marlon BrandoAnna Kashfi (it) ); Cheyenne Brando (it) ; ( Marlon BrandoTarita Teriipia (it) ); Miko Castaneda Brando (en) ; ( Marlon BrandoMovita Castaneda (it) )
Zenitori	Marlon Brando, Sr. (it) e Dodie Brando (it)
Fradełi	Jocelyn Brando (it)
	(1996) Razzie Award al peggior attore non protagonista (it) , premià par L'isola perduta (it) ; (1979) Primetime Emmy Award for Outstanding Supporting Actor in a Miniseries or a Movie (en) , premià par Radici - Le nuove generazioni (it) ; (1973) Golden Globe par el mejo atore in un film dramàtego, premià par The Godfather; (1972) Óscar al mejor ator, premià par The Godfather; (1955) Golden Globe par el mejo atore in un film dramàtego, premià par Fronte del porto (it) ; (1954) Óscar al mejor ator, premià par Fronte del porto (it) ; (1946) Theatre World Award; Donaldson Awards (en) ; stella sulla Hollywood Walk of Fame (it) ;
	Segno
Sito web	marlonbrando.com

Marlon Brando, Jr. (Omaha, 3 de apriłe 1924 – Los Angeles, 1° de lujo 2004) xe stà un [[ator (spetacoło) |ator]] [[Stati Unii de ła Mèrica |statunitense]].

El ga avudo oto candidature al l'Oscar (che el ga ciapà do volte, rifiutandose parò na volta de ritirar ła statueta in segno de protesta contro łe ingiustisie verso łe minoranse etneghe); ła so filmografia ła cunta apena on pugno de capołaori e parece partecipasion a film scarsoti: in tuto poco pì de na quarantina. Nonostante ciò, rl xe sta una intrà łe magior stełe del firmamento cinematografego 'merican e el xe comunemente reconosesto come uno dei mejo interpreti de ła storia del cinema.

Biografia

Łe orixini

Marlon Brando el xe nato a Omaha, inte el Nebraska, el 3 de apriłe 1924. De orixine fransexe par parte de pare (el vero cognome el zera Brandeau), el xe sta incorajà a intraprendare ła cariera de ator da so mare, Dorothy Pennebaker, anematora de ła łocałe compagnia teatrałe e atora anca eła. Espulso par insoburdinasion da l'academia miłitare, el se ga trasferìo a New York, dove el ga studià Arte dramatega, frequentando parfin on corso de bało. Soratuto, el xe sta ameso a l'Actor's Studio, dove el so tałento el ga catà finalmente piena espresion.

Brando el ga debutà a vinti ani teatro a Broadway inte el 1944 inte ła comedia dolse-amara I Remember Mama; el zera apena vegnesto fora da l'Actor's Studio de Lee Strasberg, ma el sucesso teatrałe el sarìa rivà presto, inte el 1947, co l'interpretasion de Stanley Kowalski inte l'opara teatral Un tram che el se ciama Dexiderio de Tennessee Williams. El ga interpretà ła stesa parte par el grande schermo inte el 1951 'nel film omonimo direto da Elia Kazan, in copia co Vivien Leigh.

Rebełe sensa cauxa

Ł'exordio come atore de cinema, Brando ło gaveva avesto l'ano prima, in Omani (1950) de Fred Zinneman.

A xe vegnesto po' łe parte de Emiliano Zapata in Viva Zapata! (1952, che el ghe xe valso el Prix d'interprétation masculine al festival di Cannes), oncora de Elia Kazan, Marco Antonio in Giulio Cesare (1953) de Joseph Mankiewicz, e cheło de on rebełe in moto 'nee El salvàdego (1954), direto da Laszlo Benedek.

Inte ło steso ano el interpreta ła parte de Terry Malloy inte el so film restà forse pì famoxo, Fronte del porto, che el ghe xe valso el primo Oscar al mejo ator.

Par ła so interpretasion in questi film, el ga otegnesto par tre ani consecutivi, 1952, 1953, 1954, el premio BAFTA cuałe mejo ator internasional.

Ł'icona Brando

Par Marlon Brando ła consacrasion l'ariva co Sayonara (1957) e I xovani leoni (1958). Co I due volti della vendetta, Brando el riva a ła regìa par on western fora da łe righe. Inte Gli ammutinati del Bounty (1962), Brando, che l'interpreta el lexendario personajo del primo ofisial Fletcher Christian a fianco de Trevor Howard, el delinea definitivamente i trati partegołarisimi del divo hollywoodian, portatore de on stiłe cupo e istrionego. Inte el 1963 partecipa a ła marcia par i diriti siviłi, racuanti i ga sostegnesto che sto so schieramento el ga influìo negativamente so ła so cariera.

