Carta vetrada
La carta vetrada, ła vien doparada par sgrosar, levigar e snetar superfisi de legno o metało.
Descrision
[canbia | canbia el còdaxe]Ła ze fata de un suporto fletìbiłe, che el połe èsar de carta, teło o altro, cuerto co graneti cristałini de materiałe vetrà, che el połe èsar vero, smerejo, òsido de ałumìnio, carburo de siłìso, zircon. Drio i materiałi dai cuałi łe ze fate, łe gavarà cusita un so nome pì precizà, cofà carte verae se fate de vero, tele smerejae se fate de teła e smerejo, etc.
Clasifegasion
[canbia | canbia el còdaxe]Ła finesa de na carta vetrada ła vien definia da un nùmaro ciamà grana inprimesto a màchina de drio del fojo. Pì alto el ze el nùmaro pì lisa ła sarà ła finidura.
I nùmari de grana, drio de la clasifegasion de ła federasion eoropea produtori de abrazivi par le carte (FEPA P), i połe èsar: 12, 16, 20, 24, 30, 36, 40, 50, 60, 80, 100, 120, 150, 180, 220, 240, 280, 320, 360, 400, 500, 600, 800, 1000, 1200, 1300, 1500, 2000, 2500, 3000, 4000, 5000, 6000, 7000.
El nùmaro el vien presedesto da ła létara P. Ghe altri stàndar de clasifegasion che talvolta i vien doparai, l'american ANSI e el stàndar japonezo JIS.
Notasion
[canbia | canbia el còdaxe]Altri projeti
[canbia | canbia el còdaxe]Wikimedia Commons el detien imàjini o altri file so Carta vetrada
Linganbi foresti
[canbia | canbia el còdaxe]- (EN) sandpaperEnçiclopedia Britannica, Encyclopædia Britannica, Inc.