King Power Stadium
| Joyi |
Lester,  Angliya |
|---|---|
| Asos solingan | 2001-yil |
| Qachon qurilgan | 2002-yil |
| Qachon ochilgan | 2002-yil 23-iyul |
| Egasi | TIAA-CREF |
| Yuzasi | maysa (Desso GrassMaster) |
| Inshoot narxi | £37 mln |
| Hajmi | 32.500 |
| Maydon oʻlchami | 101m × 67m |
| Maydon egalari | |
| Lester Siti | |
King Power Stadium – Lesterdagi futbol stadioni, „Lester Siti“ jamoasi uy stadioni. Baʼzida Leicester Tigers regbi klubi ushbu joyda oʻyinlarini oʻtkazadi. Regbi oʻyinlarida koʻproq tomoshabin boʻlishi mumkin, chunki mehmon va uy tarafdorlarini ajratishning hojati yoʻq. Ilgari Walkers stadioni deb nomlangan[1]. Oʻyingoh yopiq yopiq turdagi stadion boʻlib, maydonning ikki chetida 20 metrli ikkita katta ekran bor. 2021-yildan beri, shuningdek, stadion „Lester Siti“ ayollar jamoasining ham uy stadioni hisoblanadi[2].
Asosiy maʼlumotlar
[tahrir | manbasini tahrirlash]Ochilishi
[tahrir | manbasini tahrirlash]Stadion rasman „Lester“ning sobiq hujumchisi Gari Lineker tomonidan 2002-yil 23-iyulda ochilgan edi. U „Walkers“ yuk mashinasida stadionga kelganidan soʻng, u ulkan qaychi yordamida maydondagi lentani kesadi. Yangi stadiondagi birinchi oʻyin 2002-yil 4-avgustda Bask jamoasi „Atletik Bilbao“ga qarshi oʻrtoqlik oʻyini boʻlib oʻtdi. Oʻyin 1:1 hisobida yakunlandi, Tiko birinchi golni urdi va Jordan Styuart „Lester“ning birinchi golini kiritdi. Tomoshabinlar taxminan 24.000 kishini tashkil etdi (kompyuterdagi muammo tufayli rasmiy raqam qayd etilmagan). Birinchi turnirdagi oʻyin olti kundan soʻng boʻlib oʻtdi va „Lester“ 31.022 kishiga yaqin tomoshabinlar oldida „Uotford“ni 2:0 hisobida magʻlub etdi. Brayan Din ikkala golni ham kiritadi. „Lester“ katta qarzlari boʻlishiga qaramay, atigi 2 ta uy oʻyinida magʻlub boʻlgan holda 2002/03-yilgi mavsumni Premyer-ligaga qaytgan holda yakunladi.
Vertolyot halokati
[tahrir | manbasini tahrirlash]2018-yilning 27-oktabr kuni klub egasi Vichai Srivaddhanaprabhaning vertolyoti maydondan koʻtarilganidan koʻp oʻtmay, stadion tashqarisidagi avtoturargohga qulab tushdi. Oʻshanda vertolyotda yana toʻrt kishi boʻlgan. Omon qolganlar yoʻq edi.
Nomlanishi
[tahrir | manbasini tahrirlash]2002-yilda „Lester Siti“ning sobiq homiysi Walkers stadionga nom berish huquqini beruvchi oʻn yillik shartnoma imzoladi. 2007-yil may oyida ular stadionga homiylik muddatini 2017-yilgacha uzaytirish maqsadida yana katta summali toʻlovni toʻlaganlarida shartnoma muddatining oʻrtasida bekor qilindi. Stadion dastlab „Walkers Bowl“ deb nomlanishi kerak edi, ammo muxlislar bu nom „amerikancha“ ekanligini vaj qilib bu nomni qoʻydirishmadi. Muxlislarning petitsiyasi natijasida bu nom tezda „Walkers Stadium“ga oʻzgartirildi; ammo baʼzi muxlislar haligacha stadion nomi homiy nomi kelib chiqqanidan, „Filbert“, „Fosse“ yoki „Tulkilar“ kabi nomlar bilan atalmaganidan norozi edilar.
Nom berish huquqi King Powerga 2011/12-yilgi mavsumda sotildi, buning natijasida bu yer King Power stadioni deb nomlanadi.
Manbalar
[tahrir | manbasini tahrirlash]- ↑ „Leicester rename Walkers Stadium the King Power Stadium“. BBC SPORT (7-iyul 2011-yil). Qaraldi: 26-may 2022-yil.
- ↑ „LCFC Women’s landmark first season in the Barclays FA Women’s Super League will see them play the majority of their home fixtures at King Power Stadium.“. LCFC (25-avgust 2021-yil).