مالک بن ربیعہ بن البدن

مالک بن ربیعہ بن البدن
معلومات شخصیت
عملی زندگی
پیشہ	محدث
عسکری خدمات
لڑائیاں اور جنگیں	غزوۂ بدر ،  غزوہ احد ،  غزوہ خندق

مالک بن ربیعہ البدن غزوہ بدر میں شامل ہونے والے صحابہ میں شامل ہیں۔ابو اسید ساعدی کنیت سے مشہور ہیں۔آپ نے 60ھ میں وفات پائی ۔

نام و نسب

ان کا پورا نسب مالک بن ربيعہ بن البدن بن عامر بن عوف بن حارثہ بن عمرو بن الخزرج بن ساعدة بن كعب بن خزرج ہے، ابو اسيد ساعدی ان کی کنیت ہے۔ ان کے دادا کا نام البدن تھا انصاری خزرجی اور ساعدی تھے۔ وہ فرماتے تھے کہ اگر غزوہ بدر میں تمھارے ساتھ ہوتا تو میں وہ گھاٹی تمھیں دکھاتا جہاں میں نے بلا شک و شبہ فرشتوں کو اترتے دیکھا تھا۔

اسلام

حضرت ابو اسید ساعدی رضی اللہ تعالیٰ عنہ ہجرت سے قبل مشرف بااسلام ہوئے ۔

غزوات

غزوہ بدر، غزوہ احد اور جملہ غزوات میں شریک رہے آخری عمر میں بینائی جاتی رہی۔ غزوہ بدر کی شرکت صحیح بخاری میں مذکور ہے، فتح مکہ میں بنو ساعدہ کا جھنڈا ان کے پاس تھا۔

وفات

40ھ میں وفات پائی۔ بعض مورخین نے کہا ہے کہ 60ھ میں مدینہ میں انتقال ہوا اور اصحاب بدر میں آخری شخص تھے جن کا انتقال ہوا۔ لیکن آخری بدری صحابی جبر بن عتیک رضی اللہ عنہ وفات 61ھ ہیں۔

اولاد

حسب ذیل اولاد چھوڑی، حمید ،زبیر، منذر، حمزہ ،ان کی اولاد مدینہ اور بغداد میں سکونت رکھتی تھی۔

حلیہ

حلیہ یہ تھا ،قد کوتاہ، بال گھنے، سر اور داڑھی سفید ،کبھی خضاب بھی لگاتے تھے ، حضرت عثمانؓ غنی کے دور خلافت میں آنکھ جاتی رہی تھی۔

فضل و کمال

آنحضرت صل اللہ تعالیٰ علیہ وآلہ وسلم سے چند حدیثیں روایت کیں راویوں میں اصحاب ذیل داخل ہیں: حضرت انس ؓ بن مالک، حضرت سہل بن سعدؓ، عباس بن سہل، علی بن عبید، ابو سعید ،ابو سلمہ، عبد الملک بن سعید ، ابن سوید، ابراہیم بن سلمہ بن طلحہ، قرہ بن ابی قرہ، یزید بن زیاد۔وغیرہ