Kherson

Kherson er ein by på høgre breidd av elva Dnipro sør i Ukraina og administrasjonssentrum i fylket (oblast) med same namn. Byen ligg ved elvemunninga ut i Svartehavet, med 279 131 innbyggjarar (1.1.2022, før den russiske invasjonen av Ukraina i 2022). Kherson er ein viktig hamneby, med både ei sjøhamn og ei elvehamn og fleire skipsverft.

Byen vart grunnlagd i 1778, etter ordre frå Katarina den store, av den russiske offiseren og politikaren Grigorij A. Potemkin som ei viktig festing og skipsverft for svartehavsflåten. Russland hadde annektert området frå Krim-khanatet nokre år tidlegare, i 1774. Israels andre statsminister (1953–1955), Moshe Sharett, vart født i Kherson.

Kherson er kalt opp etter den 2500 gamle greske kolonien Khersonesos på Krimhalvøya (Kherson på mellomadergresk). Ruinane etter den gamle greske byen ligg i det som i dag er Sevastopol.

Kherson var under russisk okkupasjon mellom 2. mars og 9. november 2022.