Rixada
![](http://upload.wikimedia.org/wikipedia/commons/thumb/f/fa/Person_with_hat.png/203px-Person_with_hat.png)
Ła rixada o ridada ła xe na reasion de caràtare nervoxo che ła se manifesta, inte el conportamento omàn, in pì contesti.
En gènare, se trata de na risposta motiva de vanti al'esperiensa del cómego, o a sensasion forte de ałegresa, piaxer, benèsare, otimismo. Parò, ła rixada ła pol anca ver el roło de sfogo de emosion de segno difarente, come ła tristesa e ła rabia (en tałe caxo, inte el linguagio comun, se parla de rixada nervoxa). Ghe xe anca cauxe fìxegheche łe pol far rìdare sensa gnanche na situasion emotiva: par exenpio el sołètego, ol respiramento de òsido de diazoto (dito propio par sto motivo qua "gas exiłarante").
El fenómeno de ła rixada se cata come na modificasion del ritmo respirador, sospension del'inspirasion, scose che łe core inte ła goła, contrasion concatenà de tanti mùscołi (en partigołar fasałi e adominałi), vertadura dei denti, e qualche volta lacrimasion.
Ła rixada ła xe na manifestasion tìpega dei ómeni, no ghe xe mia inte i animałi, i cuałi zà dai tenpi veci gà fà domante de natura fiłoxófega, sicołóxega, conportamentałe, e cusì via.
Controło de autorità | LCCN (EN) sh85075047 · GND (DE) 4033955-5 · BNF (FR) cb119327733 (data) · NDL (EN, JA) 00574147 |
---|