Namnet har same opphav som appellativet gard. Den opphavlege tydinga er ‘gjerde’, ‘vern’. Mens -gard er brukt som etterkedd i mannsnamn i Noreg, til dømes Vegard, er det kvinnenamn som har dette etterleddet i Tyskland, til dømes Helgard.
Gard (mannsnamn)
Kjende personar med namnet Gard
Eit utval personar med namnet Gard, og som er omtalt i Store norske leksikon:
- Gard Erik Sandbakken (1954)
- Gard B. Eidsvold (1966)
- Gard Sveen (1969)
- Gard Nilssen (1983)
- Gard Steiro
Namnestatistikk
I 2022 var det 1 415 menn i Noreg som hadde Gard som det einaste førenamnet eller som det fyrste av fleire. I 2022 var det 6 gutar som fekk namnet Gard.
Utvikling i bruk av namnet
Gard høyrer til ei lita gruppe einstava nordiske namn som har fått toppfasen sin etter år 2000. Dette gjeld også Ask, Storm og Trym. Hovudtyngda av dei einstava nordiske namna var på topp innanfor perioden 1920–1979, til dømes Bjørn, Dag, Finn, Geir, Jarl, Kjell, Leif/Leiv, Odd, Rolf/Rolv, Stein/Sten, Svein/Svenn og Ulf.
Utvikling i bruk av namnet Gard frå 1880
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.