ⵓⵔⴰⵔⵏ ⵓⵍⴰⵎⴱⵉⵢⵏ
ⵙⵓⵓⵙ-ⵛⵍⴰⵙⵙⴻ ⴷⴻ | ⵛⵓⵎⴱéⵜⵉⵜⵉⵓⵏ ⵉⵏⵜⴻⵔⵏⴰⵜⵉⵓⵏⴰⵍⴻ, ⵛⵓⵎⴱéⵜⵉⵜⵉⵓⵏ ⵎⵓⵍⵜⵉⵙⴱⵓⵔⵜⵙ, éⴼéⵏⴻⵎⴻⵏⵜ ⵙⴱⵓⵔⵜⵉⴼ ⵔéⵛⵓⵔⵔⴻⵏⵜ ![]() |
---|---|
ⴰⵙⴰⴽⵓⴷ ⵏ ⵓⵙⵙⵔⵙⵍ ⵏⵖ ⵉⵙⵍⵍⵡⵉ | 1896 ![]() |
ⵙⴱⵓⵏⵙⵓⵔ ⵓⵓ ⵎéⵛèⵏⴻ | ⴼⵉⵙⴰ ![]() |
ⵙⴱⵓⵔⵜ | ⵙⴱⵓⵔⵜ ⵓⵍⵢⵎⴱⵉⵇⵓⴻ ![]() |
ⴰⵎⵓⵙⵙⵓ | ⵓⵍⵢⵎⴱⵉⵛ ⵎⵓⴼⴻⵎⴻⵏⵜ ![]() |
ⵀⵢⵎⵏⴻ | ⵀⵢⵎⵏⴻ ⵓⵍⵢⵎⴱⵉⵇⵓⴻ ![]() |
ⴷⴻⴼⵉⵙⴻ | ⴷⴻⴼⵉⵙⴻ ⵓⵍⵢⵎⴱⵉⵇⵓⴻ ![]() |
ⵍⵉⴻⵓ | ⵙⵉⵜⴻ ⴷⴻⵙ ⵊⴻⵓⵅ ⵓⵍⵢⵎⴱⵉⵇⵓⴻⵙ ![]() |
ⵜⵔⵓⴱⵀéⴻ ⵔⴻⵎⵉⵙ | ⵎéⴷⴰⵉⵍⵍⴻ ⵓⵍⵢⵎⴱⵉⵇⵓⴻ ![]() |
ⴱⵔéⵛéⴷé ⴱⴰⵔ | ⵊⴻⵓⵅ ⵓⵍⵢⵎⴱⵉⵇⵓⴻⵙ ⴰⵏⵜⵉⵇⵓⴻⵙ ![]() |
ⵓⵔⴳⴰⵏⵉⵙⴰⵜⴻⵓⵔ ⵓⵓ ⵓⵔⴳⴰⵏⵉⵙⴰⵜⵔⵉⵛⴻ | ⵛⵓⵎⵉⵜé ⵉⵏⵜⴻⵔⵏⴰⵜⵉⵓⵏⴰⵍ ⵓⵍⵢⵎⴱⵉⵇⵓⴻ ![]() |
ⴱⴰⵔⵜⵉⵛⵉⴱⴰⵏⵜ | ⴼⵉⴻⵜ ⵏⴰⵎ ⵙⴱⵓⵔⵜⵙ ⵜⴻⴰⵎ ![]() |
ⴰⵙⵉⵜ ⴰⵎⴰⴷⴷⵓⴷ | https://olympics.com/en/ ![]() |
ⵜⴻⵅⵜⴻ ⵔéⴳⵓⵍⴰⵜⴻⵓⵔ | ⵛⵀⴰⵔⵜⴻ ⵓⵍⵢⵎⴱⵉⵇⵓⴻ ![]() |
ⴰⵛⵏⵢⴰⵍ | ⴷⵔⴰⴱⴻⴰⵓ ⵓⵍⵢⵎⴱⵉⵇⵓⴻ ![]() |
ⵀⵉⵙⵜⵓⵉⵔⴻ | ⵀⵉⵙⵜⵓⵔⵢ ⵓⴼ ⵜⵀⴻ ⵓⵍⵢⵎⴱⵉⵛ ⴳⴰⵎⴻⵙ, ⵜⵉⵎⴻⵍⵉⵏⴻ ⵓⴼ ⵜⵀⴻ ⵓⵍⵢⵎⴱⵉⵛ ⴳⴰⵎⴻⵙ ![]() |
ⵉⴷⴻⵏⵜⵉⴼⵉⴰⵏⵜ ⵡⵓⵔⴷⵍⵉⴼⵜ | http://data.thenextweb.com/tnw/entity/olympic_games ![]() |
ⵓⵔⴰⵔⵏ ⵓⵍⴰⵎⴱⵉⵢⵏ ⵏⵉⵖ ⴷ ⵓⵍⴰⵎⴱⵉⵢⴰⵜⵏ (ⵙ ⵜⴼⵔⴰⵏⵙⵉⵙⵜ: ⵊⴻⵓⵅ ⵓⵍⵢⵎⴱⵉⵇⵓⴻⵙ)[1] ⴳⴰⵏ ⵉⴳⵉⵜⵏ ⵉⴳⵔⴰⵖⵍⴰⵏⵏ ⵍⵍⵉ ⵥⵉⵎⵉⵥⵏⵉⵏ ⵖ ⵡⵓⵔⴰⵔⵏ ⵏ ⵜⵓⵏⵏⵓⵏⵜ ⵙⵎⵓⵏⵏ ⵡⵉⵏ ⵓⵏⴱⴷⵓ ⴷ ⵡⵉⵏ ⵜⴳⵔⵙⵜ, ⴷⵔⵓⵏ ⴳⵉⵙⵏ ⴰⴼⴹⴰⵏ ⵏ ⵉⵎⴰⵏⵓⵏⵏ ⵙⵖ ⵓⵎⴰⴹⴰⵍ ⴰⴽⴽⵯ ⵖ ⴽⵉⴳⴰⵏ ⵏ ⵉⵎⵛⴰⵍⴰⵜⵏ.
ⵓⵔⴰⵔⵏ ⵓⵍⴰⵎⴱⵉⵢⵏ ⵜⵜⵢⴰⵡⵎⵏⴰⴷⵏ ⵉⵙ ⴳⴰⵏ ⴰⵎⵛⴰⵍⴰ ⴰⵎⴰⵏⵓⵏ ⴷⴰ ⴰⴽⴽⵯ ⵉⵎⵇⵇⵓⵔⵏ ⵖ ⵓⵎⴰⴹⴰⵍ ⵙ ⵓⴳⴳⴰⵔ ⵏ ⵙⵏⴰⵜ ⵜⵎⴰⴹⵜ ⵏ ⵜⵔⴰⴱⴱⵓⵜⵉⵏ ⴽⵓ ⵢⴰⵜ ⴳⵉⵙⵏⵜ ⴰⵔ ⵜⵙⵙⵎⵏⵉⴷ ⴽⵔⴰ ⵏ ⵜⵎⴰⵣⵉⵔⵜ ⵓⵍⴰ ⴽⵔⴰ ⵏ ⵡⴰⴽⴰⵍ ⵉⴳⴰⵏ ⵡⵉⵏ ⵉⵅⴼ ⵏⵏⵙ. ⵙ ⵓⵏⴰⵎⴽ ⵉⵣⵡⴰⵔⵏ, ⵓⵔⴰⵔⵏ ⴰⴷ ⴰⵔ ⵜⵜⵉⵍⵉⵏ ⵖ ⵜⵡⴰⵍⴰ ⵏ ⵜⴱⵔⵣⴰⵜⵉⵏ ⴰⴽⴽⵯ ⵏ ⵓⵎⴰⴹⴰⵍ ⵍⵍⵉ ⵔⴰⴷ ⵣⵔⵉⵏⵜ ⵖ ⵓⵙⴳⴳⵯⴰⵙ ⴰⵏⵏ ⵖ ⵔⴰⴷ ⵉⵍⵉⵏ (ⵎⴰⵛⵛ, ⴽⵔⴰⵢⴳⴰⵜ ⴰⵙⵎⵉⵍ ⴰⵔ ⴷⴰⵔⵙ ⵉⵜⵜⵉⵍⵉ ⵢⴰⵏ ⵓⵙⵎⴰⴷ).[2] ⵓⵔⴰⵔⵏ ⵓⵍⴰⵎⴱⵉⵢⵏ ⴰⵔ ⵜⵜⵉⵍⵉⵏ ⵖ ⴽⵔⴰ ⵉⴳⴰ ⵜⵜ ⴽⴽⵓⵥ ⵉⵙⴳⴳⵯⴰⵙⵏ. ⵙⵖ 1994, ⴰⵔ ⵜⵜⵎⵢⵉⵜⵜⵉⵏ ⵡⵓⵔⴰⵔⵏ ⴰⴷ ⴳⵔ ⵜⵏⴱⴷⵓⵜ ⴷ ⵜⴳⵔⵙⵜ ⴽⵔⴰ ⵉⴳⴰ ⵜⵜ ⵙⵉⵏ ⵉⵙⴳⴳⵯⴰⵙⵏ ⵖ ⵢⴰⵏ ⵓⵙⴰⵔⴰⴳ ⵏ ⴽⴽⵓⵥ ⵉⵙⴳⴳⵯⴰⵙⵏ.[3][4]
ⴰⵏⵥⴰⵎ ⵏⵏⵙⵏ ⵉⵜⵜⵢⴰⵙⴰⵢ ⴷ ⵙⵖ ⵡⵓⵔⴰⵔⵏ ⵓⵍⴰⵎⴱⵉⵢⵏ ⵉⵇⴱⵓⵔⵏ ⴷⴰ ⵜⵜ ⵉⵏⵏ ⴽⴽⴰⵏⵉⵏ ⵖ ⵓⵍⴰⵎⴱⵢⴰ, ⵖ ⵜⵎⴰⵣⵉⵔⵜ ⵏ ⵉⵢⵓⵏⴰⵏ ⵙⵖ ⵜⴰⵙⵓⵜ ⵜⵉⵙ 8 ⵉⵣⵡⴰⵔⵏ ⵜⴰⵍⴰⵍⵉⵜ ⴰⵔ ⵜⴰⵙⵓⵜ ⵜⵉⵙ 4 ⴷⴰ ⵜⵜ ⵉⴹⴼⵕⵏ. ⴰⴱⴰⵕⵓⵏ ⴱⵉⴻⵔⵔⴻ ⴷⴻ ⵛⵓⵓⴱⴻⵔⵜⵉⵏ ⵉⵙⴽⵔ ⵜⴰⵎⵙⵎⵓⵏⵜ ⵜⴰⵎⴰⴹⵍⴰⵏⵜ ⵜⵓⵍⴰⵎⴱⵉⵢⵜ (ⵉⵓⵛ) ⵖ ⵓⵙⴳⴳⵯⴰⵙ 1896 ⵖⴰⵢⵍⵍⵉ ⵉⵙⵔⴳⵏ ⵖ ⵡⵓⵔⴰⵔⵏ ⵉⵎⵣⵡⵓⵔⴰ ⵏ ⴰⵜⵉⵏⴰ ⵖ 1896. ⵉⵓⵛ ⵜⴳⴰ ⴰⴼⵔⴷⵉⵙ ⴷⴰ ⵉⵙⵍⵉⵎⵓⵔⵏ ⵖ ⵓⵎⵓⵙⵙⵓ ⵓⵍⴰⵎⴱⵉⵢ ⴷⴰ ⴰⴽⴽⵯ ⵉⵛⵛⴽⵛⴰⵎⵏ ⵜⵉⵎⵙⵎⵓⵏⵉⵏ ⴷ ⵎⵉⴷⴷⵏ ⴷⴰ ⵜⵜⴰⵎⵥⵏⵉⵏ ⴰⴷⵖⴰⵔ ⵖ ⵡⵓⵔⴰⵔⵏ ⵓⵍⴰⵎⴱⵉⵢⵏ. ⵉⴳⴰⵎⵎⴰⵏ ⵓⵍⴰⵎⴱⵉⵢⵏ ⴰⵔ ⴳⵍⵍⵉⵏ ⵎⴰⵏⵎⴽ ⴰ ⵔⴰⴷ ⵜⴳ ⵜⴰⵣⵣⵉⵜ ⵏⵏⵙⵏ ⴷ ⵜⴰⵏⴰⵢⴰ ⵏⵏⵙⵏ.
