అనిని
అనిని | |
---|---|
జిల్లా ప్రధాన కార్యాలయం | |
![]() అనిని యొక్క ఏరియల్ వ్యూ | |
అరుణాచల్ ప్రదేశ్లో అనిని స్థానం | |
Coordinates: 28°47′53″N 95°54′13″E / 28.79806°N 95.90361°E | |
దేశం | ![]() |
రాష్ట్రము | అరుణాచల్ ప్రదేశ్ |
జిల్లా | దిబాంగ్ వ్యాలీ |
ఉప జిల్లా | అనిని సర్కిల్ |
Elevation | 1,968 మీ (6,457 అ.) |
జనాభా (2001) | |
• Total | 2,264 |
Demonym | Aninese |
Time zone | UTC+5:30 (Indian Standard Time) |
Postal Index Code (India) | 792101 |
Indian Telephone Prefix | 03801 |
ISO 3166 code | IN |
Population[1] |
అనిని పట్టణం, ఈశాన్య భారతదేశం, అరుణాచల్ ప్రదేశ్ రాష్ట్రంలోని దిబాంగ్ వ్యాలీ జిల్లాకు ప్రధాన పరిపాలనా కార్యాలయం.అనిని అవిభక్త దిబాంగ్ వ్యాలీ జిల్లాకు, జిల్లా ప్రధాన కార్యాలయం.ఇది ఒక చిన్న అభివృద్ధి చెందని పట్టణం.దాని దూరం ప్రధాన కారణం అయినప్పటికీ, ఇది ఇప్పటికీ భారతదేశంలోని మిగిలిన ప్రాంతాలకు ప్రాథమిక రహదారి, వాయు మార్గం సంబంధాలను కలిగి ఉంది.ఇడు మిష్మి గిరిజన ప్రజలు ఇక్కడ ఎక్కువుగా నివసిస్తున్నారు.ఈపట్టణ ప్రజలు వాణిజ్య అవసరాల కోసం దిగువ దిబాంగ్ వ్యాలీ జిల్లాలో ఉన్న సమీప ప్రధాన స్థావరం రోయింగ్ మీద పూర్తిగా ఆధారపడి ఉన్నారు..
శబ్దవ్యుత్పత్తి శాస్త్రం
[మార్చు]అనిని పేరు ఇనిని లేదా ఇన్నిని నుండి వచ్చి ఉండవచ్చని భావిస్తారు.దిగువ దిబాంగ్ వ్యాలీ జిల్లాను 2001 లో దిబాంగ్ వ్యాలీ జిల్లా నుండి విడగొట్టటానికి ముందు నుండి అరుణాచల్ ప్రదేశ్ చారిత్రక పటాలు, [2] రోయింగ్ స్థాపించబడటానికి ముందు, దిబాంగ్ వ్యాలీ జిల్లా రాజధాని "ఇనిని" అని సూచిస్తున్నాయి [3] ఆపేరు "ఇన్ని" అనే ఇడు పదం నుండి వచ్చి ఉండవచ్చుఅని అంటారు.ఇన్నీ ఇష్ మిష్మి ప్రజలు అత్యున్నత దేవత లేదా దేవుడు. [4]
చరిత్ర
[మార్చు]అనిని చరిత్ర, అరుణాచల్ ప్రదేశ్ చరిత్ర వలె మేఘావృతమైంది.స్థానిక ఇడు మిష్మిస్, ఇతర తెగలు సా.శ.పూ. 1 లేదా 1 వ సహస్రాబ్దిలో పురాతన టిబెట్ నుండి వలస వచ్చినట్లు చెబుతారు.వారు లోయలో ఆగిపోయారని నమ్ముతారు.7 వ శతాబ్దంలో లోహు టిబెటన్ నియంత్రణలో ఉంది. [5] ఆ సమయంలో ఇడు మిష్మిస్ నివసించినప్పటికీ, నార్త్-ఈస్ట్ ఫ్రాంటియర్ ఏజెన్సీ, అనిని అధికారికంగా స్థాపించబడటానికి, బ్రిటిష్ రాజ్ కాలం వరకు పట్టింది. రెండవ ప్రపంచ యుద్ధంలో, అస్సాంలోని లెడో రోడ్ ద్వారా సరఫరా, దళాలను చైనాకు పంపాల్సిన అవసరం వచ్చినప్పుడు అనిని ప్రాముఖ్యత పెరిగింది.1947లో, అనిని భారతదేశంలో ఒకభాగమైంది.ఆ సమయంలో రిపబ్లిక్ ఆఫ్ చైనా అరుణాచల్లో ఎక్కువ భాగం పొందటానికి ప్రయత్నించింది.ఇది అక్సాయ్ చిన్ వివాదంలో ఉంది.పీపుల్స్ రిపబ్లిక్ ఆఫ్ చైనా 1949 లో ఉద్భవించింది1950 లో బ్రిటిష్ వారు వెళ్లినతర్వాత, అరుణాచల్ ప్రదేశ్, అక్సాయ్ చిన్ వివాదంలో ఉంది.1980 జూన్ లో, దిబాంగ్ వ్యాలీ జిల్లా, లోహిత్ జిల్లా నుండి చివరకు విడదీసి, అనిని జిల్లా ముఖ్యపట్టణంగా ప్రకటించబడింది [6] అప్పటి నుండి, అనిని భారతదేశంలోని మిగిలిన ప్రాంతాలకు సరైన రహదారి సంబంధాలు లేని ఏకైక జిల్లా ప్రధాన కార్యాలయంగా ఉంది.
