Kamilla – Jentenavn. Betydning og bruk

Kamilla er eit kvinnenamn som går tilbake til det romerske slektsnamnet Camill-us/-a av etruskisk opphav. I latin tyder ordet camilla ‘jente som hjelper til ved ofringar’.

Namnet har fleire variantar: Camila, Camilla, Kamila, Kamile, Kamilla, Kamille.

Kjende personar med namnet Kamilla

Eksempel på ein person med namnet Kamilla som er omtalt i Store norske leksikon:

Kamilla Gamme (1969)

Namnestatistikk

I 2022 var det 2 328 kvinner i Noreg som hadde Kamilla som det einaste førenamnet eller som det fyrste av fleire. I 2022 var det 11 jenter som fekk namnet Kamilla.

Utvikling i bruk av namnet

Namnestatistikken for 1800-talet baserer seg på folketeljingar, og då var det oftast registerføraren som bestemte kva for stavevariant som skulle førast inn i teljinga – ikkje namneberaren sjølv. Derfor er variantane Camilla og Kamilla slått saman, og dei er presenterte med ei felles kurve for 1800-talet. Stavevarianten Kamilla nådde toppen seinare enn Camilla. Mens Camilla var på topp 1975–1979, var varianten Kamilla mest populær i 1990-åra. Sidan år 1900 har Camilla vore brukt 5,5 gongar meir enn Kamilla.