ⴰⵣⵣⵉⴳⵉⵣ ⵏ ⵓⵎⵓⵙⵙⵓ ⵓⵍⴰⵎⴱⵉⵢ ⵖ ⵜⴰⵙⵓⵜ ⵜⵉⵙ 20 ⴷ ⵜⵉⵙ 21 ⵢⵉⵡⵉ ⴷ ⴽⵉⴳⴰⵏ ⵏ ⵓⵙⵙⵏⴼⵍ ⵉ ⵓⵔⴰⵔⵏ ⵓⵍⴰⵎⴱⵉⵢⵏ. ⴽⵔⴰ ⵙⵖ ⵜⵏⴼⴰⵍⵉⵏ ⴰⴷ ⵉⴳⴰ ⵜⵏⵜ ⵓⵏⵥⴰⵎ ⵏ ⵡⵓⵔⴰⵔⵏ ⵓⵍⴰⵎⴱⵉⵢⵏ ⵏ ⵜⴳⵔⵙⵜ ⵡⵉⵏ ⵜⵓⵏⵏⵓⵏⵉⵏ ⵏ ⵓⵜⴼⵍ ⴷ ⵓⵖⵔⵉⵙ, ⵓⵔⴰⵔⵏ ⵏ ⵉⵏⴱⴹⵓⵍⵏ ⵡⵉⵏ ⵉⵎⴰⵏⵓⵏⵏ ⴷⴰⵔ ⵜⵍⵍⴰ ⴽⵔⴰ ⵏ ⵜⵖⴰⵡⵙⴰ ⵉⵥⵍⵉⵏ, ⵓⵔⴰⵔⵏ ⵓⵍⴰⵎⴱⵉⵢⵏ ⵏ ⵡⴰⵛⵜⴰⵍ ⵉ ⵉⵎⴰⵏⵓⵏⵏ ⵎⵥⵥⵉⵢⵏⵉⵏ ⴳⵔ 14 ⴷ 18 ⵏ ⵓⵙⴳⴳⵯⴰⵙ ⵖ ⵓⵍⵜⴰⵢ, ⵙⵎⵎⵓⵙ ⵡⵓⵔⴰⵔⵏ ⵉⵎⵏⵥⴰⵡⵏ (ⵜⴰⵎⵉⵔⵉⴽⵜ, ⵜⴰⴼⵔⵉⵇⵜ, ⴰⵙⵢⴰ, ⵓⵔⵓⴱⴱⴰ, ⴷ ⵓⴳⴰⵔⵓ ⵉⵔⴳⴳⵉⴳⵏ), ⴷ ⵡⵓⵔⴰⵔⵏ ⵉⵎⴰⴹⵍⴰⵏⵏ ⴷⴰ ⵓⵔ ⴽⵛⵎⵏⵉⵏ ⵖ ⵓⵔⴰⵔⵏ ⵓⵍⴰⵎⴱⵉⵢⵏ. ⵉⵓⵛ ⵜⵓⵙⵉ ⵓⵍⴰ ⴷⵉⴼⵍⴰⵎⴱⵉⴽ ⴷ ⵜⵡⵍⴰⵎⴱⵉⵢⵏ ⵥⵍⵉⵏⵉⵏ.
ⵉⵎⵏⵖⵉⵜⵏ ⵉⵎⴰⴹⵍⴰⵏⵏ ⴰⵎⵣⵡⴰⵔⵓ ⴷ ⵡⵉⵙ ⵙⵉⵏ ⵙⵖⵉⵏ ⴰⵙⵙⵉⴽⵉ ⵏ ⵡⵓⵔⴰⵔⵏ ⵏ 1916, 1940, ⴷ 1944; ⵢⴰⵏ ⵡⴰⴱⴱⴰⵢ ⵉⴼⵍⵉⵏ ⵏ ⵡⵓⵔⴰⵔⵏ ⵖ ⵡⵓⵙⵙⴰⵏ ⵏ ⵉⵎⵏⵖⵉ ⵓⵚⵎⵉⴹ ⵢⵉⵡⵉ ⴷ ⵢⴰⵏ ⵓⴷⵔⴰⵡ ⵉⴽⵔⵉⵏ ⵏ ⵜⵎⵉⵣⴰⵔ ⵖ 1980 ⴷ 1984;[5] ⴷ ⵡⵓⵔⴰⵔⵏ ⵏ 2020 ⵍⵍⵉ ⵎⴰⵟⵍⵏⵉⵏ ⴰⵔ 2021 ⵙ ⵓⵎⵏⵜⵉⵍ ⵏ ⵡⴰⵟⵟⴰⵏ ⵏ ⵛⵓⴼⵉⴷ-19.
