7. Februoar

Die soogende Februoar is die oachtuntrüütichste Dai fon dän gregorioanske Kalänner, ätters blieuwe deer bit dät Jiers-Eende tou tjohunnertsoogenuntwintich Deege, blw. tjohunnertaachtuntwintich in Skaltjiere.

Geböärnisse

Leo I. (Skulptuur)

• 457: Leo I. wäd ätter Markian sin Dood fon Aspar, aan magister militum, foar'n Kaiser fon dät Aastroomske Riek benaamd. Ju Krounenge wäd foar't eerste Moal fon dän Patriarch fon Konstantinopel uurnuumen.
• 1238: In Ruslound in ju Tied fon do Mongoolenstoarme iendroangene Mongolen unner Batu Khan nieme ju in't Foaren beleegerde Haudstääd Wladimir in't Fürstendum Wladimir-Susdal ien, gjuchte monken ju Befoulkenge n Bloudboad oun un baadenje ju Stääd deel.
• 1249: In Christburg wäd n Free-Ferdraach ousleeten, die dät Ferhooldnis fon do Prussen (Oold-Prüüsen, n baltisk-sproakich Foulk) un dän Düütske Orden, die wunnen häd, räägelt.
• 1311: In Prag wäide Johann von Böhmen foar'n Köönich, sien Wieuwmoanske Elisabeth for ju Kööniginne fon Böhmen kround.
• 1497: Ätter ne Präätenje fon dän Reformator Girolamo Savonarola wäide in Florenz masse Luxus-Seeken un Kultuurgoude ferbaadend. Die Kunstler Sandro Botticelli smit wäkke fon sien Wierke mäd oaine Hounde in't Fjuur.
• 1550: Kardinoal Giovanni Maria del Monte, Konzilspräsident in Trient un Bologna, wäd ap dät Konklave in Room foar'n Poabst kädden un nimt dän Noome Julius III. oun.
• 1637: Mäd dät Eende fon ju groote Tulpenmanie in do Niederlounde kumt dät tou dän eerste "Börsencrash" fon ju Geskichte. Die Honnel bräkt touhoope, do Priese faale uum fieuwunnjuugentich Prosänt.
• 1792: Aastriek un Prüüsen moakje aan Buund juun Frankriek.
• 1882: Ju Berliner Stäädboan nimt hieren Bedrieuw ap, man foar't eerste bloot in'e Naiferkier.
• 1951: Hans Matuszak promoviert in Bonn mäd ne Oarbaid uur dät Seelterske.

Koarte tou ju Oustämmenge in uur't Wieuwljuude-Stämgjucht in ju Swaits

• 1971: In ju Swaits wäd in ne Foulks-Oustämmenge mäd ne Bedeeligenge fon 58 % mäd 66 % Toustämmenge ju Ienfierenge fon dät Stäm- un Köärgjucht foar Wieuwljuude ap Buundes-Ieuwene billiged. Buppedät wäd in do Kantone Freiburg, Zug, Schaffhausen un Aargau dät Stämgjucht foar Wieuwljuude in Kantons- un Meente-Seeken fon do Stäm-Buurgere juust so ounnuumen.

McCandless mäd sin Düüsenruksäk buute dät Ruumte-Foartjuuch

• 1984: Bie'e Mission STS-41-B fon dät Space Shuttle Columbia fiert die Ruumtefoarer Bruce McCandless foar't eerste Moal n Buute-Boud-Iensät mäd aan Düüsen-Ruksäk - ne sonaamde Manned Maneuvering Unit (MMU) - truch.
• 1992: In Maastricht wäd fon dän Europäisken Räid die Ferdraach fon Maastricht unnerteekend. Deer oane wäd ju Europäiske Union gruuded un hiere "träi Stonnere" wäide fäästlaid, näämelk do Europäiske Meenskuppe, ju meensoame Buute- un Seekergaids-Politik juust so as ju Touhoopeoarbaid fon Dreguunere un Justiz in Stroafseeken.

Tou Waareld keemen

• 1478: Thomas Morus, ängelsken Jurist, Stoatsmon un Lordkanzler, Philosoph, Humanist un Skrieuwer, wäd in ju katoolske Säärke as n Hilligen un Märtyrer fereerd.
• 1812: Charles Dickens, britisken Skrieuwer.
• 1979: Tawakkul Karman, jemenitiske Saitengs-Skrieuwerske, Politikerske un Moanskengjuchtsaktive, Dreegerske fon dän Nobelpries foar dän Free.

• 
  Thomas Morus
• 
  Charles Dickens
• 
  Tawakkul Karman

Stuurwen

• 1871: Heinrich Engelhard Steinweg / Henry E. Steinway, düütsk-US-amerikoansken Klavier-Bauer (Gruunder fon Steinway & Sons)
• 1878: Poabst Pius IX.
• 2001: Dale Evans, US-amerikoanske Sjungerske un Skauspielerske
• 2001: Anne Morrow Lindbergh, US-amerikoanske Luftfoart-Pionierinne
• 2019: Heidi Mohr, düütske Foutbaal-Spielerske
• 2020: Lucille Eichengreen, Skrieuwerske un Tied-Tjuuginne, ju dän Holocaust uurlieuwed hiede

• 
  Heinrich Steinweg
• 
  Pius IX.