திரவ ஆக்சிசன்

திரவ ஆக்சிசன் அல்லது திரவ ஒட்சிசன் என்பது தனிம ஆக்சிசனின் ஒரு இயல்வடிவமாகும். தொழிற்துறைகளில் இது LOX, LOx அல்லது Lox எனக் குறிக்கப்பெறுகிறது. கடுங்குளிரிய பயன்பாடுடைய இது விண்ணூர்தி ஏவூர்திகளில் எரிபொருட்களுக்கான (எ.டு.: திரவ ஐதரசன், மண்ணெண்ணெய், மெத்தேன் ) ஆக்சிசனேற்றியாகப் பயன்படுத்தப்படுகிறது. திரவ ஆக்சிஜன் இயல்காந்தத் தன்மை உடையதாகும்; குதிரைலாய காந்தத்தின் இரு முனைகளுக்கிடையே இதனை நிலைநிறுத்த முடியும். கடுங்குளிரியப் பண்புடைய திரவ ஆக்சிஜன் தொடும் பொருட்களை எளிதில் உடையக்கூடிய பொருட்களாக மாற்றும் தன்மை கொண்டது.

ஒரு முகவையில் திரவ ஆக்சிஜன்.

திரவ ஆக்சிஜன் ஒரு முகவையிலிருந்து வலுவான காந்தப்புலத்தில் கொட்டப்படும்போது அதன் இயல்காந்தத்தன்மையினால் காந்தப்புலத்தில் தற்காலிகமாக அந்தரத்தில் நிலைநிறுத்தப்படுகிறது.

இயல் பண்புகள்

• அடர்த்தி = 1.141 g/cm³ (1.141 kg/L or 1141 kg/m³)
• உறைநிலை = 54.36 K (−218.79 °C; −361.82 °F)
• கொதிநிலை = 90.19 K (−182.96 °C; −297.33 °F) at 101.325 kPa (760 mmHg)
• விரிவு விகிதம் = 1:861 under 1 standard atmosphere (100 kPa) and 20 °C (68 °F),

மேலும் பார்க்க

• திரவ ஐதரசன்
• கடுங்குளிரியல்
• சாடர்ன் V