Jingay siang
![](http://upload.wikimedia.org/wikipedia/commons/thumb/0/02/Taiwan_ROC_political_division_map_Nantou_County.svg/220px-Taiwan_ROC_political_division_map_Nantou_County.svg.png)
Jing ay siang ga ga hraan hidaw Taywan Nanto, Paran o kiya ka gaga nniqan qpahan seyxu. knbragan niya o wada niqan 1148m, rbagan mtltu balay,misan o mskuy balay, saw nii ka alang paran.kuxul balay saan qmita ni mksa seejiq isil. pusu balay gaga mniq hiya seejiq o, niqan Tayal, niqan Seejiq, niqan ka Bunun ni klmukan uri.
Tanauh Tunux sbiyaw o, busiya nniqan dha tuki alang hini ka tanah tunux. mnuda paru ndaan dha uri, kiya ka pssipaq, wada smipaq egu bi Tanax Tunux ka seejiq; hkwasan Teru sngun heytey kngdadah Taiman ka seejiq, miyah thjin dgiyaq Snapaw,yahan dha psmalu alang seejiq Payi, kiya Gaya seejiq ni Payi o mplimax hiya da.
Smudan hangan Jingay go o Paran,Tayciyu-cou dxgal seejiq Noko,bbabaw npaqn 1946 hngkawas 4idas 1jiyax, priyuhan dha siang, nTayciyu Noko keng.1950 hnngkawas idas priyuxan dha Nanto keng.
2002 hngkawas bukun Nanto jingay siang Yukan Nabu prajin dmudul tmhangan balay seejiq,nikan kingal ka dngsun niya,iyuh na priyux mhangan jingay siang ka Nanto sing, Niqan maxal rima alang seejiq-Mrepa, Mastbung, Naka Hala, strengan, Paran Sakura, Jinging Truku, Prngawan, Simaun, katu, musa mhangan hangan dha nanak sbiyaw.
- 姑目荅芭絲. (2011). Wikipedia 維基百科 族語詞條試寫─原住民族語詞條 2011作品集. 教育部.