ⴰⵎⵓⵙⵙⵓ ⵓⵍⴰⵎⴱⵉⵢ ⵍⵍⴰⵏⵜ ⴳⵉⵙ ⵜⵎⵙⵎⵓⵏⵉⵏ ⵜⵉⵎⴰⴹⵍⴰⵏⵉⵏ ⵏ ⵜⵓⵏⵏⵓⵏⵜ (ⵉⴼⵙ) ⵉⵍⵉⵏ ⵉⴳⵔⴰⵡⵏ ⵉⵏⴰⵎⵓⵔⵏ ⵓⵍⴰⵎⴱⵉⵢⵏ (ⵏⵓⵛⵙ) ⵉⵍⵉⵏ ⴷⴰⵖ ⵉⴳⵔⴰⵡⵏ ⵏ ⵓⵙⵏⵎⴰⵍⴰ ⵏ ⵡⵓⵔⴰⵔⵏ ⵓⵍⴰⵎⴱⵉⵢⵏ ⵏⵏⴰ ⵍⵍⴰⵏⵉⵏ. ⵉⵓⵛ ⵉⴳⴰ ⵜⴰⵎⵙⵎⵓⵏⵜ ⵉⵙⴽⴰⵔⵏ ⴰⵖⵜⴰⵙ, ⵢⵉⵍⵉ ⵜⴰⵏⴱⴰⴹⵜ ⴰⴷ ⵉⵙⵜⵉ ⵎⴰⵏ ⵜⵉⵖⵔⵎⵜ ⵖ ⵔⴰⴷ ⵉⵍⵉⵏ ⵡⵓⵔⴰⵔⵏ, ⴰⵔ ⴷⴰⵖ ⵉⵙⵏⵎⴰⵍⴰ ⵎⴰⵏⵉ ⵙ ⵔⴰⴷ ⴼⵜⵓⵏ ⵉⵇⴰⵕⵉⴹⵏ ⴷⴷⴰⵡ ⵎⴰⴷ ⵜⵜⵉⵏⵉⵏ ⵉⴳⴰⵎⵎⴰⵏ ⵓⵍⴰⵎⴱⵉⵢⵏ. ⵉⵓⵛ ⴰⵔ ⵉⵙⵜⴰⵢ ⵓⵍⴰ ⴰⵖⴰⵡⴰⵙ ⵏⵏⵙⵏ ⴷ ⵎⴰⵏ ⵜⵓⵏⵏⵓⵏⵉⵏ ⴰ ⵔⴰⴷ ⴳⵉⵙⵏ ⵜⵜⵢⴰⵡⵀⴹⴰⵕⵏⵜ. ⵍⵍⴰⵏⵜ ⵉⵎⵉⵍ ⵖ ⵡⵓⵔⴰⵔⵏ ⴰⴷ ⵎⵏⵏⴰⵡⵜ ⵜⵎⵢⵓⵔⵉⵏ ⴷ ⵜⵥⵕⵉⵡⵉⵏ, ⵣⵓⵏ ⴷ ⴰⴽⵏⵢⴰⵍ ⵓⵍⴰⵎⴱⵉⵢ ⴷ ⵓⵙⴰⴼⵓ ⵓⵍⴰⵎⴱⵉⵢ ⴷ ⵜⴼⵓⴳⵍⵉⵡⵉⵏ ⵏ ⵓⵕⵥⵥⵓⵎ ⴷ ⵓⵔⴳⴳⴰⵍ. ⵓⴳⴳⴰⵔ ⵏ 14,000 ⵏ ⵉⵎⴰⵣⵣⴰⵍⵏ ⴰⴷ ⵉⵎⵛⴰⵍⴰⵏ ⵖ ⵡⵓⵔⴰⵔⵏ ⵏ ⵓⵏⴱⴷⵓ ⵏ 2020 ⴷ ⵡⵉⵏ ⵜⴳⵔⵙⵜ 2022 ⵙ ⵙⵉⵏ, ⵉⵣⵔⵉ ⵎⴰⵢⴰⵏⵏ ⵖ ⴽⴽⵓⵥⵜ ⵜⵎⵔⴰⵡⵉⵏ ⵏ ⵡⴰⵏⴰⵡⵏ ⵏ ⵜⵓⵏⵏⵓⵏⵉⵏ ⴷ 448 ⵏ ⵉⴳⵉⵜⵏ. ⵡⴰⴷ ⵉⵣⵡⴰⵔⵏ ⴷ ⵡⵉⵙ ⵙⵉⵏ ⴷ ⵡⵉⵙ ⴽⵔⴰⴹ ⵖ ⴽⵔⴰ ⵉⴳⴰ ⵜⵜ ⴰⵎⵛⴰⵍⴰ ⵜⵜⵚⴰⵃⴰⵏⵜ ⴰⵙⵏ ⵜⴰⵏⴰⵍⵍⴰⵜⵉⵏ ⵜⵉⵡⵍⴰⵎⴱⵉⵢⵏ: ⵜⵉⵏ ⵡⵓⵔⵖ ⴷ ⵜⵉⵏ ⵓⵥⵕⴼ ⴷ ⵜⵉⵏ ⵡⴰⵏⴰⵙ.
![](http://upload.wikimedia.org/wikipedia/commons/thumb/d/d7/Olympic_games_1908_London.jpg/220px-Olympic_games_1908_London.jpg)
ⵓⵔⴰⵔⵏ ⴰⴷ ⴰⵔ ⵜⵜⵉⵎⵖⵓⵔⵏ ⴰⵢⵍⵍⵉⵖ ⵓⵔ ⵙⵓⵍ ⵉⵖⴰⵎⴰ ⵢⴰⵏ ⵓⵡⴰⵏⴽ ⵡⴰⵔ ⴰⴳⵏⵙⴰⵙ. ⵜⴰⵎⵖⵓⵔⵉ ⴰⴷ ⵜⵉⵡⵉ ⴷ ⴽⵉⴳⴰⵏ ⵏ ⵜⵎⵓⴽⵔⵉⵙⵉⵏ ⴷ ⵉⵎⵙⴰⵔⴰⵙⵏ, ⵣⵓⵏ ⴷ ⴰⴱⴱⴰⵢ ⴷ ⵓⵜⵛⵉ ⵏ ⵉⵏⵙⵎⵓⵙⵙⴰ ⴷ ⵜⵎⵛⵜⵛⵓⵜ ⴷ ⵍⵉⵔⵀⴰⴱ. ⴽⵔⴰ ⵉⴳⴰ ⵜⵜ ⵙⵉⵏ ⵉⵙⴳⴳⵯⴰⵙⵏ, ⵓⵔⴰⵔⵏ ⴰⴷ ⴷ ⵓⵎⵉⴷⵢⴰ ⴰⵔ ⴰⴽⴽⴰⵏ ⵉ ⵉⵎⴰⵏⵓⵏⵏ ⵜⴰⵎⵍⴷⴰ ⴰⴷ ⴰⵡⵉⵏ ⵢⴰⵜ ⵜⵙⵉⵍⵍⵉⵜ ⵖ ⵓⵙⵡⵉⵔ ⴰⵏⴰⵎⵓⵔ ⴷ ⵓⵎⴰⴹⵍⴰⵏ. ⵓⵔⴰⵔⵏ ⴰⵔ ⴷⴰⵖ ⴰⴽⴽⴰⵏ ⵢⴰⵜ ⵜⵏⵢⴰⴼⵜ ⵉ ⵜⵖⵔⵎⵉⵡⵉⵏ ⴷ ⵜⵎⵉⵣⴰⵔ ⵏⵏⴰ ⵙⵏⵓⴱⴳⴰⵏⵉⵏ ⵓⵔⴰⵔ ⴰⴷ ⴰⴷ ⵎⵍⵏⵜ ⵉⵅⴼⴰⵡⵏ ⵏⵏⵙⵏⵜ ⵉ ⵓⵎⴰⴹⴰⵍ.
ⴰⵎⵣⵔⵓⵢ
[edit | edit source]ⵓⵔⴰⵔⵏ ⵓⵍⴰⵎⴱⵉⵢⵏ ⵉⵇⴱⵓⵔⵏ (ⵙ ⵜⴳⵔⵉⴽⵉⵜ ⵜⴰⵇⴱⵓⵔⵜ: τὰ Ὀλύμπια,ⵜⴰ ⵓⵍⵢⵎⴱⵉⴰ) ⴽⴽⴰⵏ ⵜⵜ ⵉⵏⵏ ⵢⴰⴷⵍⵍⵉ ⴳⴰⵏ ⵉⵏⵎⵓⴳⴳⴰⵔⵏ ⵏ ⵓⵙⴳⴷ ⴷ ⵜⵓⵏⵏⵓⵏⵜ ⴷⴰ ⵜⵜⵉⵍⵉⵏⵉⵏ ⵖ ⴽⵔⴰ ⵉⴳⴰ ⵜⵜ ⴽⴽⵓⵥ ⵉⵙⴳⴳⵯⴰⵙⵏ ⵖ ⵓⴷⴱⵏⵉ ⵏ ⵣⵓⵙ ⵖ ⵓⵍⵉⵎⴱⵉⵢⴰ ⵖ ⵜⵎⴰⵣⵉⵔⵜ ⵏ ⵉⵢⵓⵏⴰⵏ. ⴰⵙⴰⴽⵓⴷ ⵏ ⵓⵏⵎⵓⴳⴳⴰⵔ ⵉⵜⵜⵢⴰⵡⵙⵜⴰⵢ ⵙ ⵢⴰⵜ ⵜⴰⵟⵓⵎⵜ ⵉⵎⵓⵜⵜⵍⵏ ⵍⵍⵉⵖ ⵔⴰⴷ ⴷ ⵢⴰⵛⴽ ⵡⴰⵎⵎⴰⵙ ⵏ ⵓⵏⵎⵓⴳⴳⴰⵔ ⵖ ⵜⵉⵙ ⵙⵏⴰⵜ ⵏ ⵜⵎⴰⵢⵢⵓⵔⵜ ⴹⴼⴼⵕ ⵓⵍⴽⴽⵓⴷ ⵏ ⵢⵉⵣⵖ ⴷ ⵉⵜⵜⴰⵛⴽⴰⵏ ⵖ ⵎⴰ ⵉⴳⴰⵏ ⵜⴰⵎⵢⵓⵔⵜ ⵖ ⵜⴳⵉⵔⴰ ⵏ ⵡⴰⵢⵢⵓⵔ ⵏ ⵖⵓⵛⵜ ⵏⵉⵖ ⴷ ⵖ ⵜⵣⵡⵉⵔⵉ ⵏ ⵛⵓⵜⴰⵎⴱⵉⵔ.[6]
ⵉⴱⵔⵔⴰⵃⵏ ⴰⵔ ⵏⵏ ⵜⵜⵢⴰⵣⴰⵏⵏ ⵙⵖ ⴷⴰⵔ ⵜⵖⵔⵎⵜ ⵏ ⵉⵍⵉⵙ ⴰⴷ ⵉⴼⵙⵏ ⵉ ⵎⴷⴷⵏ ⵎⴰ ⵉⴳⴰ ⵡⴰⴽⵓⴷ ⵏ ⵓⵔⴰⵔⵏ ⴰⴷ.[7] ⵖ ⵜⵣⵡⵉⵔⵉ ⵏⵏⵙ, ⴰⵎⵛⴰⵍⴰ ⴰⴷ ⵉⴽⴽⴰ ⵜⵜ ⵉⵏⵏ ⵉⵥⵍⵉ ⵉ ⵜⴰⵔⵡⴰ ⵏ ⵉⴷⵔⴼⵉⵢⵏ ⵏ ⴰⵢⵜ ⵉⵢⵓⵏⴰⵏ ⵀⵍⵍⵉ.[8] ⵎⴰⵛⵛⴰⵏ, ⵍⵍⵉⵖ ⵜⴽⴽⴰ ⵎⵇⴷⵓⵏⵢⴰ ⴼ ⵉⵢⵓⵏⴰⵏ ⴼⴰⴷ ⵙ ⵉⵔⵓⵎⴰⵏⵉⵢⵏ, ⵎⵔⴰⵡ ⵏ ⵉⵎⴹⴽⵓⴹⵏ ⵓⵍⴰⵎⴱⵉⵢⵏ ⵙⵙⵓⵍⵡⴰⵏ ⵙⵓⵍ ⴰⴷⴰⵙⵉⵍ ⵉⵣⵡⵓⵔⵏ, ⴼⴽⵏ ⵜⴰⵎⵍⴷⴰ ⵏ ⵓⴷⵔⴰⵡ ⵉ ⵡⴰⵏⵏⴰ ⴽⴰ ⵉⵙⴰⵡⴰⵍⵏ ⵜⴰⴳⵔⵉⴽⵉⵜ.[9] ⵎⵔⴰⵡ ⵏ ⵡⴰⴼⴹⴰⵏ ⵏ ⵉⴳⵔⵉⴽⵏ ⴰⵔ ⴽⴽⴰⵜⵏ ⵜⴰⵎⵎⴰⵔⴰ ⵏ ⵓⵎⵓⴷⴷⵓ ⴰⴼⴰⴷ ⴰⴷ ⵃⴰⴹⵕⵏ ⵖ ⵓⵏⵎⵓⴳⴳⴰⵔ.[10]
![](http://upload.wikimedia.org/wikipedia/commons/thumb/d/dc/In_the_earlist_times_a_simple_foot-race_was_the_only_event.jpg/220px-In_the_earlist_times_a_simple_foot-race_was_the_only_event.jpg)
ⵓⵔⴰⵔⵏ ⴰⴷ ⴽⴽⴰⵏ ⵜⵜ ⵉⵏⵏ ⵓⵎⴰⵏ ⵖ ⵉⵙ ⵉⵣⵡⴰⵔⵏ ⵖⴰⵢⵍⵍⵉ ⵉⵣⴷⵉⵏ ⴷ ⵜⵉⵣⵣⵍⴰ ⵓⵍⴰ ⵖⴰⵢⵍⵍⵉ ⵏ ⵜⴰⵎⴰⵖⵜ ⵣⵓⵏ ⴷ ⴰⵣⵣⴰⵖ ⴷ ⵓⴱⴰⵏⴽⵔⴰⵙⵓ.
