Gʻaybulla Boboyorov
Gʻaybulla Boboyorov (1973-yil, Chiroqchi tumani, Qashqadaryo viloyati, OʻzSSR) – oʻzbekistonlik tarixchi olim, tarix fanlari doktori, professor.
| Gʻaybulla Boboyorov | |
|---|---|
| Tavalludi |
1973-yil Chiroqchi tumani, Qashqadaryo viloyati, OʻzSSR |
| Fuqaroligi |
 OʻzSSR →  Oʻzbekiston |
| Kasbi | Tarixchi olim |
| Taʼlimi |
Qarshi davlat universiteti Sharqshunoslik instituti Toshkent davlat universiteti |
| Ilmiy darajasi | Fan doktori |
| Ilmiy unvoni | Professor |
| Mukofotlari |
 |
Hayoti
tahrirGʻaybulla Boboyorov 1973-yilda Qashqadaryo viloyatining Chiroqchi tumanida tavallud topgan. 1991–1996-yillarda Qarshi davlat universiteti tarix fakultetida bakalavr bosqichida, 1996–1999-yillarda Oʻzbekiston Respublikasi Fanlar akademiyasining Sharqshunoslik institutida aspirantura bosqichida va Toshkent davlat universiteti (hozirgi Oʻzbekiston milliy universiteti)ning falsafa fakultetida ham tahsil olgan.
Gʻaybulla Boboyorovning 300 dan ortiq ilmiy maqolalari nashr etilgan va 25 ta monografiya, jumladan, „Köktürk kağanliği sikkeleri katalogu“ (2007-yil, Anqara), „Gʻarbiy Turk xoqonligining davlat tuzumi“ (2012-yil, Toshkent) kabi monografiyalar muallifi hisoblanadi. Bundan tashqari uni qadimgi turk-run va sugʻdiy yozuvli bitiklar boʻyicha oz sonli mutaxassislardan biri deb eʼtirof etilgan[1]. Hozirda Oʻzbekiston Fanlar akademiyasi huzuridagi Milliy arxeologiya markazi boʻlimi mudiri boʻlib faoliyat yuritadi[2][3].
Mukofotlari
tahrir- „Oʻzbekiston belgisi“ koʻkrak nishoni.
Manbalar
tahrir- ↑ Oyina.uz. „Tarixchi olim G‘aybulla Boboyorov “Har bir inson hayoti davomida o‘qishi shart bo‘lgan 10 kitob” tavsiya qiladi“ (2024-yil 21-noyabr). Qaraldi: 2024-yil 21-noyabr.
- ↑ „Markaziy Osiyoda tanga pullar muomalasi yo'lga qo'yilgan ilk hudud“ „Yangi Oʻzbekiston“ va „Pravda Vostoka“ gazetalari tahririyati (2021-yil 6-yanvar). Qaraldi: 2024-yil 21-yanvar.
- ↑ „“Tangalar qadim tarixdan soʻzlaydi”“. Imom Buxoriy xalqaro ilmiy–tadqiqot markazi (2023-yil 11-aprel). Qaraldi: 2024-yil 21-noyabr.