زاہدہ حنا
زاہدہ حنا | |
---|---|
معلومات شخصیت | |
پیدائش | 5 اکتوبر 1946ء (78 سال)[1] سسرام |
شریک حیات | جون ایلیا |
عملی زندگی | |
مادر علمی | جامعہ کراچی |
پیشہ | مصنفہ ، صحافی ، کالم نگار ، ڈراما نگار |
باب ادب | |
درستی - ترمیم |
زاہدہ حنا پاکستان کی مشہور کالم نویس ہیں اور برصغیر میں نمایاں حیثیت رکھنے والے پاکستانی شاعر، فلسفی، سوانح نگار جون ایلیا کی مطلقہ بیگم ہیں [2]۔
ذاتی زندگی
[ترمیم]زاہدہ حنا تقسیم ہند کے بعد ہندوستان میں پیدا ہوئیں۔ ان کے والد محمد ابو الخیر بعد ازاں ہجرت کرکے پاکستان چلے گئے اور کراچی میں آباد ہو گئے جہاں زاہدہ حنا کی پرورش ہوئی اور کچھ عرصہ وہ گھر میں ہی زیر تعلیم رہیں۔ ساتویں جماعت سے زاہدہ حنا نے ہیپی ہوم اسکول سے رسمی تعلیم شروع کی [3]۔ 9 سال کی عمر میں زایدہ نے پہلی کہانی لکھی۔ زاہدہ نے کراچی یونیورسٹی سے گریجویشن کی اور ان کا پہلا مضمون ماہنامہ انشا میں 1962ء میں چھپا۔ 1960ء کی دہائی میں انھوں نے صحافت کو بطور پیشہ اپنا لیا۔ 1970ء میں ان کی شادی مشہور شاعر جون ایلیا سے ہو گئی۔ زاہدہ حنا نے روزنامہ جنگ میں 1988ء سے 2005ء تک کام کیا اور پھر وہ روزنامہ ایکسپریس، پاکستان سے منسلک ہو گئیں۔ زاہدہ حنا نے وائس آف امریکا، بی بی سی اردو اور ریڈیو پاکستان میں بھی کام کیا ہے۔ 2006ء سے وہ رس رنگ میں ہفتہ وار کالم پاکستان ڈائری بھی لکھتی ہیں جو ہندوستان کے سب سے بڑے ہندی اخبار دینک بھاسکر کا سنڈے میگزین ہے۔ انجمن ترقیِ اردو پاکستان کی مجلس نظماء نے ڈاکٹر فاطمہ حسن کے بعد یکم اپریل 2019 سے مارچ 2022 تک کے لئے زاہدہ حنا کو معتمد منتخب کیا۔۔پھر 2022 میں جنرل باڈی کے الیکشن کے نتیجے میں زاہدہ حنا دوسری ٹرم کے لئے بھی انجمن کہ معتمد مقرر ہوئیں اور ابھی تک وہ اس عہدے پر برقرار ہیں۔[4]
ازدواجی زندگی
[ترمیم]زاہدہ حنا کے شوہر جون ایلیا ایک ادبی رسالے انشاء سے بطور مدیر وابستہ تھے جہاں ان کی ملاقات زاہدہ حنا سے ہوئی بعد میں ان دونوں نے شادی کر لی۔ زاہدہ حنا اپنے انداز کی ایک ترقی پسند دانشور ہیں اور اب بھی دو روزناموں، روزنامہ جنگ اور ایکسپریس میں حالات حاضرہ اور معاشرتی موضوعات پر لکھتی ہیں۔ جون اور زاہدہ کی 2 بیٹیاں اور ایک بیٹا پیدا ہوئے۔ 1980ء کی دہائی کے وسط میں ان کی طلاق ہو گئی۔
تصانیف
[ترمیم]- زاہدہ حنا کے بے مثال افسانے
- رقص بسمل ہے (افسانے)
- تتلیاں ڈھونڈنے والی (افسانے)
- عورت زندگی کا زنداں
- نہ جنوں رہا نہ پری رہی
- قیدی سانس لیتا ہے [2]
- راہ میں اجل ہے
- درد کا شجر
- درد آشوب