ⵍⴰⵚⵍ ⵏ ⵓⵔⴰⵔⵏ ⵓⵍⴰⵎⴱⵉⵢⵏ ⵉⵏⴳⴹ ⵖ ⵓⴳⵏⵙ ⵏ ⵓⵎⵉⵢⵏ ⴷ ⵜⵏⴼⵓⵙⵉⵏ,[11] ⵢⴰⵏ ⵙⵖ ⵓⵎⵉⵢⵏ ⴷⴰ ⴱⴰⵀⵔⴰ ⵜⵜⵢⴰⵡⵙⵙⴰⵏⵉⵏ ⴰⵔ ⵉⵜⵜⵉⵏⵉ ⵉⵙ ⴷ ⵉⵔⴰⵇⵍ ⴷ ⴱⴰⴱⴰⵙ ⵣⵓⵙ ⴰⴷ ⵉⵣⵡⴰⵔⵏ ⵙ ⵓⵔⴰⵔⵏ ⴰⴷ ⵖ ⵎⵉⴷⴷⵓ ⵏ ⵓⵎⵉⵢ ⵉⵔⴰⵇⵍ ⵍⵍⵉⵖ ⵉⵙⵎⴷ ⵙⵏⴰⵜ ⴷ ⵎⵔⴰⵡⵜ ⵜⵡⵓⵔⵉⵡⵉⵏ ⵉⴱⵏⴰ ⴰⴱⴰⵔⴰⵣ ⵓⵍⴰⵎⴱⵉⵢ ⵙ ⵡⴰⴷⴷⵓⵔ ⵏ ⵣⵓⵙ,[12] ⵉⴼⵜⴰ ⵢⴰⵏ 200 ⵎⵉⵜⵔⵓ ⵖ ⵢⴰⵏ ⵓⴹⵕⴼ ⵢⵓⵖⴷⵏ, ⵉⵙⵎⵍ ⴰⵙ ⵉⵍⵎⵎⴰ "ⵙⵜⴰⴷⵢⵓⵏ" ⵉⴳⴰⵏ ⵙⵓⵍ ⵢⴰⵏ ⵓⴼⵔⴷⵉⵙ ⵏ ⵓⵙⵖⴰⵍ.[13]
ⵜⴰⴼⵓⴳⵍⴰ
[edit | edit source]ⵜⴰⴼⵓⴳⵍⴰ ⵏ ⵓⵕⵥⵥⵓⵎ
[edit | edit source]ⵖⵎⴽⵍⵍⵉ ⵎⵓⵣⵔⵏ ⵉⴳⴰⵎⵎⴰⵏ ⵓⵍⴰⵎⴱⵉⵢⵏ, ⵍⵍⴰⵏⵜ ⵜⵖⴰⵡⵙⵉⵡⵉⵏ ⵎⵢⴰⵏⴰⵡⵏⵉⵏ ⴷⴰ ⴳⵍⵍⵉⵏⵉⵏ ⵎⴰⵏⵎⴽ ⵔⴰⴷ ⵜⵣⵔⴰⵢ ⵜⴼⵓⴳⵍⴰ ⵏ ⵓⵕⵥⵥⵓⵎ. ⵜⴰⴼⵓⴳⵍⴰ ⴰⴷ ⴰⵔ ⵜⵣⵔⴰⵢ ⵖ ⵡⴰⵙⵙ ⵏ ⵓⵙⵉⵎⵡⴰⵙ (ⵍⵊⴰⵎⵄ) ⵓⵔ ⵜⴰ ⵙⵙⵏⵜⵉⵏⵜ ⵜⵔⵎⵉⵜⵉⵏ ⵜⵉⵎⴰⵏⵓⵏⵉⵏ (ⴰⵢⵙⵉⵍⴰⴷ ⴽⵔⴰ ⵏ ⵉⵎⵉⵟⵛⴰⵏ ⵏ ⵜⵡⵊⵊⴰ ⵏ ⵓⴹⴰⵔ ⵏ ⵓⵍⴽⴽⵓⴷ ⵏ ⵜⴳⵔⵓⵎⵎⴰⵡⵉⵏ ⴷ ⵉⵎⵉⵟⵛⴰⵏ ⵏ ⵜⵡⵊⵊⴰ ⵉⵍⴳⴳⵯⴰⵖⵏ).[14][15] ⵜⴰⴳⴳⴰⵜ ⵏ ⵜⵎⵢⵓⵔⵉⵏ ⵏ ⵜⴼⵓⴳⵍⴰ ⵏ ⵓⵕⵥⵥⵓⵎ ⵜⵜⵢⴰⵡⵙⵜⴰⵢⵏⵜ ⵖ ⵡⵓⵔⴰⵔⵏ ⵏ ⵓⵏⴱⴷⵓ ⵏ 1920 ⵖ ⴱⵍⵊⵉⴳⴰ.[16] ⵜⴰⴼⵓⴳⵍⴰ ⴷⴰ ⵜⵙⵙⵏⵜⴰⵢ ⵖⵉⴽⵍⵍⵉ ⵉⴳⴳⵓⵜⵏ ⵙ ⵓⴽⵛⵛⵓⵎ ⵏ ⵓⵎⵖⴰⵔ ⵏ ⵓⴳⵔⴰⵡ ⴰⵎⴰⴹⵍⴰⵏ ⵓⵍⴰⵎⴱⵉⵢ, ⵉⵎⵓⵏ ⴷⵉⵙ ⵢⴰⵏ ⵓⵎⴰⵣⴰⵏ ⵏ ⵜⵎⴰⵣⵉⵔⵜ ⵉⵙⵏⵓⴱⴳⴰⵏ ⵓⵔⴰⵔⵏ, ⴷ ⵡⴰⵍⵍⴰⵍ ⵏ ⵓⴽⵏⵢⴰⵍ ⵏ ⵜⵎⴰⵣⵉⵔⵜ ⴰⴷ ⴷ ⵉⵔⵉⵔ ⵏ ⵜⵉⵢⵢⵜ ⵏⵏⵙ ⵜⴰⵏⴰⵎⵓⵔⵜ.[14][15] ⵉⴹⴼⵕ ⵜⵜ ⴰⴷ ⵜⵙⵙⵎⵏⵉⴷ ⵜⵎⴰⵣⵉⵔⵜ ⵉⵙⵏⵓⴱⴳⴰⵏ ⵢⴰⵏ ⵓⵙⴼⵙⵔ ⵏ ⵜⵥⵓⵕⵉ ⵏ ⵓⵥⴰⵡⴰⵏ ⴷ ⵉⵔⵉⵔ ⴷ ⵓⵚⴽⴰⵚⵚⴰⵢ ⴷ ⵓⵎⵣⴳⵓⵏ ⴷⴰ ⵉⵎⵎⴰⵍⵏ ⵜⴰⴷⵍⵙⴰ ⵏ ⵜⵎⴰⵣⵉⵔⵜ ⴰⵏⵏ.[16] ⴽⵔⴰ ⵙ ⴰⵔ ⵣⵔⴰⵢⵏⵜ ⵜⵙⵙⵓⵜⵍⵉⵏ ⴽⵔⴰ ⵙ ⴰⵔ ⵔⵏⵏⵓⵏⵜ ⴰⵜⵉⴳ ⴷ ⵓⵍⵡⴰ ⴷ ⵜⵎⵓⵜⵜⵍⵜ ⵓⴽⴰⵏ ⴽⵔⴰ ⵉⴳⴰ ⵜⵜ ⴰⵎⵙⵏⴱⴳⵉ ⴰⵔ ⵉⵜⵜⵎⵎⴰⵖ ⴰⴷ ⵉⴼⴽ ⵢⴰⵜ ⵜⴼⵓⴳⵍⴰ ⵓⵔ ⵉⵜⵜⴻⵜⵜⵓⵏ ⴼ ⵜⵉⵍⵍⵉ ⵣⵔⵉⵏⵉⵏ. ⵜⴰⵎⵖⵔⴰ ⵏ ⵓⵕⵥⵥⵓⵎ ⵏ ⵡⵓⵔⴰⵔⵏ ⵏ ⴱⵉⴽⵉⵏ ⵉⵜⵜⵢⴰⵡⵏⵏⴰ ⵉⵙ ⵜⴹⵕ ⵙ ⵢⴰⵜ ⵜⵎⵉⴹⵉ ⵏ ⵎⵍⵢⵓⵏ ⵏ ⵉⴷⵓⵍⴰⵔⵏ, ⴰⵎⴰⴽⴰ ⵏⵏⵙ ⵉⴽⴽⴰ ⵜⴰⵙⴳⴰ ⵏ ⵎⴰ ⵉⵣⴷⵉⵏ ⴷ ⵜⵥⵓⵕⵉ.[17]
