Batterfly

Batterflyay (ing . butterﬂ y, aynan — kapalak) — sportcha suvda suzish usuli, bunda suvda koʻkrakda turgan holda qoʻllarni baravar aylanma shaklda harakatlantirib suziladi, oyoqlar brass usulidagidek harakatlantiriladi. 1934-yilda paydo boʻlgan. 1952-yilgacha brassning bir turi hisoblangan. 1953-yildan Xalqaro havaskorlik suvda suzish federatsiyasi (FINA) qaroriga koʻra mustaqil sport turiga aylangan. Shu yildan B.ning takomillashtirilgan koʻrinishi — "delfin" paydo boʻladi. Olimpiya oʻyinlari dasturiga 100 m (1968-yildan — erkaklar, 1956-yildan — ayollar oʻrtasida) va 200 m (1956-yildan — erkaklar, 1968-yildan — ayollar oʻrtasida) masofaga suzish kiritilgan.