El ritorno

Dopo La contessa di Hong Kong (1967), ła figura de Brando ła pare andar verso el tramonto, quando Gillo Pontecorvo ło scritura par el ruoło del protagonista inte el film Queimada. Brando el asume na nova parte, el tetro omo de mesa età dixincantà. E el firma tre personaji che i resta anca łuri inpresi inte ła storia del cinema: Paul in Ultimo tango a Parigi, Don Vito Corleone inte The Godfather e el cołoneło Kurtz in Apocalypse Now (1979) de Francis Ford Coppola.

On omo, tre face

Paul, protagonista de Ultimo tango a Parigi, el xe on omo de mesa età che el riflete sora łe so frustrasion e sora i so fałimenti (a ghe xe ła cameriera, quando che taca el film che rievocando ła vita del so paròn no ła ga altro che rievocar ła cariera de Brando). On uomo a tochi e co na grande voja de aserare ła propria vida. On tormento che incontra non pochi parałełi inte ła so vida reałe. A resta indesmentegàbiłe el so monòłogo de fronte al łeto de so mujere morta. Co sto film, Brando el xe sta denuncià in Italia insieme a Maria Schneider par concorso in spetacoło osceno e el ga otegnesto 'n'altra candidatura a l'Oscar. Don Vito Corleone (The Godfather), el xe invese on omo vecio, el capostipite de na fameja mafioxa, na figura quaxi stàtega, col volto de l'ator deformà da on paro de grosi batufołi de ovata incastonà drento ła boca, co de łe ocià cripteghe, inte łe cuałe a ghe xe drento tuto el mistero e l'omertà de ła mafia. El Cołoneło Kurtz invese el xe 'rivà invese el so "punto ei rotura" e el va inte ła giungla a fare el semidio, venerà da mijara de salvàdeghi. Chi oncora el xe ła facia a recitar na parte fondamentałe. Brando el xe conpletamente rasà a sero, ła facia perenemente in penombra, a darne on'esensa divina, quaxi astrata. Come na sintexi tra l'ex-pugiłe Paul e el Boss Don Vito, Kurtz el xe votà a l'autodistrusion. E anca chi a ghe xe on parałełismo co ła vita de Brando: da chi in po no el farà pì parti memorabiłi, par via soratuto de łe so disgrasià vicende famejari.

El declin

Par Superman (1978), inte el cuałe el faxeva ła parte de Jor-El, pàre del supereroe, Brando el ga ciapà un saco de schei par recitar soło pochi minuti de film. E in sto ruoło del "cameo" Brando el se rełega fin al resto dei so dì, ormai demotivà come atore e ingrasà a dismisura. A vałe comunque ła pena de citare oncora na so interpretasion da protagonista inte el film Don Juan De Marco maestro d'amore del 1995. El so ultimo film el xe sta The Score del 2001, a fianco de Robert De Niro.

Protesta pro "indians"

Proprio par ła so interpretasion inte el film The Godfather, Brando el ga vinto on altro Oscar ma, ùnxoło caxo inte ła storia del cinema insieme a cheło de l'ator George C. Scott, el ga preferìo rinunciare a ła statueta: l'ator, che inte el fratempo el se zera avicsinà a ła causa dei amerindi, el ga mandà na xovane squaw indiana a tegner al so posto on discorso de denuncia e de protesta contro l'anbiente hollywoodian; ani dopo a se ga savesto che in realtà ła putea no ła zera na vera nativa, ma on'atora.

Ł'atexamento (ancora na volta rebełe, che el el se oponeva a ł'establishment cinematografego) no el ghe ga sbarà ła strada, l'ano sucesivo, par na nova nomination: apunto queła par Ultimo tango a Parigi.

Influense so ła cultura popołare

Al personajo de Paul de "Ultimo tango a Parigi" a se ispira Carlo Ambrosini par ła creasion de ła serie de fumeti dal titoło 'Napołeon, edita da ła Sergio Bonelli Editore.
Marlon Brando el xe cità inte ła canson "Latin Lover" de Gianna Nannini
Marlon Brando el xe cità inte ła canson "Marlon Brando ze sempre lui" de Luciano Ligabue.
Marlon Brando el xe cità inte ła canson "China Girl" de David Bowie.
Marlon Brando el xe cità inte ła canson "Advertising Space" de Robbie Williams.
Marlon Brando el xe cità inte ła canson "Vogue" de Madonna.
Marlon Brando el xe cità inte ła canson "Pocahontas" de Neil Young.
Marlon Brando el xe cità inte ła canson "Goodbye Marlon Brando" de Elton John.