![](http://upload.wikimedia.org/wikipedia/commons/thumb/e/e3/U.S._Olympic_Team_participates_in_2024_Opening_Ceremonies_in_Paris_%28240726-A-UW671-1010%29.jpg/220px-U.S._Olympic_Team_participates_in_2024_Opening_Ceremonies_in_Paris_%28240726-A-UW671-1010%29.jpg)
ⴽⵓⴷ ⵏⵏⴰ ⵔⴰⴷ ⵉⵎⴷⵓ ⵓⴳⵣⵣⵓⵎ ⵏ ⵜⵥⵓⵕⵉ, ⴰⵔ ⴷ ⴽⵛⵛⵎⵏ ⵉⵎⴰⵣⵣⴰⵍⵏ ⵖ ⵢⴰⵏ ⵓⵥⴱⵥⴹⵕ, ⴳⴷⵓⴷⵏ ⴰⴽⴽⵯ ⵙ ⵜⵎⵉⵣⴰⵔ ⵏⵏⵙⵏ. ⵖ ⵎⴰⴷ ⵉⴳⴰⵏ ⴰⵏⵎⵢⵓⵔ, ⵜⴰⵎⴰⵣⵉⵔⵜ ⵏ ⵉⵢⵓⵏⴰⵏ ⴰⴷ ⵣⵡⴰⵔ ⵉⴽⵛⵛⵎⵏ, ⴷ ⵏⵜⵜⴰⵜ ⴰⴷ ⵉⵥⵉⵎⵥⵏ ⵜⴰⵔⴼⴼⴰⴽⵜ ⴰⴼⴰⴷ ⴰⴷ ⵙⵙⵉⵎⵖⵓⵔⵏ ⴰⴷⴷⵓⵔ ⵏ ⵉⵥⵓⵔⴰⵏ ⵏ ⵡⵓⵔⴰⵔⵏ ⵓⵍⴰⵎⴱⵉⵢⵏ. ⵖ ⵜⵖⵔⴷⵉⵏ ⵏⵏⵙⵏ, ⴰⵔ ⴷ ⵉⵍⵎⵎⴰ ⴽⵛⵛⵎⵏⵜ ⵜⵎⵉⵣⴰⵔ ⵢⴰⴹⵏⵉⵏ ⵙ ⵓⵏⵎⴰⵍⴰ ⵏ ⵉⴷ ⵍⵍⵉⴼ ⵏ ⵜⵓⵜⵍⴰⵢⵜ ⴷⴰ ⵜⵙⵜⵉ ⵜⵎⴰⵣⵉⵔⵜ ⵖ ⵍⵍⴰⵏ ⵡⵓⵔⴰⵔⵏ ⵎⵉ ⵓⵔ ⴽⵛⵛⵎⵏ ⵉⵎⴰⵣⵣⴰⵍⵏ ⵏⵏⵙ ⴰⵔ ⵜⵉⴳⵉⵔⴰ.[14][15]
![](http://upload.wikimedia.org/wikipedia/commons/thumb/5/54/2008_Summer_Olympics_-_Bhutan_eniras.jpg/220px-2008_Summer_Olympics_-_Bhutan_eniras.jpg)
ⵜⴰⴼⵓⴳⵍⴰ ⵏ ⵓⵔⴳⴳⴰⵍ
[edit | edit source]ⵜⴰⴼⵓⴳⵍⴰ ⵏ ⵓⵔⴳⴳⴰⵍ ⵏ ⵓⵍⴰⵎⴱⵢⴰⵜⵏ ⴰⵔ ⵜⴻⵜⵜⵉⵍⵉ ⵖ ⵡⴰⵙⵙ ⵏ ⵓⵙⵉⵎⵡⴰⵙ ⵎⴽ ⴰⵏⵏ ⵎⴷⴰⵏ ⵉⴳⵉⵜⵏ ⵉⵎⴰⵏⵓⵏⵏ ⴰⴽⴽⵯ. ⵉⵎⴰⵙⴰⵢⵏ ⵏ ⵉⴽⵏⵢⴰⵍⵏ ⵏ ⴽⵔⴰⵢⴳⴰⵜ ⵜⴰⵎⴰⵣⵉⵔⵜ ⵉⴷⵔⴰⵏ ⵖ ⵡⵓⵔⴰⵔⵏ ⴰⵔ ⴷ ⴽⵛⵛⵎⵏ ⵙ ⵓⴱⴰⵔⴰⵣ, ⴹⴼⵕⵏ ⵜⵏ ⵉⵎⴰⵣⵣⴰⵍⵏ ⴷ ⴽⵛⵛⵎⵏⵉⵏ ⴽⵓⵍⵍⵓ ⵖ ⵢⴰⵜ ⵜⴳⵔⴳⵓⵔⵜ, ⴱⵍⴰ ⴽⵔⴰ ⵏ ⵓⵏⴳⵉⵔⵉ ⵙ ⵜⵎⴰⵣⵉⵔⵜ ⵏⵏⵙⵏ.[18] ⵓⴽⴰⵏ, ⴽⵔⴰⴹ ⵉⴽⵏⵢⴰⵍⵏ ⵉⵏⴰⵎⵓⵔⵏ ⴰⴷ ⵉⵜⵜⵢⴰⵍⵍⵏ ⵙ ⵓⴼⵍⵍⴰ ⴰⵙⵔⵓ ⵖ ⴰⵔ ⵜⵜⵢⵉⵔⵉⵔⵏ ⵜⵉⵢⵜⴰ ⵏⵏⵙⵏⵜ ⵜⵉⵏⴰⵎⵓⵔⵉⵏ, ⵢⴰⵏ ⵙ ⵢⴰⵏ: ⴰⴽⵏⵢⴰⵍ ⵏ ⵜⵎⴰⵣⵉⵔⵜ ⵖ ⵍⵍⴰⵏ ⵡⵓⵔⴰⵔⵏ ⴷ ⵓⴽⵏⵢⴰⵍ ⵏ ⵜⵎⴰⵣⵉⵔⵜ ⵏ ⵉⵢⵓⵏⴰⵏ, ⴰⴼⴰⴷ ⴰⴷ ⵙⵙⵉⵎⵖⵓⵔⵏ ⴰⵏⵙⴰ ⵏ ⵜⵍⴰⵍⵉⵜ ⵏ ⵡⵓⵔⴰⵔⵏ ⴰⴷ ⴷ ⵓⴽⵏⵢⴰⵍ ⵏ ⵜⵎⴰⵣⵉⵔⵜ ⵖ ⵔⴰⴷ ⵙⵓⵍ ⵉⵍⵉⵏ ⵡⵓⵔⴰⵔⵏ ⵏ ⵓⵏⴱⴷⵓ ⴷ ⵡⵉⵏ ⵜⴳⵔⵙⵜ ⴷⴰ ⴷ ⵓⵛⴽⴰⵏⵉⵏ.[18] ⴰⵎⴰⴳⵔ ⵏ ⵜⴳⵔⴰⵡⵜ ⵉⵙⵏⵎⴰⵍⴰⵏ ⴷ ⵓⵎⵖⴰⵔ ⵏ ⵜⴳⵔⴰⵡⵜ ⵜⴰⴳⵔⴰⵖⵍⴰⵏⵜ ⵏ ⵓⵍⴰⵎⴱⵢⴰⵜⵏ ⴰⵔ ⴰⴽⴽⴰⵏ ⴰⵡⴰⵍ ⵏⵏⵙⵏ ⵏ ⵓⵔⴳⴳⴰⵍ, ⵓⵔⴰⵔⵏ ⴰⵔ ⵉⵍⵎⵎⴰ ⵔⴳⴳⵍⵏ ⵙ ⵓⵏⴰⵎⴽ ⵓⵏⵚⵉⴱ, ⵉⵅⵙⵉ ⵓⵙⴰⴼⵓ ⵏⵏⵙⵏ.
