Bremangerlandet ligg rett sør for munninga av Nordfjord, og har eit areal på 153 kvadratkilometer. Øya har i overkant av 1200 innbyggjarar (2018), som i hovudsak er busette rundt Bremangerpollen i vest, meir enn ein tredel av desse bur i kommunesenteret Bremanger.
Kystane er stort sett bratte og øya er fjellendt. Mot havet i nordvest på øya ligg den bratte Olderveggen. I aust ligg det kjende fjellet Hornelen på 860 meter over havet. Det er høgaste fjell på Bremangerlandet og i fylket utanfor fastlandet. Berggrunnen i Hornelen består av sandstein og konglomerat som tilhøyrer devonfelta på Vestlandet.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.