گریگوری پنکس

گریگوری پنکس
(انگریزی میں: Gregory Goodwin Pincus)
معلومات شخصیت
پیدائش	9 اپریل 1903ء
وفات	22 اگست 1967ء (64 سال)  بوسٹن
وجہ وفات	ابیضاض
رہائش	نارتھ بورو
شہریت	ریاستہائے متحدہ امریکا
رکن	امریکی اکادمی برائے سائنس و فنون ،  قومی اکادمی برائے سائنس
عملی زندگی
مادر علمی	ہارورڈ یونیورسٹی کورنیل یونیورسٹی
پیشہ	ماہر فعلیات ،  حیاتی کیمیا دان ،  طبیب ،  ماہر حیاتیات ،  سائنس دان
پیشہ ورانہ زبان	انگریزی
شعبۂ عمل	حیاتیات ،  تحقیق
ملازمت	ہارورڈ یونیورسٹی ،  کلارک یونیورسٹی
اعزازات
جان سائمن گوگین ہیم میموریل فاؤنڈیشن فیلوشپ (1939)

گریگوری پنکس ایک امریکی ماہر حیاتیات تھا جو نیو جرسی میں وڈبائن کے علاقے میں 1903ء میں پیدا ہوا۔ وہ روسی یہودی والدین کی اولاد تھا۔ کارنل سے اس نے گریجویشن کی۔ 1927ء میں ہارورڈ سے ڈاکٹری کی ڈگری حاصل کی۔ بعد ازاں اس نے متعدد اداروں میں کام کیا جس میں ہارورڈ اور کیمبرج کے ادارے شامل ہیں۔ وہ چند سال کلارک میں پروفیسر ہو گیا۔

علمی خدمات

1944ء میں اس نے "وارکسٹر فاؤنڈیشن برائے تجرباتی حیات" کے لیے اہم کردار ادا کیا۔ بعد میں وہ طویل عرصے تک ان لیبارٹریز کا پروفیسر رہا۔اس نے قریب 250 سائنسی مقالے اور ایک کتاب "تولید زرخیزی کی فتح" بھی لکھی جو 1965ء میں چھپی۔

وجہ شہرت

گریگوری پنکس ہی وہ امریکی ماہر حیاتیات ہے جس نے دفع حمل کی گولی میں بنیادی کردار ادا کیا۔اس گولی کی دوہری افادیت ہے۔ ایک تو یہ کہ وہ دنیا جو کثرت آبادی کے خوف سے تھرا رہی تھی۔وہاں اس گولی کی اہمیت اظہر من الشمس سے کم نہیں۔ جبکہ دوسری طرف یہ امر بھی تسلیم شدہ ہے کہ اس گولی کی ایجاد سے زنا کی تعداد میں بہت اضافہ ہوا۔ مرد و عورت میں بغیر شادی کے جسمانی تعلق قائم کرنے کا رجحان بڑھا۔ اس سے قبل غیر شادی شدہ عورتوں کو حمل کا خوف رہتا۔ مگر اس گولی کی ایجاد سے وہ آزادانہ اپنی جسمانی لذت حاصل کرنے لگیں۔

اس پہلی ضبط تولید گولی (Envoid) سے پہلے بھی دفع حمل کی قابل اعتبار تدابیر مروج تھیں۔ اکثر معالج پہلے ڈایافراگرام(Diaphragram)کا مشورہ دیتے۔ مگر ماضی میں اور آج بھی خواتین اس سے اجتناب برتی ہیں۔ لہٰذا گذشتہ برسوں میں لاکھوں امریکی خواتین نے اپنا گناہ چھپانے کے لیے اس گولی کا استعمال کیا۔

وفات

اپنی زندگی میں پنکس کو کئی سائنسی اعزازات سے نوازا گیا۔ وہ 1967ء میں بوسٹن میں فوت ہوا۔