Cacing pita
Cacing pita | |
---|---|
Klasifikasi ilmiah | |
Karajaan: | |
Filum: | |
Kelas: | Cestoda
|
Ordo | |
Subkelas Cestodaria |
Dina biologi, Cestoda téh mangrupa kelas cacing depé (flatworm) parasit, katelahna cacing pita, nu hirup dina saluran cerna vertebrata. Cacing pita nyerep dahareun nu saméméhna geus dicerna ku inangna, ku kituna cacing ieu teu butuh saluran cerna atawa sungut dina awakna. Cacing pita nu badag diwangun ku ampir sagemblengna struktur réproduktif, ditungtungan ku 'hulu' leutik pikeun muntang. Gejala alatan inféksi cacing ieu rupa-rupa, gumantung spésiésna, tapi biasana mah kateugenah imbit, muncrut, sarta teu napsu dahar. Potongan atawa endog cacing pita kadang bisa kapanggih dina tai jalma nu kainféksi.
Cacing pita panjangna bisa nepi ka ampir 2,5 méter, nyilakakeun inangna sabab malingan zat-zat gizi penting, sahingga ngabalukarkeun malnutrisi.
Aya dua subkelas Cestoda: Cestodaria jeung Eucestoda; nu ilahar mah ti golongan Eucestoda. Cyclophyllidea bahya sabab narajang manusa jeung sato ingon. Spésiés anu penting di antarana Taenia solium (dina babi), jeung T. saginata (dina sapi).
Morpologi
[édit | édit sumber]Cacing pita nu sawawa mibanda dedegan nu sarua depé: skoléks (scolex), bagian tungtung nu ngawengku "hulu", "beuheung", jeung sababaraha proglotid ("buku"). Tina bentukna ieu, cacing ieu dingaranan cacing pita, sabab awakna panjang ipis kawas pita.
Tatamba
[édit | édit sumber]Untung, inféksi cacing pita bisa ubaran maké antiparasit. Antiparasit ieu bakal ngaleyurkeun cacing pita nu aya dina saluran cerna.
Rujukan
[édit | édit sumber]- Tapeworm, Wikipédia édisi basa Inggris (26 April 2006)
- Campbell, Reece, and Mitchell (1999). Biology.
- Merck Manual of Medication Information (2005). Tapeworm Infection (éd. ka-2, vérsi online); bisa dibuka di http://www.merck.com/mmhe/sec17/ch196/ch196k.html, 2005