شدھودن

شدھودن
شدھودن
پیشرو	سیہاہنو
بیوی	مایا پرجاوتی گوتمی
نسل	گوتم بدھ سندری نندا نندا
خاندان	شاکیہ
والد	سیہاہنو
والدہ	کچنا
پیدائش	کپل واستو، شاکیہ (کپل واستو کا قدیم شہر جسے موجودہ بھارت یا نیپال کا حصہ سمجھا جاتا ہے۔)
وفات	کپل واستو، شاکیہ
مذہب	ہندومت

یسوع مسیح کی ولادت سے تقریباً چھ سو سال قبل شاکیہ خاندان میں شدھودن نامی راجا حکومت کرتا تھا۔ شدھودن نہایت مذہبی، فرض شناس اور بااصول حکمران تھا۔ اس کے عہدِ حکومت میں شاکیہ خاندان کو ہر حوالہ سے عروج حاصل تھا۔ ملک میں باہمی اتحاد و اتفاق، امن و امان اور خوش حالی کا دور دورہ تھا۔ شدھودن رعایا کی فلاح و بہبود اور آرام و آسائش کے لیے دن رات مصروف رہتا یہی وجہ تھی کہ غریب پر امیر کا جبر اور مظلوم پر ظالم کا ظلم اس کی سلطنت میں ناممکن تھا۔ کپل واستو کے مشرق کی طرف کلی نامی ایک چھوٹی سے ریاست کُلی یا کُلیا تھی، جس کا مالک راجہ انجن تھا۔ راجا شدھودن نے راجا انجن کی دو بیٹیوں مہا مایا اور پرجاوتی گوتمی (پرجاپتی بھی لکھا جاتا ہے) سے شادی کی اور شدھودن کی بیوی مہا مایا سے شہزادہ سدھارتھ پیدا ہوئے تھے۔