Pianura Veneto-Furlana
La Pianura Veneto-Furlana la xe l'area pianezante che la intaressa la zona centro-oriental del Veneto (pianura veneta) e la banda centro-meridional del Friul-Venexia Ziulia (pianura furlana). La xe el prolongamento nord-oriental de la Pianura Padana.
  | ||||
| Sorte | Pianura | |||
|---|---|---|---|---|
| Parte de | Pianura Padano-veneta (it)  | |||
| Liogo | ||||
| Rejon aministrativa | Vèneto (Itàlia) | |||
| ||||
|
| ||||
El teritorio el xe delimità a nord dai rilievi de le Prealpe venete orientai e dai monti de la Cargna, a est la xe serada dal Carso, a sud la xe bagnada dal Mar Adriatego che el forma l'ampio Golfo de Venesia, intanto che a ovest i Monti Lessini, i Monti Bereghi e i Coi Euganei i la separa parzialmente da la Pianura Padana. L'estremità setentrional de la pianura furlana la costituisse l'alta pianura, co altitudene mèdie intorno ai 100 metri s.l.m. o de poco superiori: questa la se stende infra Avian (estremità ocidental), Vivar, Spilimbergo, San Daniel del Friul, Udene e Cividal del Friul (estremità oriental).
I principai corsi de aqua che i traversa la pianura i xe la Brenta, el Bacajon, el Muson, el Dese, el Zero, el Sil, el Piave, la Livenza, el Lemene, el Tajamento e el Lisonz.