Wjelganocno Wyspa

Wjelganocno Wyspa (szpań. Isla de Pascua, Territorio Especial de Isla de Pascua, polinez. Rapa Nui, ang. Easter Island)- wyspa na Pokojnym Uoceańe, we uůnygo połedńowyj tajli. Przinoleży do Czile, do regijůńu Valparaíso. Mo 163,6 km² wjyrchu a podug danych ze 2011 roku půmjyszkowało sam 5035 ludźi. Jedźino mjejscowość na wyspje to Hanga Roa. Je rozlygowano 3600 km na zachůd uod brzygu Czile a 2078 km uod nojbliższygo inkszygo půmjyszkiwanygo lůndu - wyspy Pitcairn. 70% mjyszkańcůw sam to Polinezyjczyki.

Kamjynne gowy na Wjelganocnyj Wyspje

Fana Wjelganocnyj Wyspy

Karta Wjelganocnyj Wyspy

Wyspa znůmo skiż wjelgich kamjynnych gowůw, mjanowanych moai. Mjano mo skiż uůnyj uoddekńyńćo lo Ojropejczykůw bez Ńiderlanczykůw we wjelgonocno ńedźela, 5 kwjetńa 1722.

Wyspa je sztrefům wolnům uod dowek a gospodarka sam je uoparto na turystyce.