Пелопоннес

Пелопоннес — Греция жанубидаги ярим орол. Болқон ярим оролнинг жанубий қисми, материкка Коринф бўйни орқали туташган. Майдони 21,4 минг км². Иони ва Эгей денгизлари билан ўралган. Қирғоқ чизиғи нотекис. П.нинг жан. қисми тўртта ярим оролдан иборат. Ре-лефи тоғлик. Аксари қисмининг баландлиги 800–1200 м. Энг баланд жойи 2404 м (Тайгет тизмасидаги Аёс-Илиас чўққиси). П.нинг ўрта қисмида карст релефли Аркад ясситоғлиги (баландлиги 600– 800 м) бор. Соҳили аллювиал пасттекислик. Иқлими субтропик, Ўрта денгиз атрофига хос иқлим. Янв.ничг ўртача температураси 8 —11°, июлники 24—27°. Йиллик ёғин 400–1000 мм. Йирик да-рёлари: Алфей, Эврот. Ўсимликлари, асосан, доим яшил бутазорлар (маквис ва фригана)дан иборат. Аҳолиси чорвачилик, деҳқончилик ва боғдорчилик билан шуғулланади. Муҳим шаҳар ва портлари: Патра, Коринф. П.да Спарта, Олимпия, Микена, Коринф тарихий географик вилоятлари жойлашган. Туризм ривожланган.