- زرد پتوں کا بین (ٹی وی ڈراما)
- تنہائی کا گھر (The House of Loneliness ) زاہدہ حنا کے افسانوں کا انگریزی ترجمہ [5]
زاہدہ حنا کی کتابوں کو انگریزی میں فیض احمد فیض، ثمینہ رحمان اور محمد عمر میمن ترجمہ کر چکے ہیں [5]۔
اعزازات
[ترمیم]- فیض ایوارڈ
- ادبی پرفارمنس ایوارڈ
- ساغر صدیقی ادبی ایوارڈ
- کے پی ایوارڈ
- سندھ اسپیکر ایوارڈ
- سارک لٹریری ایوارڈ، 2002ء میں صدر انڈیا کی طرف سے [6]
اگست 2006ء میں انھیں صدارتی ایوارڈ تمغا حسن کارکردگی کے لیے نامزد کیا گیا مگر فوجی آمر کے خلاف احتجاج کے طور پر انھوں نے اس ایوارڈ کو مسترد کر دیا۔
آسیہ نازلی نے ان کی سوانح حیات لکھی، زاہدہ حنا ، تحقیقی و تنقیدی مطالعہ
حوالہ جات
[ترمیم]- ↑ ربط: https://d-nb.info/gnd/1033665401 — اخذ شدہ بتاریخ: 14 مئی 2014 — اجازت نامہ: CC0
- ^ ا ب Jon Elia's new book might change the way poet is known The Express Tribune (newspaper)، Published 8 مئی 2016, Retrieved 22 فروری 2018
- ↑ Zahida Hina's translated short stories 'The House of Loneliness' launched Dawn (newspaper)، Updated 9 مئی 2017, Retrieved 22 فروری 2018
- ↑ https://urdu.atup.org.pk/website/page/administration
- ^ ا ب KARACHI: Zahida Hina gets SAARC Award Dawn (newspaper)، Published 27 دسمبر 2001, Retrieved 22 فروری 2018
- ↑ Zahida Hina interview: Challenging the mindset Dawn (newspaper)، Published 16 دسمبر 2012, Retrieved 22 فروری 2018
- 1946ء کی پیدائشیں
- 5 اکتوبر کی پیدائشیں
- اردو افسانہ نگار
- اردو خاتون لکھاری
- اردو کالم نگار
- اردو مضمون نگار
- اردو ناول نگار
- اردو ڈراما نگار
- اکیسویں صدی کی پاکستانی مصنفات
- اکیسویں صدی کے پاکستانی مصنفین
- بقید حیات شخصیات
- بیسویں صدی کی پاکستانی مصنفات
- بیسویں صدی کے اردو مصنفین
- بیسویں صدی کے پاکستانی مصنفین
- بہاری شخصیات
- بہاری نژاد پاکستانی شخصیات
- پاکستانی خاتوں کالم نگار
- پاکستانی خواتین صحافی
- پاکستانی خواتین ناول نگار
- پاکستانی صحافی
- پاکستانی کالم نگار
- پاکستانی مصنفات
- پاکستانی مصنفین
- پاکستانی ناول نگار
- پاکستانی نسائیت پسند مصنفین
- پاکستانی ٹیلی ویژن مصنفین
- انجمن ترقیِ اردو پاکستان کے منتظمین و اراکین مجلس
- پاکستانی ڈراما نگار اور ڈراما نویس
- خواتین کالم نگار
- فضلا جامعہ کراچی
- کراچی کی شخصیات
- کراچی کے صحافی
- کراچی کے مصنفین
- مہاجر شخصیات
- ٹیلی ویژن مصنفات
- پاکستانی مضمون نگار
- خواتین مضمون نگار