Vuáđuvuoigâdvuođah

Vuáđuvuoigâdvuođah láá almoliih olmoošvuoigâdvuođah, moh kolgâččii iävtuittáá kuullâđ mist juáhážân. Vuáđuvuoigâdvuođah já olmoošvuoigâdvuođah láá kuittâg ereslágáneh nubijnis nuuvt, et vuossâmuuh láá torvejum staatâ vuáđulaavâst já majemuuh aalmugijkoskâsâš olmoošvuoigâdvuotâsopâmušâin.

Vuáđuvuoigâdvuođâi luokittâllâm

Persovnliih rijjâvuotâvuoigâdvuođah

Tágáreh vuoigâdvuođah láá el. vuoigâdvuotâ elimân, persovnlii rijjâvuotân já kuoskâmettumvuotân sehe priivaateellim syeji, omâduv syeji já servâmrijjâvuotâ.

Poolitliih vuoigâdvuođah já rijjâvuođah

Poolitliih vuoigâdvuođah já rijjâvuođah láá ovdâmerkkân jienâstemvuoigâdvuotâ, sänirijjâvuotâ, čokkânemrijjâvuotâ já servâmrijjâvuotâ.

Täsiárvuvuoigâdvuođah

Täsiárvuvuoigâdvuođáid kuleh el. suhâpiälálâš oovtâviärdásâšvuotâ já oskoldâhlâš oovtâviärdásâšvuotâ.

Ekonomâliih, sosiaalliih já čuovviittâsliih vuoigâdvuođah

Vuáđuvuoigâdvuođáid kuleh meid ekonomâliih, sosiaalliih já čuovviittâsliih vuoigâdvuođah ađai ESČ-vuoigâdvuođah. Tagaráid vuoigâdvuođáid kuleh ovdâmerkkân vuoigâdvuotâ paargon, sosiaaltoorvon já máttááttâsân.

Vuáđuvuoigâdvuođah Suomâst

Suomâ vuáđulaavâ mield vuáđuvuoigâdvuođah kuleh puohháid, iäge tuše Suomâ aalmugáid.

Suomâ vuáđulaavâ 2. lovvoost láá torvejum el. čuávuvááh vuoigâdvuođah:

• 6 §. Oovtviärdásâšvuotâ
• 10 §. Priivaateellim syeji
• 11 §. Oskolduv já uámitobdo rijjâvuotâ
• 12 §. Sänirijjâvuotâ já almosvuotâ
• 13 §. Čokkânem- já servâmrijjâvuotâ
• 15 §. Omâduv syeji
• 17 §. Vuoigâdvuotâ jieijâs kielân já kulttuurân
• 18 §. Vuoigâdvuotâ paargon já iäláttâsrijjâvuotâ
• 19 §. Vuoigâdvuotâ sosiaaltoorvon
• 20 §. Ovdâsvástádâs ohtsii pirrâsist
• 21 §. Vuoigâdvuođâtorvo
• 23 §. Vuáđuvuoigâdvuođah spiekâstâhtile ääigi