ⵜⵉⵎⵉⵜⴰⵔ
[edit | edit source]ⴰⵎⵓⵙⵙⵓ ⵏ ⵓⵍⵉⵎⴱⵉⴽ ⴰⵔ ⵉⵙⵅⴷⴰⵎ ⵉⵣⵉⴽⵉⵍⵏ ⴱⴰⵛ ⴰⴷ ⵉⵎⵎⵜⴰⵍ ⵜⵉⵖⵔⴰⴷⵉⵏ ⵍⵍⵉ ⵉⵍⵍⴰⵏ ⵖ ⵓⵍⵓⵃ ⵏ ⵓⵍⵉⵎⴱⵉⴽ. ⴰⵣⵉⴽⵉⵍ ⵏ ⵓⵍⵉⵎⴱⵉⴽ, ⵍⵍⵉ ⵉⵜⵜⵡⴰⵙⵙⵏⵏ ⵙ ⵉⵣⵉⴽⵉⵍⵏ ⵏ ⵓⵍⵉⵎⴱⵉⴽ, ⵉⴳⴰ ⵜ ⵉⴷ ⵙⵎⵎⵓⵙ ⵏ ⵜⵃⵓⵏⴰ ⵉⵎⵓⵏ ⴷ ⴰⵔ ⵉⵎⵎⵜⴰⵍ ⵜⴰⵎⵓⵏⵜ ⵏ ⵙⵎⵎⵓⵙ ⵏ ⵉⵇⴰⵔⵔⴰⵢⵏ ⵉⵜⵜⵓⵣⴹⴰⵔⵏ (ⵜⴰⴼⵔⵉⵇⵜ, ⵜⵉⵎⴰⵔⵉⴽⴰⵏⵉⵏ (ⴰⵔ ⵜⵜⵡⴰⵃⵙⴰⴱⵏⵜ ⴷ ⵢⴰⵏ ⵓⵇⴰⵔⵔⵓ), ⴰⵙⵢⴰ, ⵓⵔⵓⴱⴱⴰ, ⴷ ⵓⵙⵢⴰⵏⵢⴰ). ⵜⴰⵏⵉⵍⴰ ⵏ ⵜⵃⵓⵏⴰ ⵙ ⵉⵍⵓⵏⴰⵏ - ⴰⵣⴳⵣⴰⵡ, ⴰⵡⵔⴰⵖ, ⴰⵙⴳⴳⴰⵏ, ⴰⵣⴻⴳⵣⴰⵡ, ⴷ ⵓⵣⴳⴳⵯⴰⵖ - ⵖ ⵓⴼⵍⵍⴰ ⵏ ⵓⵏⵏⴰⵔ ⵓⵎⵍⵉⵍ ⴰⵔ ⵜⴳⴰ ⵜⴰⴽⴱⴱⵓⵜ ⵏ ⵓⵍⵉⵎⴱⵉⴽ. ⵉⵍⵓⵏⴰⵏ ⴰⴷ ⵜⵡⴰⴼⵔⵏⵏ ⴰⵛⴽⵓ ⴽⵔⴰⵢⴳⴰⵜ ⵜⴰⵎⴰⵣⵉⵔⵜ ⵜⵟⵟⴰⴼ ⵢⴰⵏ ⵣⵖ-ⵙⵏ ⵖ ⵜⴽⴱⴱⵓⵜ ⵏⵏⵙ ⵜⴰⵏⴰⵎⵓⵔⵜ. ⵜⴰⴽⴱⴱⵓⵜ ⴰⴷ ⵜⵡⴰⵙⵜⵉⵜ ⵖ 1914 ⵡⴰⵍⴰⵢⵏⵏⵉ ⵓⵔ ⴷ ⵜⴼⴼⵉⵖ ⴰⴱⵍⴰ ⵖ ⵓⵍⵉⵎⴱⵉⴽ ⵏ ⵓⵏⴻⴱⴷⵓ ⵏ 1920 ⵖ ⴰⵏⴼⴻⵔⵙ, ⴱⴻⵍⵊⵉⴽⴰ. ⵣⵖ ⵖⵉⴽⴰⵏ ⴰⵔ ⵜⵜⴰⵍⵉ ⵖ ⴽⵔⴰⵢⴳⴰⵜ ⵜⴰⴼⴰⵙⴽⵜ ⵏ ⵓⵔⴰⵔⵏ.[19][20]
ⵜⴰⴳⵓⵔⵉ ⵏ ⵓⵍⵉⵎⴱⵉⴽ, *ⵛⵉⵜⵉⵓⵙ, ⴰⵍⵜⵉⵓⵙ, ⴼⵓⵔⵜⵉⵓⵙ*, ⴰⵡⴰⵍ ⵙ ⵜⵍⴰⵜⵉⵏⵉⵜ ⵍⵍⵉ ⵉⵜⵎⵎⴰⵍ "ⴼⵙⵙⵓⵙ-ⵏ, ⵢⴰⵜⵜⵓⵢⵏ, ⵉⵊⵀⴷⵏ" ⵜⵡⴰⵙⵜⵉⵜ ⵙ ⴱⵉⴻⵔⵔⴻ ⴷⴻ ⵛⵓⵓⴱⴻⵔⵜⵉⵏ ⵖ 1894 ⵜⵉⵍⵉ ⴷ ⵜⴰⵏⴱⴰⴹⵜ ⵣⵖ 1924. ⵜⴰⴳⵓⵔⵉ ⴰⴷ ⵢⵉⵡⵉ ⵜⵜ ⵉⴷ ⵓⵎⴷⴷⴰⴽⴽⵯⵍ ⵏ ⵛⵓⵓⴱⴻⵔⵜⵉⵏ, ⴰⵇⵛⵉⵛ ⵏ ⵜⴳⵎⵎⵉ ⵏ ⵔⴱⴱⵉ ⵀⴻⵏⵔⵉ ⴷⵉⴷⵓⵏ ⵓⴱ, ⵉ ⵢⴰⵏ ⵓⵎⵏⴰⴳⴳⴰⵔ ⵏ ⵉⵎⵥⵢⴰⵏⵏ ⵏ ⴱⴰⵔⵉⵙ ⵖ 1891.
ⵜⵓⵏⵏⵓⵏⵉⵏ
[edit | edit source]ⴰⵖⴰⵡⴰⵙ ⵏ ⵡⵓⵔⴰⵔⵏ ⵓⵍⴰⵎⴱⵉⵢⵏ ⵍⵍⴰⵏ ⴳⵉⵙ 35 ⵏ ⵡⴰⵏⴰⵡ ⵏ ⵜⵓⵏⵏⵓⵏⵜ, 30 ⵏ ⵉⴼⴰⵜⵍⵉⵡⵏ ⴷ 408 ⵏ ⵉⴳⵉⵜⵏ. ⵙ ⵓⵎⴷⵢⴰ, ⵜⴰⵎⴰⵥⵍⴰ ⵜⴳⴰ ⵢⴰⵜ ⵜⵓⵏⵏⵓⵏⵜ ⵜⵉⵡⵍⴰⵎⴱⵉⵢⵜ ⵏ ⵓⵏⴱⴷⵓ, ⵜⴻⵟⵟⴰⴼ ⵙⵉⵏ ⵉⴼⴰⵜⵍⵉⵡⵏ: ⴰⴳⵔⵉⴽⵓ-ⴰⵕⵓⵎⴰⵏⵉ ⴷ ⵓⴼⵔⵉⵙⵜⴰⵢⵍ. ⵜⴱⴹⴰ ⵙⵓⵍ ⵙ 14 ⵏ ⵉⴳⵉⵜⵏ ⴷⴰⵔ ⵉⵔⴳⴰⵣⵏ ⴷ 4 ⴷⴰⵔ ⵜⵎⵖⴰⵔⵉⵏ, ⴽⵔⴰⵢⴳⴰⵜ ⵢⴰⵜ ⴰⵔ ⵜⵙⴽⴰⵏ ⵢⴰⵏ ⵓⵙⵎⵉⵍ ⵏ ⵜⴰⵥⴰⵢⵜ.[21] ⴰⵖⴰⵡⴰⵙ ⵏ ⵓⵏⴱⴷⵓ ⵉⵟⵟⴰⴼ 26 ⵏ ⵜⵓⵏⵏⵓⵏⵉⵏ, ⵉⵎⵎⴰ ⵡⵉⵏ ⵜⴳⵔⵙⵜ ⵉⵍⴰ 15.[22] ⵜⵉⵣⵣⵍⴰ ⴷ ⵓⵛⵓⵛⴼ ⴷ ⵉⵎⵉⵖ ⵙ ⵉⴳⵙⵜⵓⵔⵏ ⴷ ⵜⵥⵓⵕⵉ ⵏ ⵉⵏⵍⴱⵉ ⵖⵡⵉⴷ ⵓⵔ ⵊⵊⵓ ⵙⵙⵉⴽⵉⵏ ⴽⵔⴰ ⵏ ⵓⵖⴰⵡⴰⵙ.
