Bekerel

bekerel [Bq]
Ukłŏd	SI
Wymiar	$\left[\mathrm {\frac {1}{s}} \right]$
Jednostka	Aktywność prōmiyniotwōrczŏ aktywności prōmiyniotwōrczyj
Typowe symbole srogości	A
we jednostkach SI	$\mathrm {1\,Bq={\frac {1}{1\,s}}}$
Zdrzōdło miana	Henri Becquerel

Bekerel, Bq – jednostka miary aktywności prōmiyniotwōrczyj we układzie SI (jednostka pochodnŏ układu SI).

Prōbka mŏ aktywność 1 Bq, jak zachodzi w nij jedyn rozpŏd prōmiyniotwōrczy na sekundã. Bez przikłŏd, jeźli jōndra atōmowe danego ciała ymitujōm 1000 tajleczek alfa na sekundã skirz rozpadōw alfa (i jednymu rozpadowi ôdpadŏ ymisyjŏ jednyj tajleczki alfa, jak tyż niy zachodzōm inksze zorty rozpadōw), to aktywność tego ciała je rōwnŏ 1000 Bq, to znaczy 1 kBq.

Wymiar bekerela to s⁻¹.

Miano jednostki pochodzi ôd miana Henriego Becquerela, co społym z Pierre'ym Curie i Mariōm Skłodowskōm-Curie dostoł w 1903 roku Nadgrodã Nobla za ôdkrycie i podszukowanie prōmiyniotwōrczości.

Wcześnij powszechnie używanōm jednostkōm aktywności prōmiyniotwōrczyj bōł kiur (Ci), co ôdpadŏ aktywności 1 g radu-226. Je to jednostka moc srogszŏ ôd Bq:

1 Ci = 3,7·10¹⁰ Bq = 37 GBq

Przirōwnania

Bekerel je moc małōm jednostkōm, bez to w praktyce czynsto używane sōm jeji wielokrotności: kBq, MBq, GBq jak tyż TBq. Bez przikłŏd aktywność naturalnego prōmiyniotwōrczego izotopu potasu ⁴⁰K we ludzkim ciele wynosi postrzednio kole 4 kBq, tōż 4000 rozpadōw na sekundã. Bōmba atōmowŏ użytŏ w Hiroszimie (14 kt) wydzielyła substancyje prōmiyniotwōrcze ô aktywności kole 8·10²⁴ Bq.

Zobŏcz tyż

• dŏwka pochłōniyntŏ
• siwert