అల్-ఫాతిహా
الفاتحة అల్-ఫాతిహా ప్రారంభం | |
---|---|
----
అరబిక్ వచనం · | |
వర్గీకరణ | మక్కా |
స్థానం | జుజ్ 1 |
నిర్మాణం | 6 ఆయత్ లు, 29 పదాలు, 139 అక్షరాలు |
![](http://upload.wikimedia.org/wikipedia/commons/thumb/5/50/FirstSurahKoran.jpg/145px-FirstSurahKoran.jpg)
సూరా అల్-ఫాతిహా (అరబ్బీ:الفاتحة), ఇస్లాం ధార్మికగ్రంథమైన ఖురాన్ యొక్క ముఖ "పరిచయం", మొదటి సూరా ఈ సూరా అల్-ఫాతిహా ఇది మక్కీ సూర. ఇందు 7 ఆయత్ లు గలవు. ఇది ఒక దుఆ లేక ప్రార్థన. దీనిని ప్రతి నమాజ్ యందు తప్పకుండా పఠిస్తారు.
తాత్పర్యం
[మార్చు]అల్లాహ్ ద్వారా సమస్త జనులకు అవతరింపబడ్డ గ్రంథం ఖురాన్. ఇది అరబ్బీ భాషలో గలదు. ఇది దాదాపు ప్రపంచపు అన్ని భాషలలోను గల గ్రంథం. ఈ సూరా అల్-ఫాతిహా క్రింది విధంగా కొనసాగుతుంది. (ఖురాన్: మొదటి సూరా)
ఖురాన్ క్రమం | అరబిక్ | తెలుగులో అరబిక్ | తెలుగు అనువాదం |
---|---|---|---|
1.1 | بِسْمِ اللّهِ الرَّحْمـَنِ الرَّحِيم | బిస్మిల్లా హిర్రహ్మా నిర్రహీం | కరుణామయుడు, కృపాశీలుడైన అల్లాహ్ పేరుతో ప్రారంభించుచున్నాను |
1.2 | الْحَمْدُ للّهِ رَبِّ الْعَالَمِين | అల్-హమ్ దు లిల్లాహి రబ్బిల్ ఆలమీన్ | సకల లోకాల ప్రభువా నీకే మా స్తోత్రములు. |
1.3 | الرَّحْمـنِ الرَّحِيم | అర్రహ్మా నిర్రహీమ్ | అనంత కరుణామయుడా!, అపార కృపాశీలుడా! |
1.4 | مَـالِكِ يَوْمِ الدِّين | మాలికి యౌమిద్దీన్ | తీర్పు దినపు యజమానీ! |
1.5 | إِيَّاك نَعْبُدُ وإِيَّاكَ نَسْتَعِين | ఇయ్యాక న ఆబుదు వ ఇయ్యాక నస్తయీన్ : | మేము నిన్నే ఆరాధిస్తాము. సహాయం కోసం నిన్నే అర్ధిస్తున్నాము. |
1.6 | اهدِنَــــا الصِّرَاطَ المُستَقِيمَ | ఇహ్ దినస్-సిరాత్ అల్-ముస్తఖీమ్ : | మాకు సత్యమార్గం చూపించు. |
1.7 | صِرَاطَ الَّذِينَ أَنعَمتَ عَلَيهِمْ غَيرِ المَغضُوبِ عَلَيهِمْ وَلاَ الضَّالِّين | సిరాత్ అల్లజీన అన్-అమ్ త అలైహిమ్ గైరిల్ మగ్ దూబి అలైహిమ్ వలద్దాల్లీన్ : | నీవు దీవించిన వారి మార్గం, నీ ఆగ్రహానికి గురి కాని వారి మార్గం, నీ నుంచి దూరం కాని వారి సత్యమార్గం మాకు చూపించు" |
ఈ సూరా పఠించడం పూర్తయిన తరువాత ఆమీన్ పలుకవలెను.
