FINCA Банк Кыргызстандын эң мыкты банкы деп табылды!

FINCA Банк Кыргызстан The Banker эл аралык абройлуу басылмасынын Bank of the Year Awards 2024 сыйлыгына татыктуу болду. Бул сыйлык аялдарды колдоо, ишкердикти өнүктүрүү жана жакырчылыкка каршы күрөшүү жаатындагы чоң салымы үчүн берилди.

Банк аялдарга адистештирилген финансылык продукттарды сунуштап гана тим болбостон, коомдук уюмдар жана фонддор менен өнөктөштүктү да активдүү өнүктүрүп келет. Өнөктөштүк жана биргелешкен демилгелердин алкагында эң алыскы аймактарды да камтыган каржылык сабаттуулук боюнча рекорддук сериядагы тренингдер өткөрүлдү. Бул өнөктөштүк аялдардын өз бизнесин өнүктүрүүгө зарыл ресурстарга жетүүсүн камсыз кылып, кесиптик жана жеке өсүү үчүн жаңы мүмкүнчүлүктөрдү ачты. Ошондой эле алардын ийгилигине өбөлгө түзгөн колдоо экосистемасын калыптандырды.

Бул сыйлык FINCA Банкынын Кыргызстандын коомунда жана экономикасында аялдардын ролун бекемдөө боюнча миссиясына берилгендигин дагы бир жолу тастыктайт. Биздин демилгелер туруктуу жана гүлдөп өнүккөн коомду түзүүгө өбөлгө болоруна сыймыктанабыз жана мындай абройлуу басылманын бизди таанып-баалаганы үчүн ыраазычылык билдиребиз.

* The Banker — 1926-жылы негизделген, дүйнөдөгү алдыңкы эл аралык финансы басылмаларынын бири. Financial Times медиатобунун бөлүгү болуп саналат жана дүйнөлүк банк тармагын талдоо, сереп жана рейтингдер боюнча адистешкен. Басылма тарабынан ыйгарылган сыйлыктар финансы секторундагы эң абройлуу сыйлыктардын бири болуп эсептелет жана банктардын эң жогорку стандарттары менен жетишкендиктерин таануу катары кызмат кылат.