Shqiponja barkëkuqe
Hieraaetus kienerii ndryshe edhe me emrin Shqiponja barkëkuqe është një zog grabitqarë i familjes accipitridae. Kjo shqiponjë jeton në malet tropike të Azisë juglindore.
Përshkrimi
[Redakto | Redakto nëpërmjet kodit]![](http://upload.wikimedia.org/wikipedia/commons/thumb/a/a9/Hieraaetus_kienerii.jpg/220px-Hieraaetus_kienerii.jpg)
Kjo shqiponjë është me një gjatësi 46-61cm dhe gjerësi të krahëve 105-140cm, relativisht e vogël. Krahët i ka të ngushtë, kurse bishtin e ka të gjatë dhe të rrumbullakët. Gishtat e këmbëve dhe thonjtë i ka shumë të gjatë. Pjesën e pasme të trupit e kanë të zezë deri te sytë. Tjetra anë është e ngjyrosur me ngjyrë të kuqe në të kaft. Këmbët i ka deri te gishtat të mbuluara me pendla. Sqepin e ka të zi, kurse Irisin e syve e ka ngjyrë kafe të mbyllët. Nga dukja nuk dallohen gjinitë, meshkujt mesatarisht arrijnë 81% të madhësisë së femrave.
Përhapja
[Redakto | Redakto nëpërmjet kodit]Janë dy nënlloje të kësaj shqiponje (H.k. kienerii dhe H.k. formosus) të cilat i banojnë tropet e: Indisë, Malajzisë, Indonezinë Perëndimore dhe Filipinet.
Shumimi
[Redakto | Redakto nëpërmjet kodit]Për çeljen e vezëve kjo shqiponjë ndërton një fole nga degët e lisave dhe kjo fole mund të arrij një diametër deri në 1,2m, lartësia mund të arrijë deri në 60 cm. Folet ndërtohen në drunjë, në lartësi 25-30m. Foleja përbëhet nga vetëm një vezë. Se sa zgjat çelja e vezëve nuk dihet.
Ushqimi
[Redakto | Redakto nëpërmjet kodit]Si ushqim kryesor kanë shpezë të vegjël dhe mesatar dhe Gjitarë të vegjël. Të vërtetuar janë Fazani Kalij (Lophura leucomelana), lloje të pulave, pëllumba, zogj akulli dhe ketri.
Sistematika
[Redakto | Redakto nëpërmjet kodit]Sipas hulumtimeve mitokondriale të DNA-së dhe DNA-së së bërthamës qelizore është vërtetuar se kz lloj nuk është shumë i afërt me llojet e tjera të kësaj gjinie (Hieraaetus). Pasi që edhe në anën morfologjike dallon shumë nga të tjerët e kësaj gjinie, do të ishte e drejtë që të hapet një gjini monotipike me Shqiponjen barkëkuqe si të vetmin lloj në të.
Referimet
[Redakto | Redakto nëpërmjet kodit]- James Ferguson-Lees, David A. Christie: Raptors of the World. Christopher Helm, London 2001. ISBN 0-7136-8026-1