Moai
Olggosoaidnin
![](http://upload.wikimedia.org/wikipedia/commons/thumb/9/98/ANAKENA_-_EASTER_ISLAND.jpg/350px-ANAKENA_-_EASTER_ISLAND.jpg)
Moai (rapanuigiela moai 'bázzi') lea namahus Beassášsullo dahjege Rapa Nui geađgebácciide, maid leat sullo dološ polynesialaš ássit ráhkadan sullii jagiin 1250–1500. Moait leat monolihtain ráhkaduvvon olbmolágan báccit, main leat eahpenormála stuorra oaivvit. Dat leat gaskamearálaččat sullii 4 mehtera alu ja dat deddet badjel 10 tonna. Dálá dieđuid mielde sullos leat 887 moai-bácci.