Signjereh
Signjereh Laniidae (Rafinesque, 1815) |
|
---|---|
![]() |
|
Tieđâlâš luokittâllâm |
|
Doomeen | Sellâvááimusliih Eucarya |
Kodde | Elleekodde Animalia |
Uáiviráiđu | Savosuonâsiih Chordata |
Vyeliráiđu | Čielgitávtáliih Vertebrata |
Luokka | Lodeh Aves |
Lahko | Varbuslodeh Passeriformes |
![](http://upload.wikimedia.org/wikipedia/commons/thumb/7/70/Neunt%C3%B6ter_Weibchen.jpg/220px-Neunt%C3%B6ter_Weibchen.jpg)
![](http://upload.wikimedia.org/wikipedia/commons/thumb/2/2b/%D0%A1%D1%96%D1%80%D0%B8%D0%B9_%D1%81%D0%BE%D1%80%D0%BE%D0%BA%D0%BE%D0%BF%D1%83%D0%B4.jpg/220px-%D0%A1%D1%96%D1%80%D0%B8%D0%B9_%D1%81%D0%BE%D1%80%D0%BE%D0%BA%D0%BE%D0%BF%D1%83%D0%B4.jpg)
Signjereh teikâ signereh teikâ sigŋereh (Laniidae, suomâkielân lepinkäiset) lii varbusluudij laahkon kullee hiäimu.
Tiettum Suomâst
[mute | mute käldee]Suomâst láá ohtsis čiččâm signjeršlaaijâd:
- Ruopsispoođâšsignjer (Lanius isabellinus)
- Uccâsignjer (Lanius collurio)
- Čapiskállusignjer (Lanius minor)
- Signjer (Lanius excubitor)
- Lädisignjer (Lanius meridionalis)
- Ruopsisuáivisignjer (Lanius senator)
- Vielgiskállusignjer (Lanius nubicus)
Kyehti šlaajâ láá Aanaar kuávlu šlaajah: uccâsignjer (suom. pikkulepinkäinen) já signjer (suom. isolepinkäinen).[1]
Nomâttâsah
[mute | mute käldee]Anarâškielâst signjer noomâst láá aanoost kyehti eres-uv variant: signer já sigŋer, main majemuš oro lemin aanoost čovčjávrálij kielâst. Taat nommâ kávnoo vuosmuu keerdi esken Vuoli Ilmar loddenommâlistoost 1990, mut maaŋgâs tobdeh taam noomâ. Nuuvtpa lii-uv nabdemist, et tot lii lamaš tobdos aalmugkielâst jo ovdil-uv. Monnii suujâ tiet tot lii pááccám čälihánnáá pajas puoh sänikirjijn. Merhâšittee taan noomâst lii tot, et toos ij kavnuu jienâdâhvaastâ eres sämikielâin.[1]
Nordling (1898) kiävttá signjerist aalmugnoomâ skirri , mii ij kavnuu eres anarâš loddenommâkäldein. Taat nommâ lii luávnejum pajekiel signjer nomâttâsâst skirri. Nommâ lii siämmáásullâsâš ko pajekiel lädikuávská nommâ skire. Poppius já Granit lává čáállám pajas cissáášváálán (Accipiter nisus, suom. varpushaukka) loddenoomâ citnir, mii häämis peeleest ennuv sulâstit loddenommâ signjer. Taat citnir-nomâttâs ij kuittâg kavnuu eres loddenommâkäldein. Nuuvtpa lii-uv nabdemist, et jo-uv Poppius já Granit lává táágu peht feilim teikâ jo sunnuu kielâmiäštár lii nabdam signjer mottoom vällilodden.[1]
Uccâsignjer nommâ lii esken rahtum, já tot lii jurgâluslovnâ suomâkiel nomâttâsâst.[1]
Fáádást eres soojijn
[mute | mute käldee]Wikimedia Commonsist láá koveh teikkâ eres tiätuvuárháh fáádást Signjereh.
Käldeeh
[mute | mute käldee]- ↑ 1,0 1,1 1,2 1,3 Olthuis, Márjá-Liisá: Signjereh. Anarâš-kalender 2006, 2006. Anarâškielâ servi ry.