ⴰⵛⵛⴰⴹ ⵖ ⴳⵔ ⵜⵎⴰⵣⵉⵔⵜ ⴷ ⵡⴰⵛⵛⴰⴹ ⴼ ⵓⵖⵔⵉⵙ ⴷ ⵓⵀⵓⴽⵉ ⴼ ⵓⵖⵔⵉⵙ ⴷ ⵜⵓⴽⵢⴰ ⵏ ⵙⵙⴽⵉ ⴷ ⵙⵙⴽⵉ ⵙ ⵜⵉⵢⵎⵎⴰⵔ ⵍⵍⴰⵏ ⵖ ⴽⵔⴰⵢⴳⴰⵜ ⴰⵖⴰⵡⴰⵙ ⵉⵡⵍⴰⵎⴱⵉⵢ ⵏ ⵜⴳⵔⵙⵜ ⵙⵖ ⵡⴰⴼⴰⵙ ⵏⵏⵙ ⵖ 1924. ⵜⵓⵏⵏⵓⵏⵉⵏ ⵜⵓⵍⴰⵎⵉⵢⵏ ⵜⵉⵍⵉⵡⵏⵉⵏ, ⵣⵓⵏ ⴷ ⴱⴰⴷⵎⵉⵏⵜⵓⵏ, ⵜⵡⵊⵊⴰ ⵏ ⵜⴰⵔⵢⴰⵍⵜ, ⴷ ⵜⵡⵊⵊⴰ ⵉⵜⵜⴰⵢⵍⴰⵍⵏ, ⵥⵔⴰⵏ ⵜⵉⴼⴰⵡⵜ ⵖ ⵓⵖⴰⵡⴰⵙ ⴳⴰⵏ ⵜⵓⵏⵏⵓⵏⵉⵏ ⵏ ⵓⵙⴽⴰⵏ, ⵜⵜⵢⵓⴳⴰⵏⵜ ⵙⵓⵍ ⴷ ⵜⵓⵏⵏⵓⵏⵉⵏ ⵓⵙⵙⵇⵏⵉⵏ ⵏ ⵓⵍⴰⵎⴱⵢⴰⵜⵏ. ⴽⵔⴰ ⵏ ⵜⵓⵏⵏⵓⵏⵉⵏ ⴷⴰ ⵜⵜ ⵉⵏⵏ ⴽⴽⴰⵏⵉⵏ ⵖ ⵡⵓⵔⴰⵔⵏ ⵎⵏⵛⴽ ⴰⵢⴰⴷ ⵜⵜⵢⴰⵡⴼⵍⴰⵏⵜ ⵙⵓⵍ. [23]
ⵜⵉⵙⵓⵖⴰⵍ
[edit | edit source]- ↑ "ⵊⴻⵓⵅ ⵓⵍⵢⵎⴱⵉⵇⵓⴻⵙ – ⵙⴱⵓⵔⵜⵙ, ⴰⵜⵀⵍèⵜⴻⵙ, ⵎéⴷⴰⵉⵍⵍⴻⵙ, ⵔⵉⵓ 2016". ⵉⵏⵜⴻⵔⵏⴰⵜⵉⵓⵏⴰⵍ ⵓⵍⵢⵎⴱⵉⵛ ⵛⵓⵎⵎⵉⵜⵜⴻⴻ. 22 ⵓⵛⵜⵓⴱⴻⵔ 2018.
- ↑ "ⵓⴼⴻⵔⴼⵉⴻⵡ ⵓⴼ ⵓⵍⵢⵎⴱⵉⵛ ⴳⴰⵎⴻⵙ". ⴻⵏⵛⵢⵛⵍⵓⴱæⴷⵉⴰ ⴱⵔⵉⵜⴰⵏⵏⵉⵛⴰ. ⵔⴻⵜⵔⵉⴻⴼⴻⴷ 4 ⵊⵓⵏⴻ 2008.
- ↑ ⵜⵀⴻ ⴰⵙⵙⵓⵛⵉⴰⵜⴻⴷ ⴱⵔⴻⵙⵙ (14 ⵓⵛⵜⵓⴱⴻⵔ 1986). "ⵓⵍⵢⵎⴱⵉⵛⵙ ⵜⵓ ⵀⵓⵍⴷ ⴻⴼⴻⵏⵜⵙ ⴻⴼⴻⵔⵢ 2 ⵢⴻⴰⵔⵙ : ⵡⵉⵏⵜⴻⵔ ⴳⴰⵎⴻⵙ ⵜⵓ ⴱⴻ ⵙⴱⵍⵉⵜ ⵓⴼⴼ, ⵙⵜⴰⵔⵜ ⵓⵡⵏ 4-ⵢⴻⴰⵔ ⵛⵢⵛⵍⴻ ⵉⵏ '94". ⵍ.ⴰ. ⵜⵉⵎⴻⵙ ⴰⵔⵛⵀⵉⴼⴻⵙ. ⵍⵓⵙ ⴰⵏⴳⴻⵍⴻⵙ ⵜⵉⵎⴻⵙ.
- ↑ ⴰⵍⴰⵏ ⵔⵉⴷⵉⵏⴳ (12 ⴼⴻⴱⵔⵓⴰⵔⵢ 1993). "ⵓⵍⵢⵎⴱⵉⵛⵙ: ⵓⵏⴻ ⵢⴻⴰⵔ ⵜⵓ ⵍⵉⵍⵍⴻⵀⴰⵎⵎⴻⵔ; '94 ⵓⵍⵢⵎⴱⵉⵛⵙ ⴰⵔⴻ ⵓⵏ ⵙⵛⵀⴻⴷⵓⵍⴻ ⵏⵓⵡ ⵜⵀⴰⵜ ⴱⵓⴷⴳⴻⵜ ⴳⴰⵎⴻⵙ ⴰⵔⴻ ⵓⴼⴻⵔ". ⵜⵀⴻ ⵏⴻⵡ ⵢⵓⵔⴽ ⵜⵉⵎⴻⵙ. ⴰⵔⵛⵀⵉⴼⴻⴷ ⴼⵔⵓⵎ ⵜⵀⴻ ⵓⵔⵉⴳⵉⵏⴰⵍ ⵓⵏ 12 ⴼⴻⴱⵔⵓⴰⵔⵢ 2024.
- ↑ "ⵏⵓ ⴱⵓⵢⵛⵓⵜⵜ ⴱⵍⵓⴻⵙ". ⵓⵍⵢⵎⴱⵉⵛ.ⵓⵔⴳ. ⵔⴻⵜⵔⵉⴻⴼⴻⴷ 6 ⵊⴰⵏⵓⴰⵔⵢ 2017.
- ↑ ⵎ.ⵉ. ⴼⵉⵏⵍⴻⵢ ⴰⵏⴷ ⵀ.ⵡ. ⴱⵍⴻⴽⴻⵜ, ⵜⵀⴻ ⵓⵍⵢⵎⴱⵉⵛ ⴳⴰⵎⴻⵙ: ⵜⵀⴻ ⴼⵉⵔⵙⵜ ⵜⵀⵓⵓⵙⴰⵏⴷ ⵢⴻⴰⵔⵙ (1976) ⴰⵜ 26; ⵙⴻⴻ ⴰⵍⵙⵓ ⵜⵓⵏⵢ ⴱⴻⵔⵔⵓⵜⵜⴻⵜ, ⵜⵀⴻ ⵏⴰⴽⴻⴷ ⵓⵍⵢⵎⴱⵉⵛⵙ (2004) ⴰⵜ 38. ⵜⵀⵉⵙ ⵡⴰⵙ ⴰⴼⵜⴻⵔ ⵜⵀⴻ ⵀⴰⵔⴼⴻⵙⵜ ⴱⵓⵜ ⴱⴻⴼⵓⵔⴻ ⵜⵀⴻ ⵓⵍⵉⴼⴻ ⴱⵉⵛⴽⵉⵏⴳ ⴱⴻⴳⴰⵏ. ⵉⴷ.
- ↑ ⴼⵉⵏⵍⴻⵢ ⴷ ⴱⵍⴻⴽⴻⵜ ⵖ 26, ⴷ ⴱⴻⵔⵔⵓⵜⵜⴻⵜ ⵖ 38.
- ↑ ⴱⴻⵔⵔⵓⵜⵜⴻⵜ ⵖ 49.
- ↑ ⴱⴻⵔⵔⵓⵜⵜⴻⵜ ⵖ 50.
- ↑ ⴼⵉⵏⵍⴻⵢ ⴷ ⴱⵍⴻⴽⴻⵜ ⵖ 55. ⴽⵔⴰ ⵏ ⵉⵙⵓⵖⴰⵍ ⴷⴰ ⵜⵜⵉⵏⵉⵏ ⵎⴰⵙ ⴽⵔⴰ ⵏ 40,000 ⴰⴷ ⵉⵜⵜⵃⴰⴹⴰⵕⵏ. "ⵓⵍⵢⵎⴱⵉⵛ ⴳⴰⵎⴻⵙ" ⵉⵏ ⵜⵀⴻ ⵛⵍⴰⵙⵙⵉⵛⴰⵍ ⵜⵔⴰⴷⵉⵜⵉⵓⵏ (2010) ⴰⵜ 654.
- ↑ ⵢⵓⵓⵏⴳ 2004, ⴱ. 12.
- ↑ ⴱⴰⵓⵙⴰⵏⵉⴰⵙ, "ⴻⵍⵉⵙ 1", ⴼⵉⵉ, ⴱ. 9; ⴱⵉⵏⴷⴰⵔ, "ⵓⵍⵢⵎⴱⵉⴰⵏ 10", ⴱⴱ. 24–77
- ↑ "ⵓⵍⵢⵎⴱⵉⵛ ⴳⴰⵎⴻⵙ". ⴻⵏⵛⵢⵛⵍⵓⴱæⴷⵉⴰ ⴱⵔⵉⵜⴰⵏⵏⵉⵛⴰ. ⵔⴻⵜⵔⵉⴻⴼⴻⴷ 29 ⴰⴱⵔⵉⵍ 2009.
