Alfa er den fyrste bokstaven (A, α) i det greske alfabetet.
Faktaboks
- Uttale
-
alfa
Alfa vert nytta i samansetjingar for å visa til den fyrste av fleire variantar.
Uttrykket alfa og omega har fleire tydingar: det fyrste og det siste; det som det framfor alt gjeld; det viktigaste. Ein nyttar uttrykket mellom anna i Bibelen i utsegner om Kristus for å omtala Kristus som opphavet til og målet for alle ting: «Eg er Alfa og Omega, seier Gud Herren» (Johannes' openberring 1,8; òg 21,6; 22,13). Motivet vart teke opp i kristen kunst, der ein ofte finn alfa og omega i samband med Kristus-monogrammet (khi-rho ☧ og andre).
Alfa har verdien 1 i det greske talsystemet.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.