Múlaþing

Múlaþing er ein kommune på Aust-Island, danna i 2020 ved samanslåing av dei tidlegare kommunane Borgarfjarðarhreppur, Djúpavogshreppur, Fljótsdalshérað og Seyðisfjörður.

Múlaþing er Islands nest største kommune i areal, og omfattar om lag ein tidel av heile Island. Egilsstaðir er kommunens administrasjonssentrum. Kommunen strekkjer seg frå austkysten opp i fjellet. Den noraustre delen av Vatnajökull ligg i Múlaþing.

Delar av Múlaþing er frodig med fleire av landets største naturlige skogar: Hallormstaðaskogurinn og Egilsstaðaskogurinn. Hallormstaðaskogurinn er Islands største skog og har et areal på 7,4 kvadratkilometer. Skogen har mest bjørk, men det finst òg mange andre treslag som er innført frå ulike stader i verda. Truleg var 30–40 prosent av Island dekt av skog før innbyggarane slo seg ned på 800-talet. Etter kvart førte behov for brensel, skip og hus til avskoging. I dag er om lag éin prosent av landet skogdekt, men ein skogplan legg til grunn at arealet skal tidoblast innan 2100.

Egilsstaðir ligg ved den 30 kilometer lange innsjøen Lögurinn, som har avløp i elva Lagarfljót. I fjella omkring beitar villrein, opphavleg importert frå Norge på slutten av 1700-talet.