- ↑ 14,0 14,1 ⴻⵜ 14,2 "ⴼⴰⵛⵜ ⵙⵀⴻⴻⵜ: ⵓⴱⴻⵏⵉⵏⴳ ⵛⴻⵔⴻⵎⵓⵏⵢ ⵓⴼ ⵜⵀⴻ ⵙⵓⵎⵎⴻⵔ ⵓⵍⵢⵎⴱⵉⵛ ⴳⴰⵎⴻⵙ" (ⴱⴷⴼ). ⵉⵏⵜⴻⵔⵏⴰⵜⵉⵓⵏⴰⵍ ⵓⵍⵢⵎⴱⵉⵛ ⵛⵓⵎⵎⵉⵜⵜⴻⴻ. ⴼⴻⴱⵔⵓⴰⵔⵢ 2008. ⴰⵔⵛⵀⵉⴼⴻⴷ ⴼⵔⵓⵎ ⵜⵀⴻ ⵓⵔⵉⴳⵉⵏⴰⵍ (ⴱⴷⴼ) ⵓⵏ 29 ⴰⴱⵔⵉⵍ 2011. ⵔⴻⵜⵔⵉⴻⴼⴻⴷ 14 ⴰⵓⴳⵓⵙⵜ 2008.
- ↑ 15,0 15,1 ⴻⵜ 15,2 "ⴼⴰⵛⵜ ⵙⵀⴻⴻⵜ: ⵓⴱⴻⵏⵉⵏⴳ ⵛⴻⵔⴻⵎⵓⵏⵢ ⵓⴼ ⵜⵀⴻ ⵡⵉⵏⵜⴻⵔ ⵓⵍⵢⵎⴱⵉⵛ ⴳⴰⵎⴻⵙ" (ⴱⴷⴼ). ⵉⵏⵜⴻⵔⵏⴰⵜⵉⵓⵏⴰⵍ ⵓⵍⵢⵎⴱⵉⵛ ⵛⵓⵎⵎⵉⵜⵜⴻⴻ. ⴼⴻⴱⵔⵓⴰⵔⵢ 2008. ⴰⵔⵛⵀⵉⴼⴻⴷ ⴼⵔⵓⵎ ⵜⵀⴻ ⵓⵔⵉⴳⵉⵏⴰⵍ (ⴱⴷⴼ) ⵓⵏ 25 ⵎⴰⵔⵛⵀ 2009. ⵔⴻⵜⵔⵉⴻⴼⴻⴷ 14 ⴰⵓⴳⵓⵙⵜ 2008.
- ↑ 16,0 ⴻⵜ 16,1 "ⵜⵀⴻ ⴷⴻⴼⴻⵍⵓⴱⵎⴻⵏⵜ ⵓⴼ ⵜⵀⴻ ⴳⴰⵎⴻⵙ – ⴱⴻⵜⵡⴻⴻⵏ ⴼⴻⵙⵜⵉⴼⴰⵍ ⴰⵏⴷ ⵜⵔⴰⴷⵉⵜⵉⵓⵏ" (ⴱⴷⴼ). ⵜⵀⴻ ⵎⵓⴷⴻⵔⵏ ⵓⵍⵢⵎⴱⵉⵛ ⴳⴰⵎⴻⵙ (ⴱⴷⴼ). ⵉⵏⵜⴻⵔⵏⴰⵜⵉⵓⵏⴰⵍ ⵓⵍⵢⵎⴱⵉⵛ ⵛⵓⵎⵎⵉⵜⵜⴻⴻ. ⴱ. 5. ⴰⵔⵛⵀⵉⴼⴻⴷ ⴼⵔⵓⵎ ⵜⵀⴻ ⵓⵔⵉⴳⵉⵏⴰⵍ (ⴱⴷⴼ) ⵓⵏ 25 ⵎⴰⵔⵛⵀ 2009. ⵔⴻⵜⵔⵉⴻⴼⴻⴷ 29 ⴰⵓⴳⵓⵙⵜ 2008.
- ↑ "ⴱⴻⵉⵊⵉⵏⴳ ⴷⴰⵣⵣⵍⴻⵙ: ⵛⵀⵉⵏⴻⵙⴻ ⵀⵉⵙⵜⵓⵔⵢ, ⵓⵏ ⴱⴰⵔⴰⴷⴻ ⴰⵙ ⵓⵍⵢⵎⴱⵉⵛⵙ ⴱⴻⴳⵉⵏ". ⵛⴰⵏⴰⴷⵉⴰⵏ ⴱⵔⵓⴰⴷⵛⴰⵙⵜⵉⵏⴳ ⵛⴻⵏⵜⵔⴻ. 8 ⴰⵓⴳⵓⵙⵜ 2008. ⴰⵔⵛⵀⵉⴼⴻⴷ ⴼⵔⵓⵎ ⵜⵀⴻ ⵓⵔⵉⴳⵉⵏⴰⵍ ⵓⵏ 6 ⵙⴻⴱⵜⴻⵎⴱⴻⵔ 2008. ⵔⴻⵜⵔⵉⴻⴼⴻⴷ 9 ⵙⴻⴱⵜⴻⵎⴱⴻⵔ 2008.
- ↑ 18,0 ⴻⵜ 18,1 "ⵛⵍⵓⵙⵉⵏⴳ ⵛⴻⵔⴻⵎⵓⵏⵢ ⴼⴰⵛⵜⵙⵀⴻⴻⵜ" (ⴱⴷⴼ). ⵜⵀⴻ ⵉⵏⵜⴻⵔⵏⴰⵜⵉⵓⵏⴰⵍ ⵓⵍⵢⵎⴱⵉⵛ ⵛⵓⵎⵎⵉⵜⵜⴻⴻ. 5 ⵊⵓⵏⴻ 2012. ⴰⵔⵛⵀⵉⴼⴻⴷ ⴼⵔⵓⵎ ⵜⵀⴻ ⵓⵔⵉⴳⵉⵏⴰⵍ (ⴱⴷⴼ) ⵓⵏ 16 ⵓⵛⵜⵓⴱⴻⵔ 2011. ⵔⴻⵜⵔⵉⴻⴼⴻⴷ 12 ⴰⵓⴳⵓⵙⵜ 2012.
- ↑ "ⵜⵀⴻ ⵓⵍⵢⵎⴱⵉⵛ ⵙⵢⵎⴱⵓⵍⵙ" (ⴱⴷⴼ). ⵉⵏⵜⴻⵔⵏⴰⵜⵉⵓⵏⴰⵍ ⵓⵍⵢⵎⴱⵉⵛ ⵛⵓⵎⵎⵉⵜⵜⴻⴻ. ⴰⵔⵛⵀⵉⴼⴻⴷ ⴼⵔⵓⵎ ⵜⵀⴻ ⵓⵔⵉⴳⵉⵏⴰⵍ (ⴱⴷⴼ) ⵓⵏ 24 ⵎⴰⵔⵛⵀ 2009. ⵔⴻⵜⵔⵉⴻⴼⴻⴷ 4 ⴼⴻⴱⵔⵓⴰⵔⵢ 2009.
- ↑ ⵍⴻⵏⵏⴰⵔⵜⵣ, ⴽⴰⵔⵍ (2002). "ⵜⵀⴻ ⵙⵜⵓⵔⵢ ⵓⴼ ⵜⵀⴻ ⵔⵉⵏⴳⵙ" (ⴱⴷⴼ). ⵊⵓⵓⵔⵏⴰⵍ ⵓⴼ ⵓⵍⵢⵎⴱⵉⵛ ⵀⵉⵙⵜⵓⵔⵢ. 10: 29–61. ⴰⵔⵛⵀⵉⴼⴻⴷ ⴼⵔⵓⵎ ⵜⵀⴻ ⵓⵔⵉⴳⵉⵏⴰⵍ (ⴱⴷⴼ) ⵓⵏ 7 ⵊⴰⵏⵓⴰⵔⵢ 2016. ⵔⴻⵜⵔⵉⴻⴼⴻⴷ 30 ⵏⵓⴼⴻⵎⴱⴻⵔ 2016.
- ↑ "ⵡⵔⴻⵙⵜⵍⵉⵏⴳ". ⵜⵀⴻ ⴱⴻⵉⵊⵉⵏⴳ ⵓⵔⴳⴰⵏⵉⵣⵉⵏⴳ ⵛⵓⵎⵎⵉⵜⵜⴻⴻ ⴼⵓⵔ ⵜⵀⴻ ⴳⴰⵎⴻⵙ ⵓⴼ ⵜⵀⴻ ⵅⵅⵉⵅ ⵓⵍⵢⵎⴱⵉⴰⴷ. ⴰⵔⵛⵀⵉⴼⴻⴷ ⴼⵔⵓⵎ ⵜⵀⴻ ⵓⵔⵉⴳⵉⵏⴰⵍ ⵓⵏ 26 ⴼⴻⴱⵔⵓⴰⵔⵢ 2009. ⵔⴻⵜⵔⵉⴻⴼⴻⴷ 25 ⵎⴰⵔⵛⵀ 2009.
- ↑ "ⵙⴱⵓⵔⵜⵙ". ⵉⵏⵜⴻⵔⵏⴰⵜⵉⵓⵏⴰⵍ ⵓⵍⵢⵎⴱⵉⵛ ⵛⵓⵎⵎⵉⵜⵜⴻⴻ. ⵔⴻⵜⵔⵉⴻⴼⴻⴷ 8 ⴼⴻⴱⵔⵓⴰⵔⵢ 2009.
- ↑ "ⵓⵍⵢⵎⴱⵉⵛ ⵙⴱⵓⵔⵜⵙ ⵓⴼ ⵜⵀⴻ ⴱⴰⵙⵜ". ⵓⵍⵢⵎⴱⵉⵛ.ⵓⵔⴳ. ⴰⵔⵛⵀⵉⴼⴻⴷ ⴼⵔⵓⵎ ⵜⵀⴻ ⵓⵔⵉⴳⵉⵏⴰⵍ ⵓⵏ 18 ⴷⴻⵛⴻⵎⴱⴻⵔ 2008. ⵔⴻⵜⵔⵉⴻⴼⴻⴷ 10 ⴼⴻⴱⵔⵓⴰⵔⵢ 2009.