Lauk kembung
| Lauk Kembung | |
|---|---|
| |
| Kembung jalu Rastrelliger kanagurta | |
| Klasifikasi ilmiah | |
| Karajaan: | |
| Filum: | |
| Kelas: | |
| Ordo: | |
| Kulawarga: | |
| Génus: | Rastrelliger
|
| Spésiés | |
|
brachysoma, faughni jeung kanagurta | |
Lauk Kembung nyaéta ngaran sajumplukan lauk laut nu asup kana genus Rastrelliger, kulawarga Scombridae.[1][2] Spésiés ieu sumebar di Asia Tenggara.[3] Beubeunangan lauk kembung di sakuliah dunya dilaporkeun ngaronjat pikeun tilu spésiés Rastrelliger nyaéta ti 200.000 ton dina taun 1950 jadi leuwih ti 800.000 ton dina taun 2006 (FAO, 2009).[3] Spésiés ieu mangrupa lauk komérsial di sakuliah wewengkon, tapi beubeunangan nu ditéwak mangrupa kombinasi campuran ti sababaraha spésiés Rastrelliger.[3]
Pedaran
[édit | édit sumber]Spésiés Indo-Pasifik Kulon ieu kapanggih aya di India, Fiji, sarta Taiwan kalér.[3][4] Lauk kembung aya di beungeut cai sarta suhu caina henteu leuwih handap ti 17 °C.[3][4] Lauk kembung ngahakan organismeu zooplankton.[3][4]
Lauk kembung mibanda cucuk tonggong : 8 - 11; cécépét tonggong hipu (total): 12; cécépét hipu bool: 12; Vertebrae: 31.[5] Rahang luhur katutup ku tulang lachrymal.[5] Insang teu nepi kana sungut.[5] Bintik hideung di tukangeun cécépét dada.[5] Kelir beuteungna semu konéng;[5] 2 nepi ka 6 titik badag aya dina dasar cécépét tonggong mimiti.[5]
Spésiés ieu nyaéta lauk komérsial, sarta ditéwak kalayan ku cara nu béda-béda kaasup pukat cingcin, kandang, jaring, sarta kalayan maké dinamit.[3] Lauk kembung di Taiwan, Filipina, Indonésia, sarta Malaysia dipasarkeun sacara seger, beku, kaléngan, sarta asin garing.[3]
Jenis-jenisna
[édit | édit sumber]
Di parairan Nusantara katelah tilu spesiés kembung, nyaéta :[6]
- Rastrelliger brachysoma (Bleeker, 1851),(Inggris : short mackerel)[7] kembung bikang
- Rastrelliger faughni Matsui, 1967,(Inggris : island mackerel) [8]
- Rastrelliger kanagurta (Cuvier, 1817), (Inggris : Indian mackerel) [9] kembung jalu
Mangpaat pikeun kaséhatan
[édit | édit sumber]Lauk kembung mangrupa salah sahiji lauk nu kasohor di masarakat lantaran katelah mibanda rupa-rupa mangpaat pikeun keséhatan.[10] Lauk nu rasana ngeunah ieu bisa diolah kalayan digoréng, dibeuleum, dikulub, dipindang, lauk asin, atanapi olahan séjénna.[10] Lauk kembung pohara mundel ku asam lemak oméga-3 nu diperelukeun ku awak urang.[10]
Ajén gizi
[édit | édit sumber]Lauk kembung mangrupa salah sahiji jenis lauk nu loba ngandung unsur gizi nu penting pikeun awak, nyaéta mineral jeung vitamin.[10] Kandungan nutrisi nu séjénna dina lauk kembung nyaéta mangpaat kalsium, zat beusi, tambaga sarta yodium.[10] Vitamin nu aya dina lauk kembung nyaéta vitamin B komplék sarta vitamin nu leyur dina lemak saperti vitamin A, D, jeung E.[10] Lauk kembung mibanda kandungan lemak nu sabagéan badag mangrupa asam lemak teu jenuh nu kacida diperelukeun pikeun tumuwuh sarta bisa nurunkeun kadar kolésterol dina getih.[10]
Nyingkahan panyakit jantung
[édit | édit sumber]Salah sahiji cara nu paling épéktip pikeun nyingkahan résiko panyakit jantung nyaéta kalayan ngadahar dahareun nu loba ngandung mangpaat oméga 3.[10] lauk kembung teu saukur beunghar ku asam lemak teu jenuh tunggal sarta asam lemak teu jenuh ganda, tapi mibanda ogé kandungan lemak jenuh nu handap.[10] Ku sabab éta, ngadahar lauk kembung bisa ngabantu nurunkeun komplikasi fisik saperti ''stroke'', ''aterosklerosis'', serangan jantung sarta ''aritmia''.[10]
Nurunkeun diabetes
[édit | édit sumber]Mangpaat lauk kembung ngandung lemak séhat lemak teu jenuh tunggal nyaéta (MUFA), peran penting pikeun panyakit diabetes.[10]
Ngontrol tekenan getih
[édit | édit sumber]Luhurna tingkat kalium nu dikandung dina lauk kembung ngabantu ngajaga tekenan getih normal, salian ti éta ogé mampuh nyingkahan résiko panyakit nu pakait jeung kondisi kakurangan kalium dina awak.[10]
Nyingkahan gajala rheumatoid arthritis
[édit | édit sumber]Lauk kembung ngandung sanyawa nu anti-inflamasi nu bisa ngabantu nurunkeun nyeri sendi.[10] Ieu mindeng kajadian ka jalma nu katarajang rheumatoid arthritis.[10]
Ngaronjatkeun fungsi kognitif
