Langevåg er ei bygd og administrasjonssenteret i Sula kommune, Møre og Romsdal, på øya Sula like søraust for Ålesund, og er ein del av Ålesund tettstad.
Bygda strekkjer seg på nordsida av øya Sula frå Langevågen i vest til Vegsundet på grensa til Ålesund i aust. Bygda består forutan av det «eigentlege» Langevåg med Sulas rådhus inst i Langevågen i vest, av områda Fiskarstrand, Mauseidvåg/Eikrem, Solavågen og Veibust.
Bygda har variert industri med mellom anna verkstadsindustri, særleg maskininstallasjon og -reparasjon og bygging av skip og boreplattformer (mellom anna Fiskerstrand Verft AS og Vegsund Slip AS), næringsmiddelindustri (mellom anna Sevrin Tranvåg A/S), tekstil- og kledningsindustri og trevareindustri.
I Langevåg kjem lokalavisa Sulaposten ut éin gong i veka.
Langevåg har hyppig båtsamband med Ålesund sentrum. Fv. 657, som går austover gjennom heile bygda, har samband til E 39 (Solavågseidet) og E134 (Blindheimsskiftet), sistnemnde i Ålesund kommune.
Namnet er samansett av adjektivet lang og våg, 'fjordbukt', opphavleg namnet på bukta Langevågen som skjer seg inn frå vest.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.