مندرجات کا رخ کریں

کرائسٹ چرچ کی مساجد پر حملہ

متناسقات: 43°31′58″S 172°36′42″E / 43.5329°S 172.6118°E / -43.5329; 172.6118
آزاد دائرۃ المعارف، ویکیپیڈیا سے
کرائسٹ چرچ مساجد حملے
النور مسجد (جون 2006ء)
نقشہ
مسجد النور (بائیں) اور لن ووڈ اسلامک سینٹر (دائیں)
مقامکرائسٹ چرچ، نیوزی لینڈ
متناسقات43°31′58″S 172°36′42″E / 43.5329°S 172.6118°E / -43.5329; 172.6118
تاریخ15 مارچ 2019ء
13:40 (وقت مطابق نیوزی لینڈ)
حملے کی قسمدہشت گردی، بڑے پیمانے پر قتل
ہلاکتیں50
  • مسجد النور میں 42
  • لن ووڈ اسلامک سینٹر میں 7
  • بعد ازاں کرائسٹ چرچ ہسپتال میں ایک نے دم توڑا
زخمی50
مرتکببرینٹن ٹیرنٹ
مقصداسلاموفوبیا
سفید فامی برتری
انتہائی بائیں بازو شدت پسندی

کرائسٹ چرچ کی مساجد پر حملہ کی واردات 15 مارچ 2019ء کو پیش آئی۔نیوزی لینڈ کے دار الحکومت کرائسٹ چرچ میں واقع مسجد النور اور لِن ووڈ مسجد پر دہشت گردانہ حملے کیے گئے جن میں 49 سے زائد افراد جاں بحق اور 20 سے زائد افراد زخمی ہوئے۔ ملک کی وزیرِ اعظم جاسنڈا آرڈرن کے مطابق: یہ نیوزی لینڈ کی تاریخ کا سیاہ ترین دن ہے۔[1] برطانوی وزیر اعظم تھریسا مئے نے اپنے تعزیتی بیان میں کہا کہ: کرائسٹ چرچ میں ہونے والے ہیبت ناک دہشت گردانہ حملے کے بعد میں پورے برطانیہ کی طرف سے نیوزی لینڈ کے عوام سے افسوس کا اظہار کرتی ہوں۔ میری دعائیں اس پر تشدد حملے میں متاثر ہونے والے تمام افراد کے ساتھ ہیں۔[1] وزیراعظم پاکستان عمران خان نے حملے کی مذمت کرتے ہوئے اپنے ٹویٹ میں لکھا کہ: کرائسٹ چرچ نیوزی لینڈ میں مسجد پر دہشت گردانہ حملہ نہایت تکلیف دہ اور قابل مذمت ہے۔ یہ حملہ ہمارے اس موقف کی تصدیق کرتا ہے جسے ہم مسلسل دہراتے آئے ہیں کہ ’دہشت گردی کا کوئی مذہب نہیں‘۔ ہماری ہمدردی اور دعائیں متاثرین اور ان کے اہل خانہ کے ساتھ ہیں۔ کرائسٹ چرچ کی دو مساجد پر حملے کے بعد ملک بھر میں نیوزی لینڈ کا قومی پرچم سرنگوں کر دیا گیا۔ نیوزی لینڈ کی وزیر اعظم نے 49 افراد کے جاں بحق ہونے کی تصدیق کی۔[2]

پس منظر

[ترمیم]

یہ دہشت گردانہ حملہ 15 مارچ 2019ء کو نیوزی لینڈ کے دار الحکومت کرائسٹ چرچ میں واقع مسجد النور میں پیش آیا۔[3] نیوزی لینڈ کی وزیر اعظم کے بیان کے مطابق کرائسٹ چرچ میں دو مساجد پر حملے ’دہشت گردی کے سوا کچھ نہیں‘ اور ان حملوں میں 49 افراد ہلاک اور 20 سے زیادہ لوگ شدید زخمی ہوئے ہیں۔ پولیس کمشنر مائیک بُش کے مطابق حملے ڈین ایوینیو پر واقع مسجد النور اور لِن ووڈ مسجد میں پیش آئے۔ پولیس نے بروقت کارروائی کرتے ہوئے چار افراد، جن میں ایک عورت بھی شامل ہے، کو اب تک حراست میں لیا ہے۔[4][5] نیوزی لینڈ کے اخبار نیوزی لینڈ ہیرالڈ کے بیان کے مطابق ایک حملہ آور کی شناخت ممکن ہوئی ہے جو آسٹریلیا کا شہری ہے۔ نیوزی لینڈ پولیس کے سربراہ مائیک بش کا کہنا تھا کہ 4 افراد کو حراست میں لیا گیا ہے، جن میں ایک شخص پر فرد جرم عائد کی جا چکی ہے، جس کی عمر 28 سال ہے، اس نوجوان کو 24 گھنٹوں میں کرائسٹ چرچ کی عدالت میں پیش کر دیا جائے گا۔[6]

