Jonisk søyle er ein klassisk søyletype, som høyrer til den joniske orden, ein stil i klassisk arkitektur og skulptur. Den joniske orden, med dei joniske søylene, oppsto omkring 600 fvt. og er noko yngre enn den doriske orden.
Joniske søyler er høgare og slankare enn dei doriske. Fotstykket (basisen) har rund planform, og er typisk i ein av to ulike variantar: asiatisk-jonisk eller attisk-jonisk. Dei joniske søylene er krona med kapitél (søylehode), som særskild kjenneteiknast ved sine spiralforma voluttar.
Det asiatisk-joniske fotstykket er samansett av ein torus med to underliggande skotia og ein plint (f.eks. i Athene-tempelet i Priene), mens det attisk-joniske fotstykket er samansett av to tori med ein mellomliggande skotia og ein underliggande plint (for eksempel i nordre portiko av Erekhtheion-tempelet på Akropolis). Det joniske søyleskaftet har gradvis avsmaling mot søylehodet, og kan anten ha kannelyrer eller glatt overflate. Joniske søyler har fleire kannelyrer enn doriske.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.