ಬೌದ್ಧ ಧರ್ಮ
ಬೌದ್ಧ ಧರ್ಮ ಉಂದು ನಮ ದೇಸೊಡು ಪುಟ್ಟಿನ ಧರ್ಮ. ಈ ಧರ್ಮೊಗು ಧರ್ಮವಿನಯ ಪಂಡ್ದ್ ಲಾ ಲೆಪ್ಪುವೆರ್, ಉಂದು ಕ್ರಿ.ಪೂ ೬ ಅತ್ತಂಡ ೫ನೆ ಶತಮಾನೊಡು ಬದ್‌ಕ್‌ದಿತ್ತಿನ ಗೌತಮ ಬುದ್ಧ ಸ್ಥಾಪನೆ ಮಲ್ತೆ. ಉಂದು ಜಗತ್‌ಡ್ ನಾಲ್ನೇ ಮಲ್ಲ ಧರ್ಮ ಆದುಂಡು. ಅಂದಾಜಿ ೫೨೦ ಮಿಲಿಯನ್ ಜನೊಕ್ಲು ಈ ಧರ್ಮೊದ ಅನುಯಾಯಿಲಾದ್ ಉಲ್ಲೆರ್. ಬೌದ್ಧ ಧರ್ಮೊದ ಅನುಯಾಯಿಲು ಜಗತ್‌ದ ಜನಸಂಖ್ಯೆಡ್ ೭% ದಾತ್ ಉಲ್ಲೆರ್. ಬೌದ್ಧ ಧರ್ಮ ಕ್ರಿ.ಪೂ.೫ನೆ ಶತಮಾನೊಡು ಗಂಗಾ ಬಯಲು ಪ್ರದೇಸೊಡು ಉದಿತ್ಂಡ್. ಸುರುಕು ಎಲ್ಯ ಮಟ್ಟ್‌ಡ್ ಶ್ರಮಣ-ಚಳುವಳಿ ಆದ್ ಪುಟ್ಟುದು, ಬುಕ್ಕ ಏಷ್ಯಾ ಖಂಡಡೊರ್ಮೆಪಗರಿಂಡ್. ಏಷ್ಯಾದ ಸಂಸ್ಕೃತಿ ಬೊಕ್ಕ ಆಧ್ಯಾತ್ಮಿಕತೆಡ್ ಉಂದು ಒಂಜಿ ಪ್ರಮುಖ ಪಾತ್ರ ವಹಿಸೊಂದು 20ನೆ ಶತಮಾನೊಡು ಪಡ್ಡಾಯಿದ ದೇಸೊಲೆಡ್ ಪಗರ್‌ದ್ ಬುಳೇಂಡ್.