Tazama chanzo cha Gazeti

[[Picha:International_newspaper,_Rome_May_2005.jpg|thumb|200px|Magazeti dukani]]
[[Picha:Street Scene - Salta - Argentina.jpg|thumb|200px|]]
'''Gazeti''' (kupitia [[Kiingereza]] kutoka [[Kiitalia]] ''gazzetta'') ni [[karatasi]] zilizochapishwa [[habari]] na kutolewa mara kwa mara ama kila [[siku]] au kila [[wiki]]; kuna pia magazeti yanayotolewa mara moja au mbili kwa [[Mwezi (wakati)|mwezi]] tu.

== Aina za habari ==
Mara nyingi gazeti huwa na habari za [[siasa]], [[uchumi]], [[utamaduni]], [[michezo]] pamoja na [[hali ya hewa]] na programu za [[TV]] na [[burudani]] mbalimbali kama [[vibonzo]], [[hadithi]] an [[vitendawili]]. 

Sehemu nyingine muhimu ni matangazo ya [[biashara]] ambako [[kampuni]] au watu hununua nafasi gazetini na kutangaza biashara, mikutano na mengineyo.

== Uhuru wa habari ==
Pamoja na [[Vyombo vya habari|vyombo vingine vya habari]] kama [[TV]], [[redio]] au [[blogu]], magazeti yanastahili [[uhuru]] wa maoni. Lakini katika nchi nyingi [[serikali]] zinajaribu kuzuia habari zisizopendezwa nazo. Kwa sababu hii [[Tangazo kilimwengu la haki za binadamu]] ya [[Umoja wa Mataifa]] linatetea uhuru wa magazeti.

Pia kwa nchi ya Tanzania na nyinginezo vyombo vya habari vinahitaji uhuru wa kusikilizwa kwa kuunda misingi iliyo kamili katika kutetea haki zao ndipo wataweza kusikilizwa zaidi.

Chombo cha habari ni muhimu sana kwa jamii zetu za Kiafrika kwa vyombo hivi pia ndipo elimu mbalimbali hutolewa kwao. Hata hivyo magazeti yamekuwa pia chanzo kikubwa sana cha vijana kuchafuana majina na kuzushiana taarifa zisizokuwa rasmi kwa jamii, hasa pale ambapo wanakoseana heshima na kudharauliana. Jambo hili ni baya sana kwa taifa na kwa jamii kwa ujumla, kwani kukosekana kwa maadili yaliyo muhimu kwa jamii ni chanzo kikubwa cha kuonekana kuwa magazeti hayana faida kwa kizazi cha baadaye, japo magazeti ni kitu muhimu sana kwa dunia ya leo, iwe ya mtandaoni au ya kuchapishwa kwenye karatasi.

== Magazeti ya kuuzwa na magazeti ya bure ==
Magazeti huuzwa [[duka|madukani]] au na wauzaji [[Barabara|barabarani]]. Katika nchi nyingi kuna pia [[mashine]] zinazotoa gazeti baada ya kuingiza [[sarafu]]. Mengine huagizwa na wasomaji na kupelekwa kwao nyumbani, kwa mfano kwa njia ya [[posta]].

Kuna pia magazeti yanayotolewa bure; [[gharama]] zao zinalipiwa na matangazo pekee.

Katika mazingira ya kisasa magazeti yanapatikana pia kwa njia ya [[mtandao]] yakionekana kwenye [[tarakilishi]]. Njia hii mara nyingi ni bure vilevile, ila kuna baadhi za magazeti yanayoweka sehemu ya makala tu mtandaoni kwa watu wote, lakini makala mengine yanaonekana kwa wasomaji waliowahi kulipa [[ada]] na kuwa na [[neno la siri]] linalowaruhusu kutazama kurasa zote.

== Magazeti yenye nakala nyingi ==
Magazeti ya [[Japani]] huwa na wasomaji wengi kuna tatu za kila siku zinazotolewa kwa nakala kati ya [[milioni]] 5 hadi 14 kila siku. Gazeti kubwa la [[Ujerumani]] "Bild" hutoa nakala milioni 3.8 kwa siku, gazeti kubwa la [[Marekani]] "America Today" milioni mbili. Gazeti kubwa la [[Afrika ya Mashariki]] ni [[Daily Nation]] wa [[Kenya]] yenye nakala 200,000 kila siku. Upande wa [[Tanzania]] ni gazeti "Mwananchi"<ref name=britannica>{{cite web |url= https://www.britannica.com/place/Tanzania/Economy |accessdate= 12 June 2017 |work= Encyclopædia Britannica |title= Tanzania: Media and Publishing}}</ref> .

== Magazeti ya kitaifa, kimataifa au kimahali ==
Nchi nyingi huwa na magazeti kadhaa yanayouzwa kote taifani. Kuna machache yanayoandaliwa kwa solo la kimataifa hasa, kwa mfano [[International Herald Tribune]].

Lakini kuna pia magazeti mengi yanayokusanya habari za eneo au [[mji]] fulani hasa. Mifano yake katika Afrika ya Mashariki ni [[Arusha Times]] au [[Coastweek]] ya [[Mombasa]]. Katika nchi kama Marekani au Ujerumani sehemu kubwa ya magazeti ni ya eneo au miji fulani hasa.

== Matumizi baada ya kusomwa ==
Magazeti huwa tena na matumizi baada ya kusomwa hasa kwa kufunga vitu [[soko|sokoni]] au kurudishwa [[Kiwanda|kiwandani]] kwa kutengeneza karatasi mpya.

==Tanbihi==
{{reflist}}

==Viungo vya nje==
* www.nationmedia.co.ke Nation Media Group, Nairobi Kenya  


{{mbegu}}

[[Jamii:Habari]]
[[Jamii:Magazeti|*]]