Николай И

Николай И

Николай И (Николай Павлович Романов) (1796.25.6, Сарское Село, ҳозирги Пушкин шаҳри — 1855.18.2, Петербург) — Россия императори (1825—55). Павел И нинг 3-ўғли. Декабристлар қўзғолонини бостирган (1825). Н. И даврида марказлашган давлат бюрократик аппарати кучайтирилган, 3-бўлим (инқилобий ҳаракатга қарши курашиш учун сиёсий полиция) барпо этилган; Россия империяси қонунлар мажмуаси тузилган, янги сензура уставлари жорий қилинган (1826, 1828). 1837-йил Россияда биринчи марта Царское Селода темир йўл ҳаракати очилган. Н. 1 ички сиёсатининг асосий мақсади — самодержавие-крепостнойлик тузумининг мустаҳкамлигини сақлаш эди. 1830—31 йиллардаги Полша қўзғолони; 1848—49 йиллардаги Венгрия инқилобини қонга ботирган. Муқаддас иттифоқнинг тамойилларига қайтиши Н. И ташки сиёсатининг муҳим томони бўлган. Н. 1. даврида Россия Кавказ (1817—64), Россия—Эрон (1826—28), Россия—Туркия (1828-29), Қрим (185356) урушларини олиб борган. Хива хонлигини босиб олиш мақсадида Перовский экс-педициясини жўнатган.