Cavo sotomarin

Sesion de l'interior de un cavo sotomarin par tełecomunicasion.
1 – Polietiłene
2 – nastro in Mylar
3 – cavi d'aciajo
4 – bariera inpermeàbile in ałumìnio
5 – Połicarbonato
6 – Tubo de rame o d'ałumìnio
7 – Vazełina
8 – fibra òtega

In tełecomunicasion e inzegnaria ełètrega el cavo sotomarin el ze un cavo costruio e pozà inte el fondo del mare, de un lago o un fiume (cavo subàcueo), doparà par trasportare informasion su na trata o dorsałe de ła rete de trasporto dati o sanò enerzia ełètrega inte ła rete de trasmision ełètrega intrà łe du sponde.

Ghe ze de consevensa du categorie de cavi sotomarini:

• cavo sotomarin par łe tełecomunicasion
• cavo sotomarin par trasporto de enerzia.

Zenerałità

El primo cavo pozà ła zera destinà al trasporto del segnałe del tełègrafo Morse. De sevente i zera stai pozai cavi par ła tełefonia e el tràfego de dati dizitałi (es. Internet). Ła mejorizasion de ła tecnołozia ła permete de erlevar senpre pì ła cuantità de dati o el nùmaro de comunicasion tełefòneghe veicułae. Atualmente na densa rete de cavi sotomarini ła liga tuti i continenti a parte l'Antartide, che de consevensa el rezulta èsar ligà solché par via de satèłiti.

Se bè che ghe fuse l'avegnensa dei satèłiti artifisałi che i połe far da ponti ràdio satełitari intrà i continenti, i cavi sotomarini i ze oncora largamente doparai par du motivasion in particułar. Un satèłite zeostasionàrio el ga da vegner ponesto in òrbita a na altesa da ła superfise terestre de 36 000 km e de consevensa na onda ràdio ła ga da far 72 000 km totałi, rivando a ver na latensa tanto superiore (el nare e tornare de ła resposta) intrà ła fin de ła comunicasion e el scumìsio de ła resposta de l'interlocutor in cuestion.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Cavo sotomarin

Linganbi foresti

• (EN) Undersea cableEnçiclopedia Britannica, Encyclopædia Britannica, Inc.