[édit | édit sumber]Hiji panalungtikan nunjukkeun yén jalma nu ngadahar asam lemak omega-3, leutik résikona pikeun katarajang déprési.[10] Ku sabab éta, kalayan ngadahar lauk kembung dina menu sapopoé, bisa ngabantu ngurangan suasana haté kanu katarajang déprési.[10] Salian ti éta ogé lauk kembung bisa ngaronjatkeun aktivitas obat antidepresan.[10] Lauk kembung mibanda DHA (Docosahexaenoic acid) nu bisa nyingkahan kamungkinan panyakit Alzheimer jeung panyakit Parkinson.[10]
Ngubaran kanker usus
[édit | édit sumber]Lauk kembung mangrupa salah sahiji sumber alami nu ngandung mangpaat vitamin D nu dipikawanoh, mibanda éfék dina tingkat katahanan hirup hiji jalma nu katarajang kanker usus.[10] Hiji atikan nunjukkeun, pasien kanker usus kalayan kadar vitamin D nu leuwih luhur pikeun maranéhna tetep bisa nahan hirup.[10]
Nyingkahan résiko kanker pinareup
[édit | édit sumber]Mangpaat antioksidan dina lauk kembung bisa ngurangan sababaraha jenis kanker.[10] Asam lemak omega 3 bisa ngabantu nyingkahan kanker pinareup, prostat, ginjal sarta kanker usus badag. Sababaraha atikan geus nétélakeun yén asam lemak esensial dina lauk kembung bisa ngurangan résiko kanker pinareup.[10]
Ngarojong imunitas
[édit | édit sumber]Lauk Kembung nyaéta salah sahiji jenis dahareun nu alus dikonsumsi pikeun jalma nu karék cageur gering atawa pikeun nu keur dirawat sacara médis.[10]
Nurunkeun kolesterol
[édit | édit sumber]Fakta geus nunjukkeun kandungan omega 3 dina mangpaat lauk kembung, bisa ngabantu nurunkeun kadar kolesterol kalayan ngajaga kolesterol diserep dina usus.[10]
Nurunkeun beurat badan
[édit | édit sumber]Kandungan omega 3 dina lauk kembung dipercaya bisa ngabantu nurunkeun beurat badan.[10] Panalungtikan nu geus nunjukkeun asupan rutin minyak lauk kembung nu dikombinasikeun kalayan olahraga kaatur bisa nurunkeun lemak dina beuteung.[10] Hal ieu ogé bisa ngabantu métabolisme awak, sarta bisa ngabantu ngurangan gula nu kaleuwihan beurat badan.[10]
Éfék samping lauk kembung
[édit | édit sumber]Lauk kembung mibanda kandungan nutrisi nu mangpaat, lauk kembung ogé gandung mérkuri métil nu luhur.[10] Kandungan éta kacida teu hadé lamun dikonsumsi ku awéwé nu keur kakandungan, sabab bisa ngabalukarkeun éfék nu teu hadé kana kamekaran sistem.[10]
Tips milih lauk kembung nu séhat: Lauk kembung nu masih seger henteu mibanda bau nu kacida, kalayan mata nu hérang sarta jelas, kulit lembab sarta sisitna ngagurilap.[10]
Dicutat tina
[édit | édit sumber]- ↑ Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen.
- ↑ "Rastrelliger". itis.gov (itis.gov). https://www.itis.gov/servlet/SingleRpt/SingleRpt?search_topic=TSN&search_value=172461#null. Diakses pada 01 Juni 2017
- ↑ a b c d e f g h "Rastrelliger". iucnredlist.org (iucnredlist.org). http://www.iucnredlist.org/details/170324/0. Diakses pada 01 Juni 2017
- ↑ a b c "Rastrelliger faughni". eol.org (encyclopedia of life). http://eol.org/pages/592581/details#benefits. Diakses pada 01 Juni 2017
- ↑ a b c d e f "Rastrelliger faughni". fishbase.org (fishbase.org). http://www.fishbase.org/FieldGuide/FieldGuideSummary.php?GenusName=Rastrelliger&SpeciesName=faughni&sps=&print=. Diakses pada 01 Juni 2017
- ↑ Carpenter, Kent E. & Volker H. Niem. 2001. FAO Species Identification Guide: The Living Marine Resources of The Western Pacific. Vol. 6 : 3737-3739. Food and Agriculture Organization, Rome.
- ↑ "Rastrelliger brachysoma". itis.gov (itis.gov). https://www.itis.gov/servlet/SingleRpt/SingleRpt?search_topic=TSN&search_value=172463#null. Diakses pada 01 Juni 2017
- ↑ "Rastrelliger faughni". itis.gov (itis.gov). https://www.itis.gov/servlet/SingleRpt/SingleRpt?search_topic=TSN&search_value=202055#null. Diakses pada 01 Juni 2017
- ↑ "Rastrelliger kanagurta". itis.gov (itis.gov). https://www.itis.gov/servlet/SingleRpt/SingleRpt?search_topic=TSN&search_value=172462#null. Diakses pada 01 Juni 2017
- ↑ a b c d e f g h i j k l m n o p q r s t u v w x y z aa ab ac ad "11 Manfaat Ikan Kembung Bagi Kesehatan dan Ibu Hamil". manfaat.co.id (manfaat.co.id). http://manfaat.co.id/manfaat-ikan-kembung. Diakses pada 01 Juni 2017