Håvard Bøkko

Håvard Bøkko er ein norsk tidlegare skøyteløpar. Han utmerka seg tidleg som eit stort talent som tente eit håp om at Noreg kunne få ein ny internasjonal skøytemeister i ein ellers skrinn periode. Han tok sølv i junior-VM 2005 etter Sven Kramer, og vann i 2006 då Kramer hadde blitt senior. Kramer skulle bli ein lei nemesis og nekta Bøkko dei internasjonale titlane han sette seg mål om. Men duellane mellom Kramer og Bøkko om dei internasjonale meisterskapa har blitt legendariske. «Slå Kramer» var eit mål og eit slagord på denne tida.

Bøkko kom tidleg under vengane til Peter Mueller, trenaren for det norske seniorlandslaget, som hadde hatt suksess med landslaget i 2005. Dei innleidde eit nært samarbeid som ga 3 EM- og VM-sølv bak Kramer, og varte til forsesongen 2009/2010, då Mueller fekk sparken midt i OL-førebuingane grunna ei overgrepssak. Dei første løpa på forsesongen tyda på at han var i ferd med å ta att forspranget, men etter ein 10 000 m som han gjekk med influensa i verdscupen, var sesongen spolert. Han kom aldri opp på nivå med Kramer att.

I 2011 hadde han sjansen då Kramer tok eit kvileår. Han greip den ikkje, og det blei russaren Ivan Skobrev som tok allroundtitlane. Men Bøkko fekk endeleg eit VM-gull på 1500 m i VM enkeltdistansar i Inzell. Neste sesong gjekk han for det internasjonale profflaget CBA med Peter Mueller som trenar. Men framgangen uteblei og han gjekk attende til landslaget neste sesong. Dette endte med eit nytt VM-sølv bak Kramer, men OL-sesongen 2014 var ikkje så utbytterik, og dei neste åra satsa han ikkje som før. Han kom attende i OL-sesongen 2018 og tok då sitt einaste OL-gull i lagtempo saman med Sverre Lunde Pedersen og Simen Spieler Nilsen. Han la opp etter VM på Hamar i 2020.