ایک غیر مصدقہ ویڈیو بھی منظر عام پر آئی ہے جو مبینہ طور پر حملہ آور کی بنائی ہوئی ہے۔ اس میں اسے لوگوں پر فائرنگ کرتے دیکھا جا سکتا ہے۔ تاہم فیس بک نے اعلان کیا ہے کہ وہ اس ویڈیو کو اپنی سائٹ سے ہٹا رہے ہیں۔ ایک حملہ آور کی جانب سے فیس بک پر ڈالی جانے والی حملے کی لائیو ویڈیو کو اگرچہ ہٹا دیا گیا ہے، لیکن متعدد مختلف اکاؤنٹس سے دوبارہ اپ لوڈ کی جانے والی ویڈیو میں دیکھا جا سکتا کہ حملہ آور ایسے ہتھیار گاڑی سے نکالتا ہے جن پر مختلف عبارتیں لکھی ہیں اور اس کے بعد وہ مسجد میں داخل ہو کر نمازیوں پر فائرنگ کرتا ہے۔ حملہ آور نے یقینی بنایا کہ کوئی بھی مسجد سے باہر نکلنے نہ پائے۔ اس دوران میں وہ بھاگنے والے نمازیوں کا پیچھا کرتے ہوئے باہر پارکنگ تک نکل جاتا ہے اور ان پر گولیاں چلا کر دوبارہ مسجد میں آ کر بھاگنے کی کوشش کرنے والے زخمیوں پر دوبارہ گولیاں چلاتا ہے۔ ویڈیو میں دیکھا جا سکتا ہے کہ حملہ آور تین مرتبہ مسجد میں آیا اور آخری چکر میں اس نے ایک ایک شخص کے قریب جا کر ان پر متعدد بار گولیاں چلا کر ان کی موت کو یقینی بنایا۔[1][7][8][9][10]

مسجد النور میں موجود عینی شاہد عوام علی نے حملے کا آنکھوں دیکھا حال بیان کرتے ہوئے ریڈیو نیوزی لینڈ کو بتایا ’اس شخص نے فائر کرنا شروع کر دیا، ہم سب نے بس بچنے کے لیے پناہ لی، جب ہمیں گولیاں چلنے کی آواز آنا رک گئی تو ہم کھڑے ہوئے اور ظاہر ہے کچھ لوگ مسجد سے باہر بھاگ گئے۔ جب وہ واپس آئے تو وہ خون سے لت پت تھے۔ ان میں سے چند لوگوں کو گولیاں لگیں تھیں اور تقریباً پانچ منٹ بعد پولیس موقعے پر پہنچ گئی اور وہ ہمیں باحفاظت باہر لے آئے۔

دوسرا حملہ

[ترمیم]

مسجد النور کے واقعہ کے بعد دہشت گردی کا دوسرا حملہ لِن وُوڈ کی مسجد جو لِن وُوڈ اسلامک سینٹر کہلاتا ہے، پر کیا گیا۔[11][12] اسلامک سینٹر پر موجود ایک شخص نے جو عبادت کر رہا تھا، نے پستول سے فائرنگ کی آواز سن کر اور آتشزدگی کو دیکھتے ہوئے باہر نکل کر مقابلہ کیا مگر وہاں سے حملہ آور بھاگ نکلنے میں کامیاب ہو گیا۔[13]

بنگلا دیش کی کرکٹ ٹیم کا دورۂ نیوزی لینڈ

[ترمیم]

اِس دوران میں بنگلا دیش کی کرکٹ ٹیم کرائسٹ چرچ میں ایک کرکٹ میچ کھیلنے کے لیے موجود تھی۔ نیوزی لینڈ کے دورہ پر آئی بنگلہ دیش کرکٹ ٹیم کے کھلاڑی تمیم اقبال نے ایک ٹویٹ میں بتایا کہ پوری ٹیم جان بچا کر نکلنے میں کامیاب ہو گئی۔ جب حملہ ہوا تو بنگلہ دیش کرکٹ ٹیم کے کھلاڑی النور مسجد کے قریب تھے۔ بنگلہ دیش میں ویب سائٹ کرک انفو کے نامہ نگار محمد اسام نے بی بی سی کو بتایا کہ فائرنگ کے وقت وہ کھلاڑیوں کے ہمراہ تھے۔ اسام کہتے ہیں: ’میں نے انھیں پارکنگ سے باہر نکلتے دیکھا، پانچ منٹ کے اندر ایک کھلاڑی (اقبال) نے مجھے مدد کے لیے بلایا۔ انھوں نے کہا کہ ہمیں بچاؤ، ہم بہت مصیبت میں ہیں، کوئی فائرنگ کر رہا ہے۔ پہلے میں نے انھیں سنجیدگی سے نہیں لیا، لیکن پھر ان کی آواز کپکپا رہی تھی تو میں بس دوڑ پڑا۔ میں جائے وقوعہ تک دوڑ کر جانے کی کوشش کر رہا تھا لیکن پھر مجھے کسی سے لفٹ مِل گئی اور میں اس جگہ تک پہنچ گیا۔ بنگلہ دیش کرکٹ بورڈ کے ترجمان جلال یونس کا کہنا ہے کہ ٹیم کے زیادہ تر کھلاڑی بس کے ذریعے مسجد گئے تھے اور اس وقت مسجد کے اندر جانے والے تھے جب یہ واقعہ پیش آیا۔ انھوں نے خبر رساں ایجنسی اے ایف پی کو بتایا کہ وہ محفوظ ہیں، لیکن صدمے میں ہیں۔ ہم نے ٹیم سے کہا ہے کہ وہ ہوٹل میں ہی رہیں۔ نیوزی لینڈ کرکٹ ٹیم کے آفیشیل ٹوئٹر اکاؤنٹ کے مطابق حملے کے پیشِ نظر بنگلہ دیش کی ٹیم کا دورہ منسوخ کر دیا گیا ہے اور دونوں ٹیموں کے درمیان میں ہیگلی اوول میں کھیلا جانے والا ٹیسٹ میچ بھی اب نہیں ہوگا۔

