blåhegg

Blåhegg er ein busk som blir inntil fire meter høg. Busken har kvite toppstilte blomeklasar. Blomane har mange pollenberarar og fem fruktblad som veks inn i ei hjelpefrukt, eit blåsvart bæreple som kan minne om heggebær.

Fruktene blir spreidde med fugl, til dels over lange distansar.

Busken kjem opphavleg frå Nord-Amerika, og er innført som prydbusk i Noreg, truleg på slutten av 1800-talet. Frå rundt 1900-talet har blåhegg spreidd seg frå hagar og grøntanlegg til naturen, og finst no naturalisert i store delar av Noreg, nord til Nord-Trøndelag og kanskje Lofoten.

Ein kan ete mogne bær. Bæra smakar om lag som kirsebær, men er søtare. men dei er og velegna til saft, syltetøy, gelé og vinleggjing, eller til å smaksetje likørar.

Blåhegg har vorte brukt som prydbusk i grøntanlegg og hagar.

Planten er på framandartslista under kategorien svært høg økologisk risiko. Han kan danne eit busksjikt som er framandt for den opphavlege naturtypen, og dimed endre naturlege naturtypar. Den kan også påverke balansen mellom stadeigne plantar med saftige frukter og fuglane som spreier desse.

• rosefamilien
• framandartlista
• botanikk

• Risikovurdering av blåhegg hos Artsdatabanken