భౌగోళికం
[మార్చు]![](http://upload.wikimedia.org/wikipedia/commons/thumb/7/7d/Cane_bridge_over_the_Dri_River_%287453878508%29.jpg/280px-Cane_bridge_over_the_Dri_River_%287453878508%29.jpg)
అనిని చాలా భాగం దిబాంగ్ నది రెండు ఉపనదులైన డ్రై నది, మాథున్ నది మధ్య ఒక చిన్న పీఠభూమిలో ఉంది.ఈ పట్టణానికి దాని స్వంత ఉపవిభాగం ఉంది.2001 నాటికి అనిని ప్రాంతంలో 4,069 మంది నివసిస్తున్నారు.దీబాంగ్ వన్యప్రాణుల అభయారణ్యానికి దక్షిణాన ఉన్న ఈప్రదేశం ఈశాన్య భారతదేశానికి ఉత్తరాన జిల్లా ప్రధాన కార్యాలయంగా అనిని పట్టణం కలిగి ఉంది.
ఎత్తు
[మార్చు]అనిని పట్టణం చిన్న స్థావరం.ఇది సముద్ర మట్టానికి 1,968 మీటర్లు (6,457 అ.) ఎత్తుపైన ఉంది. [7] [6] అనినిస్ పీఠభూమి సగటు ఎత్తు 1,800 మీటర్లు ఎత్తులోఉంది.[8] కానీ పట్టణం సగటుఎత్తు 2,068 మీటర్లు ఉంది గూగుల్ మ్యాప్స్ భూభాగ లక్షణం ప్రకారం, అనిని సుమారు సముద్ర మట్టానికి 1,600 నుండి 1,800 మీటర్లు ఎత్తులో, అనినికి ఉత్తరాన ఎత్తు 3,800 వరకు ఉంటుంది.దిబాంగ్ వ్యాలీ జిల్లా అధికారిక వెబ్సైట్ ప్రకారం, అనిని ఎత్తు సముద్ర మట్టానికి 1,968 మీటర్ల ఎత్తులో ఉంది. [9]
భూకంపాలు
[మార్చు]అనిని యురేషియన్ ప్లేట్లో ఉంది, ఇది భారతదేశం కూడలికి ఉత్తరాన 420 మైళ్ల దూరంలో యురేషియన్ ప్లేట్లు ఉన్నాయి.ఇవి అనిని ప్రాంతంలో భూకంపం సంభవించేలా చేస్తాయి.1950 అస్సాం-టిబెట్ భూకంపం దిబాంగ్. దిగువ దిబాంగ్ లోయలను తీవ్రంగా ప్రభావితం చేసింది.ఈ భూకంపంలో 70% ఈ ప్రాంత నివాసితులు మరణించారు.[6] 2005 న జూన్ 2న భారత కాలమాన ప్రకారం 01:36 సమయం వద్ద, ఎగువ దిబాంగ్ వ్యాలీ జిల్లాలో భూకంపం 5.7 తీవ్రతతో సంభవించింది.ఎటువంటి ప్రాణనష్టం జరగనప్పటికీ, కొండచరియలు విరిగిపడి అనిని పట్టణానికి, జిల్లాలోని ఇతర గ్రామాల మధ్య సమాచార, రహదారి సౌకర్యాలను నిరోధించాయి. అరుణాచల్ ప్రదేశ్ చుట్టూ, టిబెట్ లోని కొన్ని ప్రాంతాలలో భూకంప తిరుగుబాట్లు కనిపించాయి..