Filmografia

Ator

Uomini (The Men), conosesto anca come Il mio corpo ti appartiene, regia de Fred Zinnemann (1950)
Un tram che el se ciama Dexiderio (A Streetcar Named Desire), regia de Elia Kazan (1951)
Viva Zapata! (Viva Zapata!), regia de Elia Kazan (1952)
Giulio Cesare (Julius Caesar), regia de Joseph L. Mankiewicz (1953)
Il selvaggio (The Wild One), regia de Laslo Benedek (1954)
Fronte del porto (On the Waterfront), regia de Elia Kazan (1954)
Désirée (Désirée), regia de Henry Koster (1954)
Bulli e pupe (Guys and Dolls), regia de Joseph L. Mankiewicz (1955)
La casa da tè alla luna d'agosto (The Teahouse of the August Moon), regia de Daniel Mann (1956)
Sayonara (Sayonara), regia de Joshua Logan (1957)
I giovani leoni (The Young Lions), regia de Edward Dmytryk (1958)
Pelle di serpente (The Fugitive Kind), regia de Sidney Lumet (1959)
I due volti della vendetta (One-Eyed Jacks), regia de Marlon Brando (1960)
Gli ammutinati del Bounty (Mutiny on the Bounty), regia de Lewis Milestone (1962)
Il brutto americano (The Ugly American), conosesto anca come Mission in Oriente, regia de George Englund (1963)
I due seduttori (Bedtime Story), regia de Ralph Levy (1964)
I morituri (Morituri), regia de Bernhard Wicki (1965)
La caccia (The Chase), regia de Arthur Penn (1966)
A sud-ovest di Sonora (The Appaloosa), regia de Sidney J. Furie (1966)
La contessa di Hong Kong (A Countess from Hong Kong), regia de Charlie Chaplin (1967)
Riflessi in un occhio d'oro (Reflections in a Golden Eye), regia dieJohn Huston (1967)
Candy e il suo pazzo mondo (Candy), regia de Christian Marquand (1968)
La notte del dì dopo (The Night of the Following Day), regia di Hubert Cornfield (1969)
Queimada, regia di Gillo Pontecorvo (1969)
Improvvisamente, un uomo nella notte (The Nightcomers), regia de Michael Winner (1972)
The Godfather, regia de Francis Ford Coppola (1972)
Ultimo tango a Parigi, regia de Bernardo Bertolucci (1972)
Missouri (The Missouri Breaks), regia de Arthur Penn (1976)
Superman (Superman: The Movie), regia de Richard Donner (1978)
Apocalypse Now (Apocalypse Now), regia de Francis Ford Coppola (1979)
La formula (The Formula), regia de John G. Avildsen (1980)
Un'arida stagione bianca (A Dry White Season), regia de Euzhan Palcy (1989)
Il boss e la matricola (The Freshman), regia de Andrew Bergman (1990)
Cristoforo Colombo: la scoperta (Christopher Columbus: The Discovery), regia de John Glen (1992)
Don Juan De Marco maestro d'amore (Don Juan DeMarco'), regia de Jeremy Leven (1995)
L'isola perduta (The Island of Dr. Moreau), regia de John Frankenheimer (1996)
Il coraggioso (The Brave), regia de Johnny Depp (1997)
In fuga col malloppo (Free Money), regia de Yves Simoneau (1998)
The Score (The Score), regia de Frank Oz (2001)
Superman II - The Richard Donner Cut (Superman II: The Richard Donner Cut), regia de Richard Donner (2006) (imagini d'archivio)
Superman Returns (Superman Returns), regia de Bryan Singer (2006) (imagini d'archivio)

Regista

Łe do face de ła vendeta (One-Eyed Jacks) (1960)

Altri projeti

Wikimedia Commons el detien imàjini o altri file so Marlon Brando
Scholia el detien schemi gràfeghi so Marlon Brando

Łigamenti foresti

Biografia esensiałe de Marlon Brando
Classic Movies (1939 - 1969): Marlon Brando Archivià il 10 de zenaro 2008 in Internet Archive.

Controło de autorità	VIAF (EN) 41907301 · ISNI (EN) 0000 0001 2129 7892 · LCCN (EN) n50043314 · GND (DE) 118514377 · BNF (FR) cb12309876k (data) · BNE (ES) XX925117 (data) · NLA (EN) 35586940 · NDL (EN, JA) 00512205 · WorldCat Identities (EN) n50-043314