کالی لینکس
 | |
 کالی لینکس 1.0 | |
| ڈویلپر | آفینسیو سیکیوریٹی (Offensive Security) |
|---|---|
| آپریٹنگ سسٹم خاندان | Unix-like |
| فعالی حالت | فعال |
| سورس ماڈل | آزاد مصدر |
| تازہ ترین ریلیز | 1.0.9[1] / اگست 25، 2014 |
| مخزن | |
| پلیٹ فارم | x86, x86-64, armel, armhf |
| کرنل قسم | مونو لتھک |
| لائسنس | متعدد |
| رسمی ویب سائٹ | www |
کالی لینکس (انگریزی: Kali Linux) لینکس کی ایک قسم ہے جو ڈیبین پر مبنی ہے۔ لینکس کی یہ قسم بالخصوص سیکیورٹی اور Penetration Test کے لیے تیار کی گئی ہے۔ 13 مارچ 2013ء کو اس کی اشاعت کا اعلان کیا گیا۔[2]
کالی لینکس کی تیاری کے منصوبہ میں آفینسیو سیکیوریٹی لمیٹڈ (Offensive Security Ltd) نے سرمایہ فراہم کیا جبکہ ماتی اہارونی (Mati Aharoni) اور ڈیوون کیرنز (Devon Kearns) نے اسے ڈویلپ کیا۔ اس کو تیار کرنے کے لیے انھی ڈویلپرز کی تیار کردہ لینکس کی ایک دوسری قسم بیک ٹریک (BackTrack) کے کوڈ کو مکمل طور پر نئے سرے سے لکھا گیا، تاہم اس کی بنیاد اوبنٹو کی بجائے ڈیبین پر رکھی گئی ہے۔ اس میں ڈویلپرز نے مختلف قدیم ٹولز کو اپڈیٹ اور بہت سے نئے ٹولز شامل کیے ہیں۔[3]
آلات
[ترمیم]چونکہ کالی لینکس سیکیورٹی اور تحفظ معلومات (Information security) کے لیے خصوصی طور پر تیار کی گئی ہے، اس لیے اس میں آغاز ہی سے ایسے ٹولز اور آلات موجود ہوتے ہیں جو Penetration Test کے لیے کارآمد ہوں، مثلا سیکیورٹی ہولز کی سکیننگ کے لیے این میپ (Nmap)، نیٹورکز پر موجود متبادل پیکٹس (packets) کے تجزیہ کے لیے وائر شارک (Wireshark)، پاسورڈز کریکنگ کے لیے جان دی ریپر (John the Ripper)، نیز ایئر کریک این جی (Aircrack-ng) کا مجموعہ سافٹ ویئر جو وائر لیس لین (Wireless LAN) جو خصوصاً Penetration Test کے لیے تیار کیا گیا ہے، ان کے علاوہ بھی تحفظی جانچ پڑتال کے لیے مزید آلات اور اطلاقیے ہوتے ہیں۔
مفت و آزاد
[ترمیم]کالی لینکس ایک آزاد تقسیم ہے جس میں شامل تمام سوفٹویئرز مفت اور آزاد ہوتے ہیں، نیز کالی لینکس آزاد سوفٹویئر کے اصولوں کے بالکل مطابق ہیں۔[4] کالی لینکس کو اس کی دفتری ویب گاہ سے بالکل مفت حاصل کرکے لائیو سی ڈی اور لائیو یو ایس بی کے طور پر بھی استعمال کیا جا سکتا ہے۔
حوالہ جات
[ترمیم]- ↑ "Kali Tools Website Launched, 1.0.9 Released"۔ kali.org۔ 25 اگست 2014۔ 2019-01-07 کو اصل سے آرکائیو کیا گیا۔ اخذ شدہ بتاریخ 2014-08-25
- ↑ "کالی لینکس کی اشاعت کا اعلان"۔ 2020-04-12 کو اصل سے آرکائیو کیا گیا۔ اخذ شدہ بتاریخ 2014-10-11
- ↑ "کالی لینکس کی پیدائش"۔ آفینسیو سیکیوریٹی۔ 12 دسمبر 2012۔ 2019-01-07 کو اصل سے آرکائیو کیا گیا۔ اخذ شدہ بتاریخ 2013-03-13
- ↑ "کالی لینکس ایک آزاد لینکس تقسیم"۔ 2016-09-29 کو اصل سے آرکائیو کیا گیا۔ اخذ شدہ بتاریخ 2014-10-11