Euroviisuh-lávlumkišto 2025
Euroviisuh-lávlumkišto 2025 lii 69. kerdi, ko lávlumkišto uárnejuvvoo. Kišto uárnejuvvoo Baselist, Sveeicist tondiet ko Sveeici ovdâsteijee Nemo vuoitij ive 2024 kišto, ko sun finnij finalist 591 čyegisid pitástis The code.[1][2] Kišto uárnejeh Euroop almosradiounion (EBU) já Sveeici almosradiofinnodâh SRG SSR.[3]
Semifinaleh uárnejuvvojeh vyesimáánu 13. peeivi já 15. peeivi 2025.[2] Fiinaal uárnejuvvoo vyesimáánu 17. peeivi 2025.[2] Ive 2025 lii kuálmád kerdi, ko Euroviisuh uárnejuvvojeh Sveeicist. Euroviisuh uárnejuvvojii Luganost ive 1956 já Lausannest ive 1989.
Tábáhtussaje
[mute | mute käldee]
Ive 2025 Euroviisui tábáhtussaijeen lii maaŋgâtooimâareena St. Jakobshalle, Münchensteinist, Sveeicist.[2] Toos čäähih 12 400 olmožid.[3]
Semifinaleh
[mute | mute käldee]Semifiinaal 1
[mute | mute käldee]Vuossâmuš semifiinaal uárnejuvvoo vyesimáánu 13. peeivi 2025.[2]
Semifiinaal 2
[mute | mute käldee]Nubbe semifiinaal uárnejuvvoo vyesimáánu 15. peeivi 2025.[2]
Fiinaal
[mute | mute käldee]Fiinaal uárnejuvvoo vyesimáánu 17. peeivi 2025.[2] Tastko Sveicci vuoitij ive 2024 Euroviisuid, tot peesâi automaatlávt ive 2025 finalân nuuvtko Euroviisui vittâ stuárráámuu ruttâdemeennâm ađai Espanja, Italia, Ranska, Ovtâstum kunâgâskodde já Saksa. Finalân uásálistii tai lasseen enâmeh, moh lijjii love pyeremuu juávhust vuossâmuu semifinalist já nube semifinalist.
Fáádást eres soojijn
[mute | mute käldee]
Wikimedia Commonsist láá koveh teikkâ eres tiätuvuárháh fáádást Euroviisuh-lávlumkišto 2025.
Käldeeh
[mute | mute käldee]- ↑ Pudas, Mari: Sveitsi voitti Euroviisut! Iltalehti. 12.5.2024. Čujottum 12.5.2024. (suomâkielân)
- ↑ 2,0 2,1 2,2 2,3 2,4 2,5 2,6 Pudas, Mari: Euroviisujen isäntäkaupunki selvisi Iltalehti. 30.8.2024. Čujottum 30.8.2024. (suomâkielân)
- ↑ 3,0 3,1 Olthuis, Marja-Liisa: Basel tuáimá Euroviisuh-lávlumkišto išedin Sveeicist 2025 anarasaavis.fi. 31.8.2024. Čujottum 31.8.2024.