ముస్హఫ్ | |
ఖురాను పఠనం | |
తజ్వీద్ (ఉచ్ఛారణ) · హిజ్బ్ · తర్తీల్ · Qur'anic guardian · మంజిల్ · ఖారి · జుజ్ · రస్మ్ · రుకూలు · సజ్దాలు · | |
భారతీయ భాషలలో ఖురాన్ అనువాదాలు | |
ఖురాన్ పుట్టుక, పరిణామం | |
తఫ్సీర్ | |
ఆయత్ ల సంబంధిత వ్యక్తులు · న్యాయం · అవతరణకు గల కారణాలు · నస్ఖ్ · బైబిలు కథనాలు · తహ్రీఫ్ · బక్కాహ్ · ముఖత్తాత్ · Esoteric interpretation | |
ఖురాన్, సున్నహ్ | |
Literalism · మహిమలు · సైన్స్ · స్త్రీ | |
ఖురాన్ గురించి అభిప్రాయాలు | |
షియా · విమర్శ · Desecration · Surah of Wilaya and Nurayn · తనజ్జులాత్ · ఖససుల్ అంబియా · బీత్ అల్ ఖురాన్ |
లేఖనం
[మార్చు]ఈ సూరా మొత్తం ఒక ప్రార్థన దుఆ లాగానూ ఒక అమితభక్తుడు తన స్వామిని మొరపెట్టుకోవడంలాగానూ ఉంటుంది. సృష్టికర్తకు సృష్టి ఏవిధంగా వేడుకొంటుందో ఈ సూరాలో గోచరిస్తుంది. భక్తుడు తన ప్రభువును వేడుకొని ప్రసన్నం చేసుకునే వ్యవస్థ ఈ సూరాలోవున్నది.
అవతరణ
[మార్చు]ఇస్లామీయ ధార్మికసాహిత్య వ్యవస్థలో ఉల్లేఖనాలు అతిముఖ్యం. ఇబ్న్ అబ్బాస్ ఉల్లేఖనం ప్రకారం ఈ సూరా మహమ్మద్ ప్రవక్తపై అల్లాహ్ మక్కాలో అవతరింపజేశాడు. అబూ హురైరా ఉల్లేఖనం ప్రకారం ఈ సూరా మదీనాలో అవతరింపజేశాడు. ఇబ్న్ అబ్బాస్ ఉల్లేఖనమే ముస్తనద్ అని, దాన్నే అందరూ ఆమోదించారు. మరికొందరు ఈ సూరా మక్కా, మదీనా రెండుప్రదేశాలలోనూ అవతరింపబడినదని భావిస్తారు.
ఇతరనామాలు
[మార్చు]హదీసుల ప్రకారం ఈ సూరాకు క్రింది పేర్లు గూడా గలవు.
- ఉమ్మ్ అల్-కితాబ్ (పుస్తకపు (ఖురాన్) మాత)
- ఉమ్మ్ అల్-ఖురాన్ (ఖురాన్ (యొక్క) మాత)
- సూరా అల్-షిఫా (మోక్షమును కలుగజేసే సూరా)
- అల్-హిజ్ర్
గణాంకాలు
[మార్చు]ఈ సూరాలో 7 ఆయత్ లు, 29 పదములు, 139 అక్షరాలు గలవు.
ప్రాముఖ్యత
[మార్చు]ఎందరో ధార్మిక పండితులు ఈ సూరా ప్రాముఖ్యత గూర్చి చర్చించారు, వివరించారు. ప్రపంచంలోని ప్రతిముస్లిం ప్రతిరోజూ కనీసం 17 సార్లు ఈ సూరా పఠించవలెను. ఇలా పఠించినచో మాత్రమే ప్రార్థనలు పూర్తవును.
ఇవీ చూడండి
[మార్చు]- ఖురాన్ భావామృతంలోని అల్ ఫాతిహా
- ఖురాన్
- పారా
- సూరా
బయటి లింకులు
[మార్చు]- Islam Quran Sunnah - The Right Path
- Surah Al Fatiha Learn Surah Al Fatiha with Audio at MountHira.com
- Al-Fatiha at Altafsir.com
- Sura 1, The Key (Al-Fãtehah)
- Tafsir Ibn Kathir Archived 2008-05-13 at the Wayback Machine
- Mawdudi
- A Raleigh khutba