Giografia del Mali

El Mali el xe na naxion de l’Africa Ocidentałe. El confina co l’Algeria par 1 376 km a nord e nord-est, el Nizer (821 km) a est, el Burkina Faso (1 000 km) a sud-est, la Costa d'Avorio (532 km) a sud, la Guinea (858 km) a sud-ovest, el Senegal (419 km) e la Mauritania (2 237 chilometri) a ovest. Nol ga sbochi sul mar.

Topografia

El territorio del Mali el se pol dividar in tri rejoni: la rejone sudanese del sud, el Sahel in tel sentro, e el Sahara in tel nord. El sud el xe cuerto da savane e el xe pianegiante. Al sentro e in tel nord se cata coline e picoli altipiani (200 – 500 m). Le zone semi aride e el deserto le cuerze el 65% del paexe. El punto pi alto del Mali el xe Hombori Tondo (1155 m).

Idrografia

El Fiume Nizer el ga on delta navigabile in tel Mali del sud. La presenza de láqua, l’altro fiume el xe el Senegal, el ga parmeso lo svilupo de l’agricoltura e de la pesca par le popolazioni rivierasche. El Nizer el xe lúnica fonte serta de aqua par el paexe.

Clima

Ent el Mali se cata climi diversi. Da tropicale a desertico co che se va a nord. La cavedal Bamako la ga on clima caldo, ma la ga anca piova (1120 mm a l’ano). El resto del paexe el ga poca piova e tenperatire alte.

Le risorse naturali

Le risorse naturali le xe la bauxite, el rame, diamanti, oro, gesso, ferro, litio, manganese, fosfati, sale, argento, uranio e zinco. Pochi i xe i minerali sfrutá econoomicamente. L’agricoltura la pol esar pràtega solo che in tel 3,8% del paexe. I problemi pi grosi i xe quei ligá a la deforestaxion e de la desertificaxion.

Portałi