東張西望丨何太反擊迷湯傳言否認落壯陽藥 76歲何伯自誇：啲後生仔唔夠我嚟呀！
2024-05-14 21:50 
TVB《東張西望》近日報道76歲何伯與年輕逾30歲的內地婦極速再婚的故事，何伯更因何太與五名仔女反目，事件連日來成為全城熱話。《東張西望》今晚（14日）播出訪問街市檔主，有報紙檔攤陳氏夫婦直指何太處心積累「尋找獵物」，又送「迷湯」，何伯、何太親回指控，又對「煲湯落壯陽藥」直接否認，何伯充滿自信說：「啲後生仔唔夠我嚟呀！」
相關閱讀：東張西望丨揭秘何太追求何伯4大手法！每日煲湯焗花旗蔘水 認識第一日即求介紹男人
東張西望丨何太被爆追何伯攻勢？
《東張西望》今晚播出訪問屯門欣田邨街市的檔主，當中的報攤陳氏夫婦大數何太不安好心，而且處心積慮，街市不少攤主都認為何太有問題，曾提醒何伯小心何太，報檔陳生、陳太指何伯為人心地好，又與街市眾檔主熟稔，但何太擺15日臨時檔賣花膠海味，第一日已向人稱自己單身五年，有個18歲的兒子，因為單親想搵個男人，問有沒有介紹。而且又加鄰舖剪髮師傅的微信，被質疑在街市尋找獵物。
何伯維護何太從冇提過錢
對於被街市報檔夫婦數笑，何伯及何太親自回應。何太被指炮製迷魂湯，何伯維護何太：「冇提過錢呢個說話，冇！佢（哋）話俾迷魂湯你，迷你，我話唔會，飲落幾精神呀！越飲越精神，（何太：幾搞笑），又有料，越飲越精神。」
何太自稱光明磊落正直善
又有指何太的一班姊妹會在街市找目標，找戴名錶、金鍊的阿伯，再主動加微信，當中更提到煲湯落壯陽藥。何伯冷笑道：「開玩笑。」而何太就否認：「我唔識呢啲嘢。」之後何伯代為澄清：「冇咁嘅事，我OK嘅，啲後生仔唔夠我嚟呀，假嘅咩？你睇我身體。」何太表示自己從來沒有掂過迷魂湯、壯陽藥：「我份人行得正企得正，去到邊我都光明正大，光明磊落（嘅）一個人，因為我似我老竇咁正直善良，我只係會去維護正義嘅人，我同情啲弱者，我會對抗啲惡人。」
相關閱讀：東張西望丨何太突轉口風為應付生計已變賣流星錘龍鳳鈪 網民質疑前言不對後語
東張西望丨何伯維護何太回應指控：
對於有指何太四出尋獵物，何伯搶答問：「我答得唔得？（何太：我冇印象）佢第一句同我講，我嗰時喺隔籬買報紙，揸住啤酒同佢傾下偈，我同佢感情好，佢問我有冇男人介紹一個，我話唔得喎！」何太即糾正：「我問你有冇好男人，幫我留意一個，做老公嗰啲，我想搵個好老公。」何伯續道：「佢叫我同佢搵丫嘛，（何太：有好就話，我想搵個單身嘅），一係契女，老婆又得，唔係喇！我就留返自己用，做老婆，咁我就一句做老婆，做我老婆，我留返自己用。」
何太加男士微信稱為合作
對於加其他男士微信，何太否認並稱：「就跟一個髮廊師傅加微信，因為我當時想開一間單剪，想同佢合作。」何太又否認想多了解髮廊師傅，而且對方有老婆，女兒亦已十多歲。何伯直指何太與對方無緣：「嗰個都同我好好傾，好Friend」，何太解釋加對方微信純粹是想請教：「到底香港開單剪髮型屋，需要咩證件？」
何伯稱九年沒掂過女人
至於二人感情發展超速？何伯對被網民指「戀愛腦」，以為是指自己年紀大，何太即插嘴說：「講得難聽咪批評我先生臨老入花叢。」何伯聞言維護何太：「我前妻走咗九年，我未搵過女人，真係冇掂過女人，未搵過，啱啱等到九年之後撞啱佢，感情到喇！緣份到喇！咁就鍾意咗佢。我哋由淺感情一路深落去，同佢結婚囉。」
相關閱讀：東張西望丨疑似何伯子女公開宣戰拒養後母？「新何太」隔空反擊：錢一定拿回來
被問是否承認自己「戀愛腦」？何伯不認同，認為只是愛對方：「我愛佢愛得口啱嘅，有佢照顧我下半生，我就好開心。我啲錢，到時我剩咗啲錢，結咗婚留畀佢就啱嘅，留畀仔女冇用，冇幾耐就散晒。」何伯對與何太進展太快認為：「佢急，啱我心水，嗰時我都唔夠膽，初初我主動追唔夠膽，佢有意思就最好啦！我早就睇中佢，我一眼就鍾意咗佢。」
其他文章：
東張西望丨何太為珠寶名牌袋解畫！再晒何伯所贈10萬元流星錘龍鳳鈪 梁敏巧睇到嘩嘩聲
東張西望丨何伯自認清醒「邊個女人呃我，我一定睇得通」 何太強調注重名聲：邪不能勝正
東張西望丨何伯夫婦「全副武裝」逛街市共度患難不忘煲湯？ 網民關心邊個畀錢
東張西望丨梁敏巧被何伯摸大髀？ 容羨媛轉發一圖關注何伯婚姻狀況
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
最新回應