పర్వతాలు
[మార్చు]అనినికి దగ్గరగా ఉన్న పర్వతం సాపేక్షంగా గుర్తించబడలేదు.దీనికి స్థానికి ప్రజలు కెలింగాన్ అనే పెట్టారు.కహై కాలా అనే మరో పర్వతం కూడా ఉంది.ఇది సుమారు సముద్ర మట్టానికి 5000 మీటర్లు ఎత్తు వరకు ఉంటుంది.ఈ పర్వతం చుట్టూ ఎత్తైనప్రదేశం కలిగి ఉంది.కెలింగన్ మాదిరిగా దీనికి స్థానికులు కహై కాలా అనే పేరు పెట్టారు.[10]
వాతావరణం
[మార్చు]![](http://upload.wikimedia.org/wikipedia/commons/thumb/3/3f/Anini_in_Winter.png/280px-Anini_in_Winter.png)
అనిని ప్రాంత వాతావరణంలో ఎత్తులో తేడాలు ఉంటాయి.తక్కువ ఎత్తులో వాతావరణం తేమతో కూడిన ఉపఉష్ణమండలంగా ఉంటుంది.పీఠభూమి చుట్టూ ఉన్న వాతావరణంలో ఇది సమశీతోష్ణ వాతావరణం.అనిని రుతుపవనాల పరిధిలో ఉంది. దక్షిణ ఆసియా, నైరుతి రుతుపవనాలు, తూర్పు ఆసియా ఈశాన్య రుతుపవనాలు రెండింటినీ పొందుతుంది.మే-అక్టోబరు సమయంలో, అనిని 80% అవపాతం పొందుతుంది.శీతాకాలంలో హిమపాతం సాధారణం.పర్వతప్రాంతంలలో చాలా భారీగా 6 నుుండి 10 మీటర్ల ఎత్తువరకు సంభవిస్తుంది. [10]
భాష
[మార్చు]అనిని ప్రధాన భాష ఇడు మిష్మి భాషకు చెందిన మిడు మాండలికం.మిడు అనేది ఇడు మిష్మి భాష ఉత్తరాన ఉన్న మాండలికం [11] మిడు మాండలికం అనినిలో మాత్రమే మాట్లాడుతుంటారు.[12] ప్రభుత్వ అధికారులు ఇడు అజోబ్రా లిపిని ఉపయోగిస్తారు,[13] అంతరించిపోతున్న భాషను పరిరక్షించడమే లక్ష్యంగా రోయింగ్ ఎమ్మెల్యే, లైటా అంబ్రే లిపిని ప్రతిపాదించాడు.
జనాభా
[మార్చు]అనిని పట్టణ పరిధిలో 2001 నాటికి భారత జనాభా లెక్కలు ప్రకారం 613 గృహాలలో 2,264 మంది జనాభా నివసిస్తున్నారు.వారిలో 1,331 మంది పురుషులు కాగా,933 మంది మహిళలు ఉన్నారు.తక్కువ జనాభా కారణంగా, అనిని పట్టణం 2001 నాటికి జనణ గణన పట్టణం.గుర్తించబడలేదు.జనణ గణన పట్టణాలలో ఒకటిగా గుర్తించటానికి ఇంకా అప్పటికి 3,000 మంది జనాభా పెరగవలసి ఉంది. [14]
మౌలిక సదుపాయాలు
[మార్చు]![](http://upload.wikimedia.org/wikipedia/commons/thumb/7/73/Anini_PrasadBasavaraj_1.jpg/280px-Anini_PrasadBasavaraj_1.jpg)
మారుమూల అయినప్పటికీ, పట్టణంలో ప్రాథమిక మౌలిక సదుపాయాలు ఉన్నాయి.సర్క్యూట్ హౌస్లో ప్రభుత్వ ఆసుపత్రి.[15] జిల్లా లైబ్రరీ, పోలీస్ స్టేషన్, సందర్శకులకు వసతి సౌకర్యాల సదుపాయాలు ఉన్నాయి.అనినిలోని రెండు పాఠశాలలు ఉన్నాయి.ప్రభుత్వ హయ్యర్ సెకండరీ స్కూల్ ఆఫ్ అనిని, దీనిని అరుణాచల్ ప్రదేశ్ ప్రభుత్వం నడుపుతుంది.సెంట్రల్ బోర్డ్ ఆఫ్ సెకండరీ ఎడ్యుకేషన్ (సిబిఎస్ఇ) కి అనుబంధంగా ఉన్నజవహర్ నవోదయ విద్యాలయ అనే మరొక పాఠశాల సుమారు 450 మంది విద్యార్థులతో నడపబడుతుంది.విద్యార్థుల కోసం హాస్టల్ వసతి ఉంది.[16] అనిని రవాణా కోసం అరుణాచల్ హెలికాప్టర్ సర్వీస్ రోయింగ్ పట్టణం నుండి సామాగ్రిని తీసుకురావటానికి హెలికాప్టర్లు నడపబడుతుంటాయి.[17]
విమానాశ్రయాలు
[మార్చు]అనిని పట్టణానికి సమీప విమానాశ్రయం తేజు విమానాశ్రయం.ఇది రహదారి ద్వారా సుమారు 300 కి.మీ దూరంలో ఉంది అనిని చేరుకోవడానికి సులభమైన మార్గం దిబ్రుగఢ్ విమానాశ్రయం (గువహటి విమానాశ్రయం ద్వారా).అయితే తక్కువ జనాభా ఉన్నందున అనిని ప్రాంతంలో భవిష్యత్తులో ఎప్పుడైనా ఇటానగర్ కంటే దగ్గరప్రాంతంలో విమానాశ్రయం వచ్చే అవకాశం లేదు.
మూలాలు
[మార్చు]- ↑ "Sub-District Details: Anini Circle". Census of India, 2001. Archived from the original on 21 June 2011.
- ↑ "History". Lower Dibang Valley, The Official Website. District Administration, Lower Dibang Valley District. Archived from the original on 26 May 2011.
- ↑ "Dibang Valley Map". River Maps of Arunachal Pradesh. Maps of India. 2007.
- ↑ "People: Ethnic Lhoba". China Destinations Guide. Hiker Thinker.[permanent dead link]
- ↑ Xiaoming Zhang (2004). China's Tibet. 五洲传播出版社. p. 23. ISBN 7-5085-0608-1.
- ↑ 6.0 6.1 6.2 Veeranki Maheswara Rao (2004). Tribal Women of Arunachal Pradesh: socio-economic status. Mittal Publications. p. 83. ISBN 81-7099-909-X.
- ↑ "Dibang Valley District Administration". Dibang Valley District official website. Retrieved 3 June 2018.
- ↑ D. Biswas; B. J. Borkakoty; J. Mahanta; L. Jampa; L. C. Deouri (October 2007). "Hyperendemic Foci of Hepatitis B Infection in Arunachal Pradesh, India, abstract #701". Journal of the Association of Physicians of India. Archived from the original on 2016-06-02. Retrieved 2021-05-21.
- ↑ "Dibang Valley District at a Glance". District Administration Ani. Archived from the original on 19 July 2014.
- ↑ 10.0 10.1 "Dibang Wildlife Sanctuary". Department of Forests & Environment, Government of Arunachal Pradesh. 2005. Archived from the original on 21 July 2011.
- ↑ Lalnunthangi Chhangte. "Phonology and Morphology of Idu Mishmi". Abstract for the 41st ICSTLL.
- ↑ Jimi Pulu (2002). A hand book on the Idu Mishmi language. Dept. of Cultural Affairs, Directorate of Research, Govt. of Arunachal Pradesh. p. 116. ISBN 81-7516-112-4.
- ↑ "'Idu azobra' should be used in official govt circulars: Umbrey". Dibang News. 15 January 2010. Archived from the original on 2011-06-23.
- ↑ "Basic Data Sheet: District Dibang Valley" (PDF). Census of India 2001. Archived (PDF) from the original on 19 May 2011.
- ↑ "Hospitals and Health Units". Health Care in Arunachal Pradesh. Government of Arunachal Pradesh. Archived from the original on 21 July 2011.
- ↑ "Hospital where Isolation Care and Treatment Facility for H1N1 is available". Pandemic Influenza - A (H1N1). Ministry of Heath & Family Welfare, Government of India. Archived from the original on 21 July 2011.
- ↑ "Arunachal Pradesh Helicopter Non-Scheduled Flight Service Local Sector". Department of Civil Aviation, Government of Aruachal Pradesh. 9 January 2009. Archived from the original on 21 July 2011.