domprost

Domprost er prost i eit prosti med domkyrkje. Domprosten er fast vikar for biskopen og har difor ei særstilling i høve til prostane elles. I særskilte tilfelle kan biskopen påleggje domprosten å gjere bispeteneste. Domprosten kan ikkje ordinere til presteteneste, heller ikkje om han er i teneste som vikar for biskopen. Tittelen «domprost» blei innført i 1922. Tidlegare vart denne stillinga kalla stiftsprost. I 2015 er det 11 domprostar i Den norske kyrkja.