حوالہ جات

[ترمیم]
  1. ^ ا ب پ "کرائسٹ چرچ: مساجد پر 'دہشت گرد' حملے، 49 ہلاک"۔ 15 مارچ، 2019 – بذریعہ www.bbc.com {{حوالہ ویب}}: تحقق من التاريخ في: |date= (معاونت)
  2. ↑ "کرائسٹ چرچ کی مسجد میں 'دہشت گردی' تصاویر میں"۔ 15 مارچ، 2019 – بذریعہ www.bbc.com {{حوالہ ویب}}: تحقق من التاريخ في: |date= (معاونت)
  3. ↑ Sharman, Jon (15 مارچ 2019). "Armed police deployed after shots fired at New Zealand mosque" (انگریزی میں). The Independent. Retrieved 2019-03-15. {{حوالہ خبر}}: اس حوالہ میں نامعلوم یا خالی پیرامیٹر موجود ہے: |dead-url= (help) and استعمال الخط المائل أو الغليظ غير مسموح: |publisher= (help)
  4. ↑ "LIVE: Gunman named, four arrested, as Christchurch mosque attacks leave 'significant' number of fatalities". TVNZ (New Zealand English میں). Retrieved 2019-03-15.
  5. ↑ "Watch: Christchurch mosque shooting – Four in custody"۔ Radio New Zealand۔ 15 مارچ 2019۔ اخذ شدہ بتاریخ 2019-03-15
  6. ↑ ڈیسک، ویب (15 مارچ، 2019)۔ "نیوزی لینڈ کی 2 مساجد میں دہشت گرد حملے، 49 افراد جاں بحق"۔ Dawn News Television {{حوالہ ویب}}: تحقق من التاريخ في: |date= (معاونت)
  7. ↑ "Mosque shooting: Christchurch gunman livestreamed shooting". The New Zealand Herald (New Zealand English میں). 15 مارچ 2019. ISSN:1170-0777. Retrieved 2019-03-15. {{حوالہ خبر}}: استعمال الخط المائل أو الغليظ غير مسموح: |newspaper= (help)
  8. ↑ Weill، Kelly؛ Sommer، Will۔ "Mosque Attack Video Linked to 'White Genocide' Rant"۔ www.thedailybeast.com۔ Daily Beast۔ اخذ شدہ بتاریخ 2019-03-15
  9. ↑ Koziol، Michael۔ "Christchurch shooter's manifesto reveals an obsession with white supremacy over Muslims"۔ www.smh.com.au۔ Sydney Morning Herald۔ اخذ شدہ بتاریخ 2019-03-15
  10. ↑ "Reports of multiple casualties in Christchurch mosque shooting" (آسٹریلیائی انگریزی میں). ABC News. 15 مارچ 2019. Retrieved 2019-03-15.
  11. ↑ "Christchurch gets its second mosque". Indian Weekender (New Zealand English میں). Archived from the original on 2019-03-30. Retrieved 2019-03-15.
  12. ↑ Barraclough, Breanna (15 مارچ 2019). "Christchurch mosque shooting: Footage emerges of alleged gunman" (انگریزی میں). Newshub. Retrieved 2019-03-15.
  13. ↑ Molyneux، Vita (15 مارچ 2019)۔ "Live updates: Six people have reportedly been killed in Christchurch shootings near mosque"۔ Newshub۔ اخذ شدہ بتاریخ 2019-03-15
اخذ کردہ از «https://ur.wikipedia.org/w/index.php?title=کرائسٹ_چرچ_کی_مساجد_پر_